ipl 2020 : ఇప్పుడు ఐపీఎల్‌ నిర్వహిస్తే చాలా చిక్కులోస్తాయ్ – indian former pacer joginder sharma says ipl should not happen until coronavirus issue cleared


2008లో ఆరంభ‌మైన ఐపీఎల్ గ‌తేడాది వ‌ర‌కు నిరాటంకంగా సాగింది. ఇప్ప‌టివ‌ర‌కు 12 ఎడిష‌న్ల‌ను పూర్తి చేసుకుంది. 2020కి సంబంధించి ఐపీఎల్ గ‌త‌నెల 29 నుంచి ప్రారంభం కావాల్సి ఉండ‌గా.. వాయిదా ప‌డింది.

Subani Shaik |
Samayam Telugu | Updated:

IPL

క‌రోనా వైర‌స్ రోజురోజుకు విస్త‌రిస్తున్న వేళ ప్ర‌పంచ‌వ్యాప్తంగా క్రీడా టోర్నీలు నిర‌వ‌ధికంగా వాయిదా ప‌డిన సంగ‌తి తెలిసిందే. ప్రతిష్టాత‌క ఇండియ‌న్ ప్రీమియ‌ర్ లీగ్‌ను గ‌త‌నెల 29 నుంచి ఈనెల 15 వ‌ర‌కు వాయిదా వేసిన సంగ‌తి తెలిసిందే. అయితే ప్ర‌స్తుత ప‌రిస్థితుల్లో ఈనెల 15 నుంచి ఐపీఎల్ తిరిగి ప్రారంభ‌మ‌యితే అది ఉప‌ద్ర‌వానికి దారి తీస్తుంద‌ని 2007 టీ20 వ‌ర‌ల్డ్‌క‌ప్ స్టార్‌, మాజీ పేస‌ర్ జోగింద‌ర్ శ‌ర్మ అభిప్రాయ‌ప‌డ్డాడు.


Read Also: అమెరికాలో చిక్కుకున్న హాకీ ఒలింపియ‌న్‌


క‌రోనా వైర‌స్ సంక్షోభం స‌మ‌సిపోయేదాక ఐపీఎల్‌ను నిర్వ‌హించ‌కూడ‌ద‌ని జోగింద‌ర్ తెలిపాడు. అంతా మాములు స్థితికి వ‌చ్చాక, ఐపీఎల్‌ను నిర్వ‌హిస్తే బాగుంటుంద‌ని పేర్కొన్నాడు. ఒక‌వేళ కాదు, కూడ‌ద‌ని ఐపీఎల్‌ను ఇప్పుడే నిర్వ‌హిస్తే అది బిగ్ డేంజ‌ర్‌గా మారుతుంద‌ని ఆందోళ‌న వ్య‌క్తం చేశాడు. ఎందుకంటే మ్యాచ్‌ల‌ను చూడ‌టానికి పెద్ద సంఖ్య‌లో ప్రేక్ష‌కులు వ‌స్తార‌ని గుర్తు చేశాడు. ఒక‌వేళ క్లోజ్‌డ్ డోర్స్ (ఖాళీ స్టేడియాల్లో) మ్యాచ్‌ల‌ను నిర్వహించిన ప్ర‌మాద‌మేన‌ని తెలిపాడు.

Read Also: స్మిత్: ఆ భారత స్పిన్న‌ర్‌ను ఎదుర్కోవ‌డం క‌ష్టం


ప్ర‌తి జ‌ట్టులో క‌నీసం 15 మంది ప్లేయ‌ర్లు, వారితోపాటు స‌పోర్టు స్టాఫ్ ఉంటారని జోగింద‌ర్ తెలిపాడు. టీమ్ మీటింగ్‌ల‌కు, మ్యాచ్ వేదిక‌ల‌కు ప్లేయ‌ర్ల‌తో వీళ్లంతా ప్ర‌యాణిస్తారని గుర్తు చేశాడు. ఈక్ర‌మంలో ఒకేసారి 30 నుంచి 40 మంది ఒకే ద‌గ్గ‌ర ఉండాల్సిన పరిస్థితి నెల‌కొంటుంద‌ని, ఇది చాలా ప్ర‌మాద‌మ‌ని జోగింద‌ర్ తెలిపాడు. దీన్ని నివారించాలంటే ఐపీఎల్‌ను వాయిదా వేయ‌డ‌మే స‌మంజ‌స‌మ‌ని తెలిపాడు. మ‌రోవైపు 2007 ప్ర‌పంచ‌క‌ప్ త‌ర్వాత ఫామ్ కోల్పోయిన జోగింద‌ర్‌.. టీమిండియాకు దూర‌మై, అనంత‌రం రిటైర్మెంట్ ప్ర‌క‌టించాడు. ప్రస్తుతం అతను హ‌ర్యానాలో డీఎస్పీగా విధులు నిర్వ‌ర్తిస్తున్నాడు. క‌రోనా వేళ అత‌ను చేస్తున్న సేవ‌లను గుర్తించిన‌ ఐసీసీ.. ఇటీవలే సోష‌ల్ మీడియా వేదిక‌గా అభినందనలు తెలిపింది.

 

Telugu News App ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title indian former pacer joginder sharma says ipl should not happen until coronavirus issue cleared

(Telugu News from Samayam Telugu , TIL Network)





Source link

Leave a Reply

Your email address will not be published. Required fields are marked *