IOA warning : క్రీడా సంఘాల‌పై చ‌ర్య‌ల‌కు సిద్ధ‌మైన ఐఓఏ – ioa decides to take actions some of nsf, soas


నిర్ల‌క్ష్యంగా వ్య‌వ‌హ‌రిస్తున్న జాతీయ క్రీడా సమాఖ్యలు, రాష్ట్ర ఒలింపిక్ సంఘాల‌పై చ‌ర్య‌ల‌కు భార‌త ఒలింపిక్ సంఘం (ఐఓఏ) సిద్ధ‌మైంది. ఇప్ప‌టివ‌ర‌కు అండ‌ర్ టేకింగ్ గురించి స‌రైన ప‌త్రాల‌ను స‌మ‌ర్పించ‌ని సంఘాల‌ను ఉపేక్షించేది లేద‌ని తెలిపింది. తాజాగా ఐఓఏ చీఫ్ న‌రీంద‌ర్ బాత్రా పేరుతో ఒక లేఖ‌ను అన్ని క్రీడా సంఘాల‌కు పంపించింది. ఈ లేఖ‌లో వెంట‌నే అవ‌స‌ర‌మైన అన్ని ప‌త్రాల‌ను స‌మ‌ర్పించాల‌ని ఆదేశించింది. లేక‌పోతే ఆయా సంఘాల‌కు ఇచ్చే గ్రాంట్ల‌ను నిలిపివేస్తామ‌ని పేర్కొంది.


2018 నుంచి త‌మ అనుబంధ క్రీడా సంఘాలు, రాష్ట్ర ఒలింపిక్ సంఘాల‌కు గ్రాంట్ల‌ను, నిధుల‌ను ఐఓఏ స‌మ‌కూరుస్తోంది. ఈ నేప‌థ్యంలో ఇప్ప‌టి నుంచి త‌మ నుంచి సాయం పొందాలంటే ఇక మీద‌ట అన్ని ర‌కాల అనుమతుల‌ను తీసుకోవాల‌ని సూచించింది. మ‌రోవైపు క‌రోనా మ‌హమ్మారి విస్త‌రిస్తున్న వేళ ప్ర‌ధాన‌మంత్రి సిటిజ‌న్స్ అసిస్టెన్స్ రిలీఫ్ ఇన్ ఎమ‌ర్జెన్సీ సిట్యూవేషన్ ఫండ్‌కు విరాళాలిస్తున్న వివిధ క్రీడా సంఘాల‌కు బాత్ర కృత‌జ్ఞ‌త‌లు తెలిపాడు.

ప్ర‌స్తుత సంక్షోభ ప‌రిస్థితుల్లో మ‌రిన్ని సంఘాలు ముందుకొచ్చి సాయం చేయాల్సిన అవ‌స‌ర‌ముంద‌ని బాత్రా సూచించాడు. దేశ వ్యాప్తంగా క‌రోనా వైర‌స్ విస్త‌రిస్తుండటంతో వ‌చ్చేనెల 14 వ‌ర‌కు కేంద్ర ప్ర‌భుత్వం లాక్‌డౌన్‌ను ప్ర‌క‌టించిన సంగ‌తి తెలిసిందే. ఈ వైర‌స్ కార‌ణంగా ఇప్ప‌టివ‌ర‌కు దేశంలో వెయ్యికి పైగా పాజిటివ్ కేసులు న‌మోద‌య్యాయి. 36 మంది మ‌ర‌ణించారు.





Source link

Leave a Reply

Your email address will not be published. Required fields are marked *