India China border: చైనాతో వివాదం గురించి మోదీతో మాట్లాడా.. ఆయన మూడు అంత బాగోలేదు: ట్రంప్ సంచలన వ్యాఖ్యలు – us president donald trump says pm modi not in ‘good mood’ over border row with china


భారత్, చైనా మధ్య సరిహద్దు వివాదం పరిష్కారానికి అమెరికా అధ్యక్షుడు డొనాల్డ్ ట్రంప్ మరోసారి మధ్యవర్తిత్వం అంశం ప్రస్తావించారు. ఇరు దేశాల సమస్య పరిష్కారానికి తన వంతు ప్రయత్నం చేస్తానని డొనాల్డ్ ట్రంప్ పునరుద్ఘాటించారు. అంతేకాదు, భారత్, చైనా మధ్య కొనసాగుతున్న సంఘర్షణ గురించి ప్రధాని నరేంద్ర మోదీతో తాను మాట్లాడానని, తాజా పరిణామాలపై ఆయన మంచి మూడ్‌లో లేరని ట్రంప్ పేర్కొన్నారు. వైట్‌హౌస్‌లోని ఓవల్ కార్యాలయంలో గురువారం ట్రంప్ మీడియాతో మాట్లాడుతూ… భారత్, చైనాల మధ్య పెద్ద వివాదం కొనసాగుతోందని వ్యాఖ్యానించారు. ఈ సందర్భంగా మరోసారి ప్రధాని నరేంద్ర మోదీపై ప్రశంసలు కురిపించారు. తాను మోదీని ఎంతో ఇష్టపడతానని, ఆయనో గొప్ప వ్యక్తి అని కితాబిచ్చారు.

‘భారత్, చైనాల మధ్య పెద్ద సంఘర్షణ నెలకుంది.. ఇరు దేశాల్లోనూ ఒక్కొక్కరికి 1.4 బిలియన్ల జనాభా ఉంది… ఇరువురికీ శక్తివంతమైన సైనిక సామర్థ్యం కూడా ఉంది.. భారత్ సంతోషంగా లేకపోతే చైనా కూడా సంతోషంగా ఉండదు’ అని అన్నారు. భారత్, చైనా సరిహద్దుల్లో ఉద్రిక్తతలపై తాను ఆందోళన చెందుతున్నానని ట్రంప్ తెలిపారు. ‘నేను మీకు చెప్పగలను.. నేను ప్రధాని మోదీతో మాట్లాడాను. చైనాతో ఏం జరుగుతుందో.. ఆయన మంచి మూడ్‌లో’ లేరు అని పేర్కొన్నారు.

భారత్, చైనాల మధ్య వివాదాం పరిష్కారానికి తాను మధ్యవర్తిత్వం వహిస్తానని ట్విట్టర్‌లో పేర్కొన్న మర్నాడే ట్రంప్ ఇలాంటి వ్యాఖ్యలు చేయడం విశేషం. ఈ ట్వీట్ గురించి మీడియా అడిగిన ప్రశ్నకు సమాధానం ఇచ్చిన ట్రంప్.. తన సహాయం కావాలని వారు భావిస్తే సహకరించడానికి సిద్ధంగా ఉన్నానని అన్నారు. అయితే, ట్రంప్ ఆఫర్‌‌ను భారత్ సున్నితంగా తిరస్కరించింది. చైనాతో సరిహద్దుల వివాదాన్ని శాంతియుతంగా పరిష్కరించుకుంటామని బుధవారం స్పష్టం చేసింది. ఈ మేరకు విదేశాంగ శాఖ అధికార ప్రతినిధి అనురాగ్ శ్రీవాస్తవ్ స్పందించారు.

ఆన్‌లైన్ మీడియా సమావేశంలో జర్నలిస్ట్‌ల అడిగిన ప్రశ్నలకు ఆయన సమాధానం ఇస్తూ.. ట్రంప్ ట్వీట్‌పై చైనా విదేశాంగ మంత్రిత్వ శాఖ ఇంకా స్పందించకపోగా, ఇది ఆ దేశాన్ని ఆశ్చర్యానికి గురిచేసినట్లు కనిపిస్తోంది,.. అయినా అమెరికా అధ్యక్షుడు ప్రకటన ప్రకారం ఇరు దేశాలకు ఆయన అలాంటి సహాయం అవసరం లేదు అన్నారు. తాజా వివాదాన్ని ద్వైపాక్షిక చర్చల ద్వారా పరిష్కరించుకుంటా.. ప్రాంతీయ శాంతిభద్రతలను దెబ్బతీసే విధంగా ప్రతి అవకాశాన్ని ఉపయోగించుకునే అమెరికా విషయంలో ఇరు దేశాలు అప్రమత్తంగా ఉండాలి అని శ్రీవాస్తవ్ పేర్కొన్నారు.



Source link

Leave a Reply

Your email address will not be published. Required fields are marked *