India vs Pakistan series : కరోనాతో ఫైట్‌.. ఫండ్స్ కోసం IND vs PAK సిరీస్ తెరపైకి..! – fight coronavirus crisis: pakistan’s former pacer shoaib akhtar proposes indo-pak series to raise funds


ప్రపంచాన్ని కరోనా వైరస్ వణికిస్తోంది. భారత్‌లో కరోనా వైరస్ పాజిటివ్ కేసుల సంఖ్య బుధవారం రాత్రికి 5,742కి చేరుకోగా.. పాకిస్థాన్‌లోనూ 4,072 కేసులు నమోదయ్యాయి. దీంతో.. కరోనా వైరస్ కట్టడి కోసం ఇప్పటికే లాక్‌డౌన్ ప్రకటించిన దాయాది దేశాలు.. ఆర్థికంగా ఇబ్బందులు ఎదుర్కొంటున్నాయి. ఈ నేపథ్యంలో.. భారత్, పాకిస్థాన్ మధ్య మూడు మ్యాచ్‌ల సిరీస్‌ నిర్వహిస్తే..? పెద్ద ఎత్తున రెండు దేశాలకి ఆదాయం చేకూరుతుందని పాకిస్థాన్ ఫాస్ట్ బౌలర్ షోయబ్ అక్తర్ ప్రతిపాదించాడు.


Read More:
అఫ్రిది టీమ్‌లో ధోనీ, కోహ్లీకి దక్కని చోటు

‘‘ఇరు దేశాలు చాలా క్లిష్ట పరిస్థితులు ఎదుర్కొంటున్నాయి. ఈ సమయంలో భారత్, పాక్ మధ్య మూడు మ్యాచ్‌ల సిరీస్ నిర్వహిస్తే బాగుంటుందని నా అభిప్రాయం. ఇప్పటికే సిరీస్‌లన్నీ రద్దవడంతో అభిమానులు చాలా నిరుత్సాహంలో ఉన్నారు. కాబట్టి.. సిరీస్‌లో విరాట్ కోహ్లీ సెంచరీ చేస్తే పాకిస్థాన్ ఫ్యాన్స్ హ్యాపీ.. బాబర్ అజామ్ శతకం సాధిస్తే భారతీయులు సంతోషిస్తారు. ఎందుకంటే.. ప్రస్తుత పరిస్థితుల్లో మ్యాచ్ ఫలితం ఎలా ఉన్నా.. ఇరు జట్లూ విజేతలగానే నిలుస్తాయి. ఇక లాక్‌డౌన్ కారణంగా ప్రజలందరూ ఇంట్లోనే ఉంటుండటంతో టీవీ వ్యూవర్‌షిప్ కూడా గణనీయంగా పెరుగుతుంది. అలా వచ్చే ఆదాయాన్ని ఇరు దేశాలు సమానంగా పంచుకుని.. దాన్ని కరోనా వైరస్ కట్టడి కోసం వినియోగించుకుంటే బెటర్’’ అని షోయబ్ అక్తర్ వెల్లడించాడు.

Read More:
కరోనా దెబ్బ.. భారత క్రికెటర్ల జీతాల్లో కోత..?

భారత్, పాకిస్థాన్ మధ్య ద్వైపాక్షిక సిరీస్‌ జరిగి ఏళ్లు గడుస్తుండగా.. కేవలం ఐసీసీ టోర్నీల్లో మాత్రమే ఈ దాయాది దేశాలు తలపడుతున్నాయి. దీంతో.. ఈ మూడు మ్యాచ్‌ల సిరీస్‌ ఎలా జరుగుతుందంటూ..? అక్తర్‌ని ప్రశ్నించగా.. మ్యాచ్‌లు భారత్ లేదా పాక్‌లో వద్దు తటస్థ వేదికగా దుబాయ్‌లో నిర్వహించాలని అక్తర్ సూచించాడు. ఇక ఆటగాళ్ల విషయంలోనూ జాగ్రత్తలు తీసుకుంటూ చార్డెట్ ప్లైట్స్‌లో ప్రయాణం ఏర్పాటు చేయాలని అతను ప్రతిపాదించాడు.





Source link

Leave a Reply

Your email address will not be published. Required fields are marked *