india vs australian 2020: భారత్, ఆస్ట్రేలియా మధ్య సిరీస్ మొత్తం ఒక్క స్టేడియంలోనే..? – ind vs aus 2020: india open to playing all tests at the adelaide oval says arun dhumal


ఆస్ట్రేలియా పర్యటనకి ఈ ఏడాది చివర్లో వెళ్లనున్న టీమిండియా అక్కడ సుదీర్ఘ సిరీస్‌ని ఒకే ఒక్క స్టేడియంలోనే ఆడే సూచనలు కనిపిస్తున్నాయి. షెడ్యూల్ ప్రకారం 2020 డిసెంబరు నుంచి 2021 జనవరి వరకూ ఆస్ట్రేలియాతో నాలుగు టెస్టులు, మూడు వన్డేల సిరీస్‌ని టీమిండియా ఆడాల్సి ఉంది. అయితే.. కరోనా వైరస్ కారణంగా ఈ టూర్‌ షెడ్యూల్‌లో కొన్ని మార్పులు జరిగే సూచనలు కనిపిస్తున్నాయి.

Read More: ఆ స‌మ‌యంలో నా కెరీర్ గురించి చాలా మ‌థ‌న‌ప‌డ్డా: రోహిత్ శ‌ర్మ

వాస్తవానికి ఈ ఏడాది అక్టోబరులో ఆస్ట్రేలియా వేదికగానే టీ20 వరల్డ్‌కప్ జరగనుండగా.. ఆ దేశంలో పర్యాటక వీసాలపై ఆరు నెలలు ఆంక్షలు విధించి ఉండటంతో ఇప్పుడు ఆ టోర్నీ జరగడంపై సందిగ్ధత నెలకొంది. కానీ.. డిసెంబరు నాటికి పరిస్థితులు అదుపులోకి వచ్చే సూచనలు కనిపిస్తుండటంతో.. ఆస్ట్రేలియా గడ్డపైకి భారత్ వెళ్లడం ఖాయంగా కనిపిస్తోంది. అయితే.. సిరీస్ మొత్తం అంటే.. నాలుగు టెస్టులు, మూడు వన్డేలు అడిలైడ్ స్టేడియంలోనే నిర్వహించాలని ఆస్ట్రేలియా క్రికెటర్లు కోరుతున్నారు. దానికి భారత క్రికెట్ నియంత్రణ మండలి (బీసీసీఐ) కోశాధికారి అరుణ్ దుమాల్ తాజాగా అంగీకారం తెలిపాడు.

Read More: టీ20 ప్రపంచకప్ భవితవ్యంపై తేల్చేయనున్న ఐసీసీ

‘‘టీమిండియా ఆటగాళ్లు ఎప్పుడెప్పుడు మళ్లీ మైదానంలోకి అడుగుపెడదామా..? అని ఉత్సాహంగా ఎదురుచూస్తున్నారు. ఆస్ట్రేలియా పర్యటనలో ఒకే వేదికలో సిరీస్ మొత్తం నిర్వహించాల్సి వస్తే మాకేమీ అభ్యంతరం లేదు. అలానే ఖాళీ స్టేడియాల్లో మ్యాచ్‌లను నిర్వహించబోతున్నారని వార్తలు వస్తున్నాయి. అలా మ్యాచ్‌లు జరగడడం ఎవరికీ ఇష్టం ఉండదు. కానీ.. పరిస్థితులు అనుకూలంగా లేకపోతే.. తప్పదు. ఇంకా చెప్పాలంటే మరో ప్రత్యామ్నాయం కూడా లేదు’’ అని అరుణ్ స్పష్టం చేశాడు.



Source link

Leave a Reply

Your email address will not be published. Required fields are marked *