ipl 2020: ఐపీఎల్ 2020 సీజన్.. ఇదే లాస్ట్ ఆప్షన్: బీసీసీఐ – bcci exploring all options to hold ipl 2020: report


ఐపీఎల్ 2020 సీజన్ విషయంలో భారత క్రికెట్ నియంత్రణ మండలి (బీసీసీఐ) ఓ క్లారిటీకి రాలేకపోతోంది. షెడ్యూల్ ప్రకారం మార్చి 29 నుంచి ప్రారంభంకావాల్సిన ఐపీఎల్.. కరోనా వైరస్ కారణంగా తొలుత ఏప్రిల్ 15కి వాయిదాపడింది. కానీ.. గడువు తేదీలోపు దేశంలో పరిస్థితులు అదుపులోకి రాకపోవడంతో.. టోర్నీని నిరవధికంగా వాయిదా వేస్తూ బీసీసీఐ నిర్ణయం తీసుకుంది. ఒకవేళ ఐపీఎల్ 2020 సీజన్ రద్దయితే.. బీసీసీఐ రూ. 4000 కోట్లు నష్టపోనుంది.

Read More: బాల్కనీ నుంచి దూకాలని 1, 2, 3 లెక్కించా.. కానీ..?: రాబిన్ ఉతప్ప
ఆస్ట్రేలియా వేదికగా అక్టోబరు 18 నుంచి నవంబరు 15 వరకూ టీ20 వరల్డ్‌కప్ జరగాల్సి ఉండగా.. కరోనా కారణంగా ఈ టోర్నీని 2022కి వాయిదా వేయాలని అంతర్జాతీయ క్రికెట్ కౌన్సిల్ (ఐసీసీ), క్రికెట్ ఆస్ట్రేలియా (సీఏ) ప్రాథమికంగా నిర్ధారించాయి. దాంతో.. అక్టోబరు – నవంబరు విండోలో ఐపీఎల్ నిర్వహించాలని బీసీసీఐ యోచిస్తోంది.

భారత్‌లో శుక్రవారం ఉదయానికి కరోనా వైరస్ కేసుల సంఖ్య 2,26,713కి చేరుకోగా.. లాక్‌డౌన్ నిబంధనల్ని ఇటీవల సడలించడంతో ఈ సంఖ్య మరింత పెరిగే ప్రమాదం కనిపిస్తోంది. దాంతో.. అక్టోబరులో భారత్‌ వేదికగా ఐపీఎల్ 2020 సీజన్ మ్యాచ్‌లు కష్టమేనని అభిప్రాయాలు వినిపిస్తున్నాయి. మరీ ముఖ్యంగా.. విదేశీ క్రికెటర్లు ఇక్కడికి వచ్చి మ్యాచ్‌‌లు ఆడేందుకు సాహసిస్తారా..? అనే సందేహాలు వ్యక్తమవుతున్నాయి. దాంతో.. ప్రత్యామ్నాయ మార్గాలను బీసీసీఐ అన్వేషిస్తోంది.

Read More:హాట్ ఫొటోస్‌తో రచ్చరేపుతున్న భారత క్రికెటర్ భార్య

భారత్‌లో ఐపీఎల్ సాధ్యంకాకపోతే.. విదేశాల్లో ఆ టోర్నీని నిర్వహించేందుకు ఉన్న అనువైన మార్గాల్ని బీసీసీఐ పరిశీలిస్తున్నట్లు తాజాగా వెలుగులోకి వచ్చింది. ఇప్పటికే శ్రీలంక, యుఏఈ తాము ఐపీఎల్‌కి ఆతిథ్యమిచ్చేందుకు సిద్ధమని ప్రకటించగా.. దక్షిణాఫ్రికా కూడా అందుకు రెడీగా ఉన్నట్లు తెలుస్తోంది. 2009లో సార్వత్రిక ఎన్నికల కారణంగా దక్షిణాఫ్రికాలో ఆ ఏడాది ఐపీఎల్ జరగగా.. 2014లో యూఏఈ వేదికగా ఫస్ట్ హాఫ్ సీజన్ మ్యాచ్‌లు జరిగాయి.

‘‘ఐపీఎల్ 2020 నిర్వహణకి ఉన్న అనువైన మార్గాల్ని బీసీసీఐ పరిశీలిస్తోంది. ఇందులో భారత్ వెలుపల టోర్నీ ప్లాన్ కూడా ఉంది. కానీ.. అది చివరి ఆప్షన్ మాత్రమే. గతంలో కూడా విదేశాల్లో ఐపీఎల్ నిర్వహించాం. అయితే.. ఐపీఎల్ 2020 సీజన్ భారత్‌లో నిర్వహించేందుకే మొదటి ప్రాధాన్యత’’ అని బీసీసీఐ అధికారి ఒకరు తెలిపారు.



Source link

Leave a Reply

Your email address will not be published. Required fields are marked *