india coronavirus vaccine: భారత్‌లో కరోనా వ్యాక్సిన్.. కేంద్ర మంత్రి గుడ్ న్యూస్ – 4 coronavirus vaccines may soon enter clinical trial stage in india, says union minister harsh vardhan


భారత్‌లో కరోనా వ్యాక్సిన్ ప్రయోగాలకు సంబంధించి కేంద్ర ఆరోగ్య శాఖ మంత్రి హర్షవర్ధన్ గుడ్ న్యూస్ చెప్పారు. దేశంలో అభివృద్ధి చేస్తున్న 14 కరోనా వ్యాక్సిన్లలో 4 టీకాలు అతి త్వరలో క్లినికల్‌ ట్రయల్స్‌ దశకు చేరుకుంటాయని వెల్లడించారు. ఆదివారం (మే 24) బీజేపీ నేత జీవీఎల్‌ నరసింహరావుతో సోషల్‌ మీడియా ద్వారా ఆయన జరిపిన ఇంటరాక్షన్‌లో ఈ వివరాలు తెలిపారు. ఐదు నెలల్లో భారత్‌లో నాలుగు కరోనా వ్యాక్సిన్లు కీలక దశకు చేరుకుంటాయని చెప్పారు.

కోవిడ్‌-19కు ప్రపంచవ్యాప్తంగా పలు దేశాల్లో వ్యాక్సిన్‌ను అభివృద్ధి చేసే ప్రయత్నాలు కొనసాగుతున్నాయని మంత్రి హర్షవర్ధన్ తెలిపారు. వివిధ దేశాల్లో 100కు పైగా వ్యాక్సిన్లు వివిధ దశల్లో ఉన్నాయని తెలిపారు. ప్రపంచ ఆరోగ్య సంస్థ (డబ్ల్యూహెచ్‌వో) ఈ ప్రయోగాలన్నింటినీ సమన్వయం చేస్తోందని తెలిపారు.

భారత్‌లో కరోనా వ్యాక్సిన్‌కు సంబంధించిన ప్రయోగాలకు సైన్స్ అండ్ టెక్నాలజీ, బయోటెక్నాలజీ మంత్రిత్వ శాఖలు సహకారం అందిస్తున్నాయని కేంద్ర మంత్రి తెలిపారు. కేంద్ర ప్రభుత్వం ఈ పరిశోధనలకు ఆర్థిక సాయం అందిస్తోందని చెప్పారు. నాలుగైదు నెలల్లో భారత్‌లో ప్రయోగ దశలో ఉన్న 14 పరిశోధనలు క్లినికల్ ట్రయల్స్‌కు చేరుకుంటాయని ఆయన చెప్పారు.

అయినప్పటికీ కరోనా మహమ్మారికి వ్యాక్సిన్‌ను ఇప్పుడప్పుడే ఎక్స్‌పెక్ట్ చేయడం తొందరపాటే అవుతుందని మంత్రి వ్యాఖ్యానించారు. వ్యాక్సిన్ వచ్చినా పూర్తి స్థాయిలో అందుబాటులోకి రావడానికి మరో ఏడాది పడుతుందని ఆయన వివరించారు. అందువల్ల ప్రజలు తప్పనిసరిగా భౌతిక దూరం తదితర జాగ్రత్తలు పాటించాలని సూచించారు.

Also Read:గురితప్పిన గుండు ప్రాణాలు తీసింది.. విషాదం

Must Read:ఒకే కాన్పులో ఆడ, మగ బిడ్డ.. కానీ, కవలలిద్దరికీ కరోనా



Source link

Leave a Reply

Your email address will not be published. Required fields are marked *