International Womens Day: Google Doodle: ఉమెన్స్ డే.. విభిన్న డూడుల్‌తో గూగుల్ శుభాకాంక్షలు – google doodle celebrates international womens day 2019 with inspirational quotes


అంతర్జాతీయ మహిళా దినోత్సవం సందర్భంగా నారీమణులకు ప్రముఖ ఐటీ దిగ్గజం గూగుల్ ప్రత్యేకంగా శుభాకాంక్షలు తెలిపింది. మహిళల కోసం ఓ ప్రత్యేక డూడుల్‌ను రూపొందించి వారికి శుభాకాంక్షలు తెలియజేయడం విశేషం. అంతేకాదు, ప్రపంచ వ్యాప్తంగా పలు భాషల్లో మహిళలను ఏవిధంగా సంబోధిస్తారో తెలుపుతూ ప్రత్యేకించి డూడుల్‌ను రూపొందించింది. ఇంగ్లీష్, హిందీ, ఉర్దూ, సంస్కృతంతో కలిపి మొత్తం 11 భాషల్లో మహిళలను ఎలా పిలుస్తారో డూడుల్‌లో ప్రస్తావించింది. అలాగే, గూగుల్ (GOOGLE) స్పెల్లింగ్‌లోని ‘O’ వద్ద క్లిక్ చేస్తే వివిధ రంగాల్లోని 14 మంది ప్రముఖ మహిళల కొటేషన్స్ కనిపిస్తాయి. వీరిలో క్రీడాకారులు, రచయితలు, శాస్త్రవేత్తలు, తదితరులు ఉన్నారు.

వీరిలో భారత మహిళా బాక్సర్ మేరీకోమ్, అమెరికా ఆస్ట్రోనాట్ మే జిమ్సన్, మెక్సికన్ ఆర్టిస్ట్ ఫ్రిడే ఖాలో, జర్మనీ రచయిత ఇమ్మా హెర్వాగ్, జపాన్ మల్లీమీడియా ప్రతినిధి యోకో వోనో, భారత రాయబారి ఎన్‌ఎల్ బెనో జఫినే, బ్రెజిల్ నవలా రచయిత క్లరైజ్ లిస్పెక్టర్, బ్రిటిష్-ఇరాక్ ఆర్కిటెక్ట్ జాహా హదీద్‌తోపాటు రష్యన్, ఫ్రాన్స్‌కు చెందిన ప్రముఖ నవలా రచయితలు, సెలబ్రిటీల కొటేషన్స్‌ను ఉంచారు. ‘నిన్ను నువ్వు బలహీనురాలివని చెప్పుకోకు, ఎందుకంటే నువ్వు మహిళవు కాబట్టి’అన్న మేరికోమ్ ఇచ్చిన కొటేషన్‌ను ఆరో స్థానంలో ఉంది. ఇక, ప్రత్యేక సందర్భాలు, ప్రముఖల పుట్టిన రోజులు, ఆవిష్కరణల సమయంలో గూగుల్ ఇలా స్పెషల్ డూడుల్ పెట్టి తమ అభినందలు, శుభాకాంక్షల్ని తెలియజేస్తుంది. ఈ ఏడాది రిపబ్లిక్ డే‌తోపాటు ప్రముఖ బాలీవుడ్ నటీమణి మధుబాల పుట్టిన రోజున కూడా ఏర్పాటు చేసిన డూడుల్ కూడా అందరి దృష్టి ఆకర్షించింది.



Source link

Leave a Reply

Your email address will not be published. Required fields are marked *