India vs China Border: చైనా సరిహద్దులో ఉద్రిక్తత.. మోదీ ఉన్నత స్థాయి సమీక్ష – pm modi meets nsa and cds over india-china face-off at ladakh border


ద్దాక్ సరిహద్దులో చైనా సైన్యం కవ్వింపు చర్యలతో తీవ్ర ఉద్రిక్తత నెలకొంది. అటు సిక్కింలోనూ అంతర్జాతీయ సరిహద్దు వద్ద ఇరు దేశాలు సైనిక బలగాలను మోహరించడంతో వాతావరణం ఒక్కసారిగా వేడెక్కింది. మరోసారి డొక్లాం తరహా ప్రతిష్టంభన ఏర్పడింది. ఈ నేపథ్యంలో ప్రధాని మోదీ మంగళవారం (మే 26) సాయంత్రం ఉన్నత స్థాయి సమీక్ష నిర్వహించారు. దేశ సరిహద్దుల్లో తాజా పరిస్థితులపై ఆరా తీశారు.

ఈ సమీక్ష సమావేశంలో జాతీయ భద్రతా సలహాదారు అజిత్‌ దోవల్, త్రివిధ దళాల ప్రధానాధికారి (సీడీఎస్) బిపిన్‌ రావత్‌, త్రివిధ దళాల అధిపతులు తదితరులు పాల్గొన్నారు. సమావేశం అనంతరం విదేశాంగ శాఖ కార్యదర్శి హర్షవర్దన్‌తోనూ ప్రధాని మాట్లాడినట్లు తెలుస్తోంది. అటు సరిహద్దు భద్రతలపై త్రివిధ దళాల అధిపతులతో రక్షణ మంత్రి రాజ్‌నాథ్ సింగ్ ఇప్పటికే సమీక్షించారు. ఈ సమావేశం అనంతరం మోదీ ఉన్నత స్థాయి సమీక్ష నిర్వహించారు.

భారత్‌, చైనా సరిహద్దుల్లో చాలా ప్రాంతాల్లో ఉద్రిక్తత వాతావరణం నెలకొన్నట్లు తెలుస్తోంది. చైనా బలగాలు కొన్ని కీల ప్రాంతాలకు చొచ్చుకొచ్చినట్లు సమాచారం. ఇదే ఇప్పుడు భారత్‌ను ఆందోళన పరుస్తోంది. 2017లో డొక్లాంలో 72 రోజుల పాటు ఇదే తరహా ప్రతిష్టంభన కొనసాగింది. ఇరు దేశాల సంప్రదింపుల అనంతరం వివాదం ముగిసింది. అయితే.. ఈసారి చైనా చర్యలను అంత తేలిగ్గా కొట్టిపారేయలేమని విశ్లేషకులు చెబుతున్నారు.

ఇప్పటి వరకు వివాదాస్పద భూభాగ జాబితాలో లేని గాల్వన్‌ సెక్టార్‌ వైపు కూడా చైనా బలగాలు దూసుకువచ్చినట్లు కొంత మంది అధికారులు చెప్పారు. దీన్ని ‘స్ట్రాటజిక్‌ అఫైర్స్‌’ నిపుణులు అశోక్‌ కాంతా కూడా బలపర్చారు. గతంలో ఇలాంటి చొరబాట్లు చాలా సార్లు జరిగాయని.. కానీ, ఈసారి వారు చేస్తున్న పని ఆందోళన కలిగించేదేనని ఆయన అభిప్రాయపడ్డారు. సరిహద్దుల్లో భారత్‌-చైనా మధ్య నెలకొన్న ప్రతిష్టంభన మరింత ముదిరే అవకాశం ఉందన్నారు.

Don’t Miss:నేపాల్‌కు భారత్ వార్నింగ్.. మధ్యలో చైనా, ఏమిటీ వివాదం?

డ్రాగన్‌ ఇప్పటికే దాదాపు 5 వేల మందికి పైగా సైనికుల్ని సరిహద్దుకు చేర్చినట్లు తెలుస్తోంది. ఇటు భారత్‌ కూడా వివాదాస్పదంగా ఉన్న పాంగాంగ్‌, గాల్వన్‌ ప్రాంతాల్లో వాస్తవాధీన రేఖ వెంట బలగాలను పెంచుకున్నట్లు ఓ సైనిక ఉన్నతాధికారి తెలిపారు. దీంతోపాటు తాత్కాలిక మౌలిక వసతులను కూడా సమకూర్చుకుంటున్నట్లు తెలిపారు. ప్రస్తుతానికి ఆ ప్రాంతంలో భారత్‌దే పైచేయని ధీమా వ్యక్తం చేశారు.

సరిహద్దు వెంట చాలా ప్రాంతాల్లో ఇరువైపుల బలగాలు ఢీ అంటే ఢీ అన్నట్లుగా ఉన్నాయని కొందరు అధికారులు తెలిపారు. వీలైనంత త్వరగా దౌత్యపరమైన చర్చల్ని వేగవంతం చేసి ఓ పరిష్కారానికి రావాల్సిన అవసరం ఉందన్నారు. ఈ నేపథ్యంలో ప్రధాని మోదీ ఉన్నత స్థాయి సమీక్ష సమావేశం ఏర్పాటు చేసినట్లు తెలుస్తోంది.

పాంగాంగ్ ఘర్షణ అనంతరం పరిస్థితి ఉద్రిక్తం
మే 5న పాంగాంగ్‌ ప్రాంతంలో ఇరు దేశాల సైనికులు బాహాబాహీకి దిగారు. పిడిగుద్దుల వర్షం కురిపించుకున్నారు. ఈ ఘర్షణలో ఇరు దేశాలకు చెందిన 10 మంది సైనికులు గాయపడ్డారు. నాటి నుంచి తూర్పు లద్దాక్ ప్రాంతంలో ఉద్రిక్త పరిస్థితులు నెలకొన్నాయి. అనంతరం మే 9న ఉత్తర సిక్కింలోనూ ఇదే తరహా పరిస్థితులు తలెత్తాయి.

తమ గస్తీకి చైనా బలగాలు పదే పదే అడ్డొస్తున్నాయని గత వారం భారత సైన్యం ప్రకటించింది. గత రెండు వారాల్లో గాల్వన్‌ లోయలో చైనా దాదాపు 100 తాత్కాలిక గుడారాలను ఏర్పాటు చేసుకొని తిష్ఠ వేసిందని అధికారులు తెలిపారు. లద్దాఖ్‌ సమీపంలో చైనా ఎయిర్‌బేస్‌ను విస్తరించడంపై శాటిలైట్‌ ఫొటోలు కూడా బయటకి వచ్చాయి.

Must Read:కరోనా వైరస్ మరోసారి విజృంభించే ప్రమాదం: WHO

Also Read:నిప్పుల కొలిమిలా తెలంగాణ.. పిట్టల్లా రాలుతున్న జనం, ఈ జాగ్రత్తలు తప్పనిసరి



Source link

Leave a Reply

Your email address will not be published. Required fields are marked *