interest subvention scheme : పంట రుణాలు తీసుకున్న రైతులకు శుభవార్త: ఆర్‌బీఐ కీలక నిర్ణయం! – no penal interest on farm loan dues in moratorium; reserve bank of india extends interest subvention benefit to farmers


రిజర్వు బ్యాంక్ రైతులకు తీపికబురు అందించింది. ఇప్పటికే 3 నెలల మారటోరియం సదుపాయాన్ని కల్పించిన ఆర్‌బీఐ ఇప్పుడు వారికి మరో గుడ్ న్యూస్ తీసుకువచ్చింది. మారటోరియం ప్రయోజనం టర్మ్ లోన్స్‌కు వర్తిస్తుంది. పంట రుణాలు కూడా టర్మ్ లోన్స్ కిందకే వస్తాయి. అందువల్ల స్వల్పకాలిక క్రాప్ లోన్స్‌కు కూడా మారటోరియం బెనిఫిట్ వర్తిస్తుంది.


సాధారణంగా 3 నెలల మారటోరియం ఆప్షన్ ఎంచుకుంటే.. కేవలం ఈఎంఐ మాత్రమే చెల్లించాల్సిన అవసరం ఉండదు. కానీ ఈ మూడు నెలలకు మీరు చెల్లించని మొత్తంపై వడ్డీ పడుతుంది. అయితే ఈ నిబంధన నుంచి ఆర్‌బీఐ రైతులకు ఊరట కలిగించింది. క్రాప్ లోన్స్‌‌పై మారటోరియం ఆప్షన్ ఎంచుకుంటే.. వడ్డీ పడదని పేర్కొంది. మార్చి, ఏప్రిల్, మే నెలల్లో రుణ మొత్తాన్ని చెల్లించాల్సిన వారికి ఇది వర్తిస్తుంది.

Also Read: గుడ్ న్యూస్.. పడిపోయిన బంగారం ధర.. వెండి భారీ షాక్.. ఈరోజు రేట్లు ఇలా!

కేవలం రైతులకు మాత్రమే ఈ ప్రయోజనం అందుబాటులో ఉంటుంది. ఇక మిగతా టర్మ్ లోన్స్‌కు మాత్రం ఈ బెనిఫిట్ లేదు. అంటే 3 నెలల మారటోరియం ఆప్షన్ ఎంచుకుంటే వడ్డీ పడుతుంది. అలాగే బ్యాంకులు అందిస్తున్న వడ్డీ ఉపసంహరణ పథకం ప్రయోజనాలను రైతులకు అందించాలని ఆర్‌బీఐ పేర్కొంది. ఈ స్కీమ్ కింద రుణాలు తీసుకున్న వారు మార్చి నుంచి మే మధ్యలో రుణ మొత్తాన్ని చెల్లించాల్సి ఉన్నా.. కట్టలేకపోతే అప్పుడు కూడా వడ్డీ మినహాయింపు ప్రయోజనాలను వారికి కల్పించాలని తెలిపింది.

కాగా కరోనా వైరస్ లాక్ డౌన్ పరిస్థితుల వల్ల దేశంలో ఎవ్వరూ ఎక్కడికి వెళ్లడానికి లేదు. ఇందుకు రైతులు కూడా మినహాయింపేమీ కాదు. రైతులు బ్యాంకులు వెళ్లి తీసుకున్న రుణాలు చెల్లించేందుకు కూడా ఇబ్బందులు ఎదుర్కొంటున్నారు. అందువల్ల ఆర్‌బీఐ ఈ మేరకు నిర్ణయం తీసుకుంది. రైతులు వడ్డీ ఉపసంహరణ స్కీమ్ కింద ఏడాది కాల పరిమితితో రూ.3 లక్షల వరకు లోన్ తీసుకోవచ్చు. వడ్డీ రేటు 7 శాతం. తీసుకున్న రుణాన్ని కరెక్ట్ టైమ్‌కు చెల్లిస్తే వడ్డీ రేటులో అదనంగా 3 శాతం తగ్గింపు పొందొచ్చు.





Source link

Leave a Reply

Your email address will not be published. Required fields are marked *