india corona cases: దేశంలో 2 లక్షలు దాటిన కరోనా కేసులు.. 15 రోజుల్లోనే రెట్టింపు – india crosses 2 lakh coronavirus cases, key points


భారత్‌లో కరోనా వైరస్ కేసులు రెండు లక్షలు దాటాయి. కేవలం 15 రోజుల్లోనే పాజిటివ్ కేసులు లక్ష నుంచి రెండు లక్షలకు చేరుకోవడం ఆందోళన కలిగించే అంశం. గత మూడు రోజులుగా 8 వేలకు పైగా కేసులు నమోదవుతున్నాయి. మంగళవారం (జూన్ 2) ఉదయం వరకు కొత్తగా 8171 కేసులు నమోదయ్యాయి. దీంతో దేశంలో కరోనా కేసుల సంఖ్య 2 లక్షలు దాటింది. కరోనాతో గడిచిన 24 గంటల్లో దేశవ్యాప్తంగా 204 మంది మరణించారు. దీంతో దేశంలో ఇప్పటివరకు కరోనాతో మరణించిన వారి సంఖ్య 5598కి చేరుకుంది.

కరోనా కేసులు – కీలక వివరాలు
✧ ప్రపంచంలో కరోనా కేసులు అధికంగా నమోదవుతున్న దేశాల్లో భారత్ ఏడో స్థానంలో ఉంది.
✧ 18 లక్షలకు పైగా కేసులతో అమెరికా తొలి స్థానంలో ఉండగా.. 5.2 లక్షల కేసులతో బ్రెజిల్ రెండో స్థానంలో ఉంది. సుమారు 4 లక్షల కేసులతో రష్యా మూడో స్థానంలో ఉంది.
✧ 2.33 లక్షల కేసులతో ఆరో స్థానంలో ఉన్న ఇటలీని భారత్ ఐదారు రోజుల్లో అధిగమించే అవకాశం ఉంది.
✧ భారత్‌లో నమోదవుతున్న కేసుల్లో 44 శాతం ఒక్క మహారాష్ట్రలోనే ఉన్నాయి. ఆ రాష్ట్రంలో కరోనా కేసుల సంఖ్య 70 వేలు దాటింది. ముంబైలో కరోనా వైరస్ వ్యాప్తి ఆందోళనకరంగా ఉంది.
✧ మహారాష్ట్ర తర్వాత తమిళనాడు, ఢిల్లీ రాష్ట్రాల్లో కరోనా వైరస్ వ్యాప్తి ఎక్కువగా ఉంది. ఈ రెండు రాష్ట్రాల్లో కేసుల సంఖ్య 20 వేలు దాటింది.
✧ దేశంలో ఇప్పటివరకు కరోనా కేసులు నమోదుకాని మిజోరాం రాష్ట్రంలో 12 కేసులు నిర్ధారణ అయ్యాయి.
✧ దేశంలో కరోనా కట్టడి కోసం విధించిన లాక్‌డౌన్‌కు సడలింపులు ఇస్తున్న తరుణంలో కేసుల సంఖ్య ఇబ్బడిముబ్బడిగా పెరుగుతుండటం ఆందోళనకరంగా మారింది.
✧ కరోనా కేసులు పెరుగుతున్నా.. రికవరీ రేటు పెరుగుతుండటం ఊరట కల్పించే అంశం. ప్రపంచ దేశాలతో పోలిస్తే భారత్‌లో మరణాల రేటు చాలా తక్కువగా ఉంది.
✧ భారత్‌లో నమోదవుతున్న కరోనా కేసులతో పోలిస్తే.. 14కు పైగా దేశాల్లో నమోదవుతున్న కేసులు 55 రెట్లు అధికంగా ఉన్నాయని ఓ అంచనా.

Also Read:క్వారంటైన్ కేంద్రాల్లో ఉచిత కండోమ్‌ల పంపిణీ

Don’t Miss:కటింగ్ చేసుకోవాలంటే ఆధార్ తప్పనిసరి



Source link

Leave a Reply

Your email address will not be published. Required fields are marked *