IOA Chief Narinder batra: 2032 ఒలింపిక్స్‌కు బిడ్ వేస్తాం: ఐఓఏ చీఫ్ బాత్రా – ioa chief narinder batra says that india to step up bid for 2032 olympics after coronavirus


2032 ఒలింపిక్స్ కోసం బిడ్ వేయ‌డానికి సిద్ధంగా ఉన్నామ‌ని భార‌త ఒలింపిక్ సంఘం (ఐఓఏ) అధ్య‌క్షుడు న‌రీందర్ బాత్రా తెలిపారు. ఇందుకు సంబంధించిన క‌స‌ర‌త్తులు చేస్తున్నట్లు పేర్కొన్నారు. ప్ర‌మాద‌క‌ర‌ క‌రోనా వైర‌స్ సంక్షోభం ముగిశాక దీనిపై మ‌రింత‌గా దృష్టి సారించ‌నున్న‌ట్లు వెల్ల‌డించారు. మ‌రోవైపు రాబోయే 2026 యూత్ ఒలింపిక్స్ నిర్వ‌హ‌ణ‌పైన స‌న్నాహ‌కాలు చేసుకుంటున్న‌ట్లు తెలిపారు. ఇప్ప‌టికే యూత్ ఒలింపిక్స్ కోసం భార‌త్ లిఖిత పూర్వ‌కంగా త‌న స‌న్న‌ద్ధ‌త‌ను తెలిపింది.


అయితే ఈ టోర్నీ కోసం థాయ్‌లాండ్‌, ర‌ష్యా, కొలంబియా నుంచి పోటీ తీవ్రంగా ఉంది. అలాగే 2032 ఒలింపిక్స్ ఎడిష‌న్ కోసం ఆస్ట్రేలియా, ఉభ‌య కొరియా దేశాలు, చైనా పోటీప‌డుతున్నాయి. మ‌రోవైపు ముఖ్య‌మైన టోర్నీల స‌న్నాహ‌కాల‌ కోసం ఇప్ప‌టికే దేశ‌వ్యాప్తంగా వివిధ వేదిక‌ల‌ను త‌మ టీమ్ సంద‌ర్శిచింద‌ని బాత్రా అన్నారు.


అయితే క‌రోనా వైర‌స్ కార‌ణంగా ఈ ప్ర‌య‌త్నాల‌కు తాత్కాలికంగా తెర‌ప‌డింద‌ని బాత్రా అన్నారు. ప్ర‌స్తుత ప‌రిస్థితుల్లో ఒలింపిక్స్ కోసం ప్ర‌భుత్వంతో మాట్లాడే ప‌రిస్థితి లేద‌ని తెలిపారు. క‌రోనా వైర‌స్ ప్ర‌భావం త‌గ్గుముఖం ప‌ట్టాక‌, దీనిపై కార్యాచ‌ర‌ణ రూపొందిస్తామ‌ని పేర్కొన్నారు. మ‌రోవైపు టోక్యో ఒలింపిక్స్‌కు ఇప్ప‌టికే 80 మందికిపైగా అథ్లెట్లు అర్హ‌త సాధించార‌ని, రాబోయే ఎడిష‌న్‌లో భార‌త్ ప‌ది ప‌త‌కాల‌ను సాధించే అవ‌కాశ‌ముందని బాత్రా అంచ‌నా వేశారు.



Source link

Leave a Reply

Your email address will not be published. Required fields are marked *