ipl 2020: ఇంగ్లీష్ క్రికెట్ ఎదుగుదల‌లో ఐపీఎల్ పాత్ర ఎంతో ఉంది: బ‌ట్ల‌ర్‌ – england player jos buttler says ipl is the best tournament in the world after the world cup


ఇంగ్లాండ్ వికెట్‌కీప‌ర్ బ్యాట్స్‌మ‌న్ జోస్ బ‌ట్ల‌ర్‌.. ఇండియ‌న్ ప్రీమియ‌ర్ లీగ్ (ఐపీఎల్‌)పై ప్ర‌శంస‌ల జ‌ల్లు కురిపించాడు. ప్ర‌పంచ‌క‌ప్ త‌ర్వాత అత్యుత్తమ క్రికెట్ టోర్న‌మెంట్ ఐపీఎలేన‌ని వ్యాఖ్యానించాడు. తాజాగా బీబీసీతో మాట్లాడిన బ‌ట్ల‌ర్‌.. ఐపీఎల్ వ‌ల్ల ఇంగ్లీష్ క్రికెట్ ఎంతో మెరుగుప‌డింద‌ని వ్యాఖ్యానించాడు. గ‌త నాలుగేళ్లుగా బ‌ట్ల‌ర్‌.. ఐపీఎల్లో ఆడుతున్న సంగ‌తి తెలిసిందే. మాజీ చాంపియ‌న్ రాజ‌స్థాన్ రాయల్స్ త‌ర‌పున బ‌రిలోకి దిగుతున్నాడు.


ఐపీఎల్‌ ఎన్నో గొప్ప మ్యాచ్‌ల‌కు వేదికగా నిలిచింద‌ని బ‌ట్ల‌ర్ పేర్కొన్నాడు. ఈసారి రాయ‌ల్ చాలెంజ‌ర్స్ బెంగ‌ళూరు చాలా ప‌టిష్టంగా ఉంద‌ని తెలిపాడు. విరాట్ కోహ్లీ, ఏబీ డివిలియ‌ర్స్, క్రిస్ గేల్ త‌దిత‌ర ఆట‌గాళ్ల‌తో ఎంతో మంది ఫ్యాన్ బేస్‌ను పెంచుకుంద‌ని వ్యాఖ్యానించాడు. ఇతర టీమ్లతో ఆ జట్టు త‌ల‌ప‌డిన‌ప్పుడు మ్యాచ్‌లు మ‌రింత ఉత్కంఠ‌భ‌రితంగా ఉంటాయ‌ని పేర్కొన్నాడు.


ఇక ఇంగ్లాండ్ క్రికెటర్లు ఐపీఎల్లో ఆడ‌టం వెనక మాజీ ప్లేయ‌ర్ కెవిన్ పీట‌ర్స‌న్ కృషి ఎంతో ఉంద‌ని తెలిపాడు. త‌ను ఎన్నో స‌వాళ్ల‌ను ఎదుర్కొని ఐపీఎల్లో ఆడాడ‌ని తెలిపాడు. నాడు తాను వేసిన మార్గంలోనే నేడు తామంతా న‌డ‌స్తున్నామ‌ని కొనియాడాడు. ఇక 2008లో ప్రారంభ‌మైన ఐపీఎల్ గ‌త 12 ఎడిష‌న్ల‌పాటు నిరాటంకంగా సాగింది. అయితే ఈ ఏడాది క‌రోనా వైర‌స్ కారణంగా ఈ టోర్నీ నిర‌వ‌ధికంగా వాయిదా ప‌డింది.



Source link

Leave a Reply

Your email address will not be published. Required fields are marked *