IMF Meeting : ఐఎంఎఫ్ స‌మావేశం: పాక్‌కు భార‌త్‌ చెక్ .. ఆ అంశాల‌పై దాయాదికి చుక్క‌లు – imf meet: india fires on pakistan over its minority record on coronavirus aid


ప్ర‌పంచ‌వ్యాప్తంగా క‌రోనా వైర‌స్ విజృంభిస్తుండ‌టంతో అనేక దేశాలు లాక్‌డౌన్‌ను పాటిస్తున్నాయి. ప్ర‌జలంతా ఇళ్ల‌కే ప‌రిమిత‌మవ‌డంతోపాటు అనేక దేశాల ఆర్థిక వ్య‌వ‌స్థ‌లు కుదేల‌య్యాయి. తాజాగా అంత‌ర్జాతీయ మానీట‌రీ ఫండ్ (ఐఎంఎఫ్‌) స‌భ్య‌దేశాల‌తో స‌మావేశం నిర్వ‌హించింది. ఈక్ర‌మంలో భార‌త్‌,పాక్‌ల‌తో స‌హా అనేక దేశాల ప్ర‌తినిధులు హాజ‌ర‌య్యారు. అయితే ఈ స‌మావేశంలో క‌రోనా సాయం విష‌యంలో పాక్ వైఖ‌రిని భార‌త్ ప్ర‌తినిధి సుర్జీత్ ఎస్ భ‌ల్లా ఎండ‌గ‌ట్టారు. క‌రోనా వైర‌స్ విస్త‌రిస్తున్న వేళ మైనారిటీల‌కు సాయం అందించేందుకు పాక్ వివ‌క్ష ప్ర‌ద‌ర్శిస్తోంద‌ని విమ‌ర్శించారు.


Must Read: క‌రోనాతో ఏఎస్పీ మృతి.. ప్లాస్మా థెర‌పీకి రంగం సిద్ధం చేసినా..


ఈ స‌మావేశంలో పాకిస్థాన్‌కు 1.346 బిలియ‌న్ డాల‌ర్ల ఆర్థిక సాయాన్ని ఐఎంఎఫ్ ప్ర‌క‌టించింది. అయితే ఈ నిర్ణ‌యంపై భారత ప్ర‌తినిథి భల్లా అసంతృప్తి వ్య‌క్తం చేశారు. క‌రోనా వేళ పేద‌ల‌కు సాయం చేసే విష‌యంలో మైనారిటీ వ‌ర్గాలైన హిందువులు, క్రిస్టియ‌న్లు, సిక్కులు, అహ్మ‌దీయులపై వివ‌క్ష సాగుతుంద‌ని గుర్తు చేశారు. ఇక ఈ నిధుల‌ను కరోనా బాధితుల‌ను ఆదుకోవ‌డం కంటే కూడా, త‌మ ర‌క్ష‌ణ రంగంపై ఖ‌ర్చు పెడుతుందని భ‌ల్లా ఆందోళ‌న వ్య‌క్తం చేశారు. ఇక పాక్ బ‌డ్జెట్‌లోని నిధులను అన్ని రాష్ట్రాల‌కు స‌మంగా పంచ‌డం లేద‌ని, బెలూచిస్థాన్ , సింధు ప్రావిన్స్‌ల‌పై వివ‌క్ష ప్ర‌ద‌ర్శిస్తోంద‌ని పేర్కొన్నారు. ఈ విషయాలను పరిగణనలోకి తీసుకోవాలని తాజాగా ఐఎంఎఫ్‌కు భార‌త్ విజ్ఞ‌ప్తి చేసింది.





Source link

Leave a Reply

Your email address will not be published. Required fields are marked *