iodine deficiency: అయోడిన్ లోపం.. నిర్లక్ష్యం చేస్తే యమ డేంజర్! ఏం జరుగుతుందంటే.. – what is iodine deficiency? what are the symptoms?


రీరం సక్రమంగా పనిచేయాలంటే.. ఎన్నో రకాల పోషకాలు అవసరమనే సంగతి తెలిసిందే. విటమిన్లు, మినరల్స్.. ఇలా అన్నీ కరెక్టుగా అందితేనే జీవితాంతం ఆరోగ్యంగా ఉండగలం. అలాగే, ఎలాంటి వైరస్‌లు, బ్యాక్టీరియాలు దాడి చేసిన తట్టుకుని నిలబడగలం. కాల్షియం.. ఎముకులకు బలాన్ని ఇస్తుంది. అలాగే, శరీరంలోని ఎర్ర రక్త కణాలకు ఐరన్ అవసరం అవుతుంది. అయితే, చాలామందికి ‘అయోడిన్’ కూడా శరీరానికి చాలా ముఖ్యమైనదనే విషయం తెలీదు. అయోడిన్ అనేది మీరు నిత్యం తీసుకునే ఆహారంలో తప్పకుండా ఉండాల్సిన మినరల్.

‘అయోడిన్’ అంత ముఖ్యమైనది కాబట్టే.. ఇటీవల కేంద్ర ఆరోగ్య శాఖ సైతం ఉప్పు తయారీదారులకు స్పష్టమైన ఆదేశాలను జారీచేసింది. 20 కిలోలు లేదా అంతకంటే తక్కువ బరువుండే ఉప్పులో తప్పకుండా అయోడిన్‌ను ఉండాలని పేర్కొంది. యూనివర్శల్ సాల్ట్ అయోడిసేషన్ (USI) ప్రమాణాలు పాటించాలని ఆదేశించింది.

అయోడిన్ ఎందుకు అవసరం? అది ఎలా లభిస్తుంది?:
మలేషియాలోని పదేళ్లు కంటే తక్కువ వయస్సు ఉన్న సగానికి పైగా పిల్లల్లో అయోడిన్ లోపాన్ని గుర్తించారు. దాని వల్ల ఆ చిన్నారులు అనేక రుగ్మతలకు గురవ్వుతున్నట్లు తెలుసుకున్నారు. దీంతో తినే ఉప్పులో తప్పకుండా అయోడిన్ ఉండాలని ప్రభుత్వం స్పష్టం చేసింది. ఈ భూమిపై అత్యధిక అయోడిన్ సముద్రంలో లభిస్తుంది. సముద్రపు ఆహారంలో సైతం అయోడిన్ శాతం ఎక్కువ. అలాగే మనం తినే ఆహారంలో కూడా అయోడిన్ ఉంటుంది. న్యూట్రీషియన్ సొసైటీ ఆఫ్ మలేసియా డాక్టర్ టీ.ఇ.సియోంగ్ తెలిపిన వివరాలు ఇలా ఉన్నాయి.

అయోడిన్‌తో శరీరానికి ఉపయోగం ఏమిటీ?:
శరీరంలో హర్మోన్లు, థైరాక్సిన్ (T4) ఉత్పత్తి చేస్తుంది. ఈ హార్మోన్లు శరీరంలోని వివిధ జీవక్రియలు సక్రమంగా సాగేందుకు దోహదం చేస్తుంది. శరీరంలో వివిధ అవయవాల ఎదుగుదలకు అయోడిన్ ఉపయోగపడుతుంది. ముఖ్యంగా మెదడు పెరుగుదలకు ఇది ఎంతో అవసరం. అయితే, ఇది పెద్ద మొత్తంలో శరీరానికి అవసరం లేదు. ఒక రోజులో వ్యక్తికి కనీసం 100 mcg (మైక్రోగ్రామ్) సరిపోతుందని నిపుణులు తెలుపుతున్నారు.

అయోడిన్ లోపం వల్ల కలిగే అనార్థాలేమిటీ?:
❂ థైరాయిడ్ గ్రంథిలోని T4 ఫార్మేషన్‌కు అయోడిన్ ఎంతో అవసరం.
❂ అయోడిన్ లోపం ఏర్పడినట్లయితే దాన్ని.. అయోడిన్ డెఫిషియన్సీ డిసార్డర్స్ (Iodine deficiency disorders-IDD) అని అంటారు.
❂ అయోడిన్ లోపం ఉన్నట్లయితే జీవక్రియ నశిస్తుంది. దీని వల్ల అలసట, బలహీనత, అసహనం, బరువు పెరగడం వంటివి ఏర్పడతాయి.
❂ అయోడిన్ లోపం వల్ల ఎక్కువ సమస్యలు ఎదుర్కొనేది గర్భవతులు, పసిబిడ్డలే.
❂ థైరాయిడ్ గ్రంథి సరైన మోతాదులో హార్మోన్లను విడుదల చేయాలంటే అయోడిన్ అవసరం తప్పనిసరి.
❂ తగిన మోతాదులో అయోడిన్ అందకపోతే హైపోథైరాయిడ్‌కు దారితీస్తుంది.
❂ పిల్లల ఎదుగుదలలో అయోడిన్‌ ఎంతో అవసరం.
❂ 5 నుంచి 13 ఏళ్ల మధ్య వయసు పిల్లలకు అయోడిన్ తప్పనిసరి. లేకపోతే ఎదుగుదల ఆగిపోతుంది.
❂ అయోడిన్ లోపం వల్ల యుక్త వయసులో కూడా అనేక ఆరోగ్య సమస్యలు ఏర్పడతాయి.
❂ అయోడిన్ లోపం వల్ల మహిళల్లో గర్భస్రావం, పురుషుల్లో బుద్ధి మాంద్యం వస్తాయి.
❂ అయోడిన్‌ లోపం వల్ల చిన్నారుల్లో గాయిటర్‌ (థైరాయిడ్‌ గ్రంథి ఉబ్బడం) సమస్య ఏర్పడుతుంది.
❂ కంటి చూపు దెబ్బతినడం, హైపోథైరాయిడిజం, ఎదుగుదల లోపించడం, బుద్ధి మాంద్యం వంటి సమస్యలు తలెత్తుతాయి.
❂ తెలుగు రాష్ట్రాల్లోని చిన్నారుల్లో కంటిచూపు, గాయిటర్ సమస్యలు ఏర్పడుతున్నట్లు కేంద్ర ప్రభుత్వ సర్వేలో తేలింది.
❂ గ్రామీణ ప్రాంత మహిళల్లోనూ అయోడిన్‌ లోపం ఎక్కువగా ఉందని సర్వే ఆందోళన వ్యక్తం చేసింది.

ఈ లక్షణాలు ఉంటే జాగ్రత్తపడండి:
❂ అయోడిన్ లోపానికి గురైతే థైరాయిడ్ గ్రంథి వాపు వచ్చి పెద్ద కనితిలా మారుతుంది.
❂ అయోడిన్ లోపం మలబద్దకానికి కూడా దారితీస్తుంది.
❂ కొద్ది దూరం నడిచినా, బరువులు ఎత్తినా వెంటనే అలసిపోతారు.
❂ అయోడిన్ లోపం వల్ల తీవ్ర ఒత్తిడి, ఆందోళన, డిప్రెషన్‌కు గురవ్వుతారు.
❂ ఏ కారణం లేకుండా మానసిక ఆందోళనకు గురవ్వుతున్నట్లయితే తప్పకుండా వైద్యులను సంప్రదించాలి.
❂ గర్భవతులు రోజువారీ ఆహారంలో అయోడిన్ తగిన మోతాదులో ఉండేలా చూసుకోవాలి.
❂ అయోడిన్ లోపం వల్ల శరీర బరువు అకస్మాత్తుగా పెరగవచ్చు.
❂ ఇలాంటి లక్షణాల్ని గమనిస్తే వెంటనే వైద్యుడిని కలిసి తగిన చికిత్స తీసుకోవాలి.

Read Also: ‘ఆయనకు పెళ్లయ్యింది.. పిల్లలు ఉన్నారు, కానీ నాతో…’

ఎటువంటి ఆహారం తీసుకోవాలి?:
❂ కేవలం అయోడిన్ ఉండే ఉప్పును మాత్రమే తీసుకోవాలి.
❂ అయోడిన్ అధికంగా ఉండే దానిమ్మ, పెరుగు, స్ట్రాబెర్రీ, బంగాళదుంప వంటివి తినాలి.
❂ చేపలు, రొయ్యలు, గుడ్లు, పాలు, పాల ఉత్పత్తులు, మాంసం ద్వారా కూడా అయోడిన్‌ను పొందవచ్చు.
❂ నీళ్లు ఎక్కువగా తాగాలి.
❂ వేయించిన ఆహారం తినడం తగ్గించాలి.
❂ ఒత్తిడి జయించేందుకు యోగా, ధ్యానం వంటివి చేయాలి.
❂ మీకు థైరాయిడ్ సమస్య ఉన్నట్లయితే.. తప్పకుండా వైద్యులు, ఆహార నిపుణులు సూచించే ఆహారాన్ని మాత్రమే డైట్‌గా తీసుకోవాలి.

Read also: ఈ వీర్యుడికి 150 మంది పిల్లలు.. లాక్‌డౌన్‌లో అదే పని, మహిళలతో నేరుగా…

గమనిక: పై వివరాలను కేవలం మీ అవగాహన కోసమే అందించామని గమనించగలరు. అయోడిన్ లోపం, థైరాయిడ్ తదితర ఎలాంటి ఆరోగ్య సమస్యలకైనా సరే తప్పకుండా వైద్యులను సంప్రదించాలి. ఈ వార్తలోని వివరాలు చికిత్సకు ప్రత్యామ్నయం కాదని మనవి.



Source link

Leave a Reply

Your email address will not be published. Required fields are marked *