india in uno: ఐరాసలో భారత్‌కు శాశ్వత సభ్యత్వం.. ఈసారి ఛాన్సెస్ ఎక్కువే! – australia extends support to india for permanent unsc seat, nsg membership


క్యరాజ్య సమితి భద్రతా మండలిలో భారత్‌కు శాశ్వత సభ్యత్వం కల్పించే అంశం మరోసారి హాట్ టాపిక్‌గా మారింది. ఆస్ట్రేలియా ఈ అంశంలో భారత్‌కు సంపూర్ణ మద్దతు తెలపడమే అందుక్కారణం. అటు ఎన్‌ఎస్‌జీ (అణు సరఫరాదారుల సంఘం)లోనూ భారత్‌ సభ్యత్వాన్ని బలపరుస్తున్నట్లు ఆస్ట్రేలియా స్పష్టం చేసింది. భారత ప్రధాని మోదీ, ఆస్ట్రేలియా ప్రధాని స్కాట్‌ మోరిసన్‌.. గురువారం (జూన్ 4) వర్చువల్‌ మీటింగ్‌లో పాల్గొన్నారు. ఈ సందర్భంగా పలు కీలక అంశాలపై ఇరువురు దేశాధినేతలు చర్చించారు. ఈ క్రమంలో ఐరాసలో భారత్‌కు శాశ్వత సభ్యత్వం కల్పించే అంశం, ఎన్‌ఎస్‌జీ చర్చకు వచ్చినట్లు తెలుస్తోంది.

యూఎన్‌ఎస్‌సీలో భారత్‌కు శాశ్వత సభ్యత్వానికి ఆస్ట్రేలియా ఇప్పటికే పలుమార్లు మద్దతు పలికింది. ఆస్ట్రేలియాతో పాటు పలు దేశాలు కూడా మద్దతు పలికాయి. అగ్రరాజ్యం అమెరికా కూడా భారత్ పట్ల సానుకూల ధోరణితో ఉండటం.. ఈసారి భారత్‌కు కలిసొస్తుందని విశ్లేషకులు భావిస్తున్నారు.

వర్చువల్ మీటింగ్‌లో భాగంగా వివిధ అంశాలపై చర్చించిన భారత, ఆస్ట్రేలియా ప్రధానులు.. రక్షణ రంగం, మైనింగ్‌‌తో పాటు వివిధ రంగాలకు సంబంధించిన ఏడు ఒప్పందాలపై సంతకం చేశారు. ఇండో- పసిఫిక్‌ జలాల్లో పరస్పరం సహకరించుకోవాల్సిన ఆవశ్యకత గురించి చర్చించారు.

‘ఆస్ట్రేలియాతో భారత్‌కు స్నేహపూర్వక సంబంధాలు ఉన్నాయి. ఇరు దేశాలు పరస్పర సహకారంతో ఎదుగుతాయి. కీలక అంశాల్లో కలిసి ముందుకు సాగుతాయి. ఈ ద్వైపాక్షిక సంబంధాన్ని వ్యూహాత్మకంగా మలచుకుందాం’ అని మోదీ పేర్కొన్నారు. కరోనా మహమ్మారి సంక్షోభం నుంచి ఆర్థిక వ్యవస్థ త్వరగా బయటపడాల్సిన అవసరం ఉందని పేర్కొన్న మోదీ.. సంక్షోభ సమయాన్ని అవకాశంగా మలచుకుందామని పిలుపునిచ్చారు. వాణిజ్య, రక్షణ రంగాల్లో ఇరుదేశాల మధ్య సహకారాన్ని మరింత విస్తరించడంపై ఇరు దేశాల అధినేతలు చర్చించారు.

‘మనం మహాసముద్రాన్ని పంచుకుంటున్నాం. అదేవిధంగా బాధ్యతలను కూడా పంచుకోవాల్సి ఉంది. ఆరోగ్యం, భద్రత రంగాల్లో పరస్పరం సహకరించుకోవాలి’ అని స్కాట్‌ మోరిసన్‌ వ్యాఖ్యానించారు. పౌర అణు ఒప్పందాల్లో ఇరు దేశాలు పరస్పరం అండగా నిలబడతాయని చెప్పారు. ఇండో ఫసిపిక్‌ రీజియన్‌లో పరస్పరం కలిసి పనిచేద్దామని సూచించారు. భారత్‌తో వ్యూహాత్మక భాగస్వామ్యాన్ని నెలకొల్పాల్సిందిగాఇంటర్నేషనల్‌ ఎనర్జీ ఏజెన్సీని ఆస్ట్రేలియా స్వాగతించింది.

ఆస్ట్రేలియా ప్రధాని మోరిసన్‌ ఈ ఏడాది జనవరిలోనే భారత్‌ పర్యటనకు రావాల్సి ఉన్నప్పటికీ.. ఆస్ట్రేలియాలో ఏర్పడ్డ భారీ కార్చిచ్చు కారణంగా అది మే నెలకు వాయిదా పడింది. అనంతరం కరోనా వైరస్‌ ప్రభావంతో తాజాగా ఈ సమావేశం వీడియో కాన్ఫరెన్స్‌ ద్వారా నిర్వహించారు. కొవిడ్‌ తీవ్రత తగ్గుముఖం పట్టిన తర్వాత కుటుంబసభ్యులతో కలిసి భారత్‌లో పర్యటించాలని మోరిసన్‌ను నరేంద్ర మోదీ కోరారు.

Must Read:2200 మంది తబ్లిగీ జమాత్ సభ్యులకు కేంద్రం షాక్

Also Read:డాక్టర్లు, నర్సులకు కొవిడ్.. దేశంలో కలవరపెడుతున్న అంశం



Source link

Leave a Reply

Your email address will not be published. Required fields are marked *