india name change to bharat: ఇండియా పేరును మార్చేయాలి.. సుప్రీంకోర్టులో పిటిషన్ – supreme court to hear petition over india name change on june 2


భారత దేశానికి ఉన్న మరో పేరు ‘ఇండియా’ను మార్చేయాలని కోరుతూ సుప్రీంకోర్టులో పిటిషన్ దాఖలైంది. ఇండియా పేరును భారత్ అని లేదా హిందుస్థాన్ అని మార్చాలని పిటిషనర్ తాను దాఖలు చేసిన పిటిషన్‌లో కోరారు. అయితే, ఈ పిటిషన్‌పై విచారణ సుప్రీంకోర్టులో జూన్ 2న రానుంది. దేశం పేరు మార్చడం వల్ల ప్రజల్లో ఆత్మ గౌరవం, జాతీయ భావం పెరుగుతుందని పిటిషనర్ తన పిటిషన్‌లో వివరించారు. దేశం పేరు మార్చేందుకు రాజ్యాంగంలోని ఆర్టికల్ 1లో సవరణలు చేసేలా కేంద్ర ప్రభుత్వానికి ఆదేశాలు ఇవ్వాలని సుప్రీం కోర్టును కోరారు.

1948 లోనూ దేశం పేరును భారత్ లేదా హిందుస్థాన్ ఈ రెండింటిలో ఏదో ఓ పేరు పెట్టాలని బలంగా వాదన వినిపించిందని పిటిషన్ గుర్తు చేశారు. ఈ అంశాన్ని పిటిషన్‌లో ప్రస్తావించారు. ఇండియా అనేది ఆంగ్ల పదం అని దాన్ని తొలగించి, స్వదేశీ భాషలో పేరు పెడితే అది దేశ ప్రజలకే గర్వకారణమని పిటిషన్ సూచించారు.

నిజానికి దేశం పేరు మార్చాలని దాఖలైన పిటిషన్ ఇవాళే (మే 29) సుప్రీంకోర్టులో విచారణకు ముందే లిస్ట్ అయింది. అయితే, సుప్రీం కోర్టు ప్రధాన న్యాయమూర్తి జస్టిస్ ఎస్.ఏ బాబ్డే అందుబాటులో లేకపోవడంతో ఆ తర్వాత లిస్ట్ నుంచి ఈ పిటిషన్‌ను తొలగించారు. సుప్రీం కోర్టులో అందుబాటులో ఉన్న నోటీసు ప్రకారం ఈ పిటిషన్ జూన్ 2వ తేదీన ధర్మాసనం ముందుకు విచారణకు రానుంది. ఢిల్లీకి చెందిన ఓ వ్యక్తి ఈ పిటిషన్ దాఖలు చేశారు.

Also Read:

తండ్రి పేరుకి కొత్త అర్థం చెప్పిన కేటీఆర్, కే..సీ..ఆర్.. అంటే..

Also Read:

జగన్.. తొందరపడకు, మీనాన్నలా మంచిపేరు తెచ్చుకో: వీహెచ్



Source link

Leave a Reply

Your email address will not be published. Required fields are marked *