ipl 2020: ఐపీఎల్ 2020కి ఆతిథ్యమిచ్చేందుకు సిద్ధం: యూఏఈ – uae approaches the board of control for cricket in india (bcci) to host ipl 2020


క‌రోనా వైర‌స్ విస్త‌ర‌ణ కార‌ణంగా ఐపీఎల్ 2020 సీజ‌న్ నిర‌వ‌ధికంగా వాయిదా ప‌డిన సంగ‌తి తెలిసిందే. దేశ‌వ్యాప్తంగా లాక్‌డౌన్ అమ‌ల్లో ఉండ‌టంతో మార్చి 29 నుంచి ప్రారంభం కావాల్సిన ఈ టోర్నీని తొలుత ఏప్రిల్ 15 వ‌ర‌కు బీసీసీఐ వాయిదా వేసింది. అయితే మ‌రోసారి లాక్‌డౌన్‌ను పొడిగించ‌డంతో టోర్నీని నిర‌వ‌ధికంగా బోర్డు వాయిదా వేసింది. అయితే వాయిదా పడిన ఐపీఎల్ తాజా సీజ‌న్‌ను నిర్వ‌హించేందుకు శ్రీలంక ఇప్పటికే‌ ముందుకు రాగా.. తాజాగా యూఏఈ కూడా టోర్నీ నిర్వ‌హ‌ణ‌కు సంసిద్ధ‌త వ్య‌క్తం చేసిన‌ట్లు బోర్డు కోశాధికారి అరుణ్ ధుమాల్ తెలిపారు.


అయితే ప్ర‌స్తుత ప‌రిస్థితుల్లో క‌రోనా వ్యాప్తితోపాటు, ట్రావెల్ బ్యాన్ కారణంగా విదేశీ ప్లేయర్లు అందుబాటులో లేక‌పోవ‌డంతో ఐపీఎల్ నిర్వ‌హ‌ణపై బీసీసీఐ ఎటు తేల్చుకోలేక‌పోతోంది. అలాగే టోర్నీలో ఆడేందుకు ఆట‌గాళ్లంద‌రూ రెండు వారాల‌పాటు క్వారంటైన్‌లో ఉండాల్సిన అవ‌స‌ర‌ముంద‌ని బోర్డు తాజాగా పేర్కోంది. అయితే 12 ఏళ్ల ఐపీఎల్ చ‌రిత్ర‌లో రెండుసార్లు విదేశీగ‌డ్డ‌పై నిర్వ‌హించిన అనుభ‌వ‌ముంది.


2009, 14 ఎడిషన్ల‌ను సార్వ‌త్రిక ఎన్నిక‌ల కార‌ణంతో విదేశీగ‌డ్డ‌పై నిర్వ‌హించారు. ద‌క్షిణాఫ్రికాలో 2014 ఎడిష‌న్‌ను, 2014 ఎడిష‌న్‌లోని తొలి 20 మ్యాచ్‌ల‌ను యూఏఈలో బీసీసీఐ నిర్వ‌హించింది. మ‌రోవైపు క‌రోనా హ‌డావిడి సద్దుమ‌ణిగాక స‌య్య‌ద్ ముస్తాక్ అలీ టీ20 టోర్నీతో ఈ ఏడాది సీజ‌న్‌ను ప్రారంభించాల‌ని బోర్డు భావిస్తోంది.



Source link

Leave a Reply

Your email address will not be published. Required fields are marked *