ipl 2020: ఐపీఎల్ 2020 స్టార్ట్ తేదీపై మళ్లీ సందిగ్ధత – former ipl chairman rajeev shukla says ‘impossible to start ipl 2020 by april 15


కరోనా వైరస్ కారణంగా మార్చి 29 నుంచి ప్రారంభంకావాల్సిన ఐపీఎల్ 2020 సీజన్ ఏప్రిల్ 15కి వాయిదాపడగా.. ఇప్పుడు ఆ తేదీన ఆరంభమవడం అసాధ్యమని ఐపీఎల్ మాజీ ఛైర్మన్ రాజీవ్ శుక్లా స్పష్టం చేశాడు. కరోనా వైరస్ వ్యాప్తిని అడ్డుకునేందుకు ఇప్పటికే దేశంలో 21 రోజుల లాక్‌డౌన్‌ని ప్రకటించగా.. అది ఏప్రిల్ 14న ముగియనుంది. కానీ.. కొన్ని రాష్ట్రాల్లో వైరస్ వ్యాప్తి పతాక స్థాయికి చేరుకోవడంతో.. లాక్‌డౌన్‌ని కొనసాగించే అవకాశమున్నట్లు వార్తలు వస్తున్నాయి.

Read More: ఆసియా కప్ 2020 రద్దు.. పాకిస్థాన్ హింట్

ఐపీఎల్ 2020 సీజన్ ఏప్రిల్ 15న ప్రారంభం అవుతుందా..? అని రాజీవ్ శుక్లాని ప్రశ్నించగా.. అతను సమాధానమిచ్చాడు. ‘‘ఐపీఎల్ 2020 టోర్నీ నిర్వహణకి సంబంధించి దేశంలో ఎలాంటి ఏర్పాట్లు నాకు కనిపించడం లేదు. ఇప్పుడు అందరి ప్రాధాన్యత కరోనా వైరస్‌పై పోరాడి.. ప్రజల్ని రక్షించుకోవడమే. దీంతో.. ఇప్పుడు ఐపీఎల్ భవితవ్యంపై త్వరలోనే ప్రభుత్వం ఓ నిర్ణయాన్ని తీసుకోబోతంది. ఆ నిర్ణయానికి బీసీసీఐ కట్టుబడి ఉండక తప్పదు. దేశంలో లాక్‌డౌన్‌ని కూడా పొడిగిస్తారనే వార్తలు వినిపిస్తున్నాయి. కాబట్టి.. ఏప్రిల్ 15న ఐపీఎల్ 2020 సీజన్ ప్రారంభమవడం అసాధ్యం’’ అని శుక్లా స్పష్టం చేశాడు.

Read More: రోహిత్ శర్మ కెరీర్ గురించి యువరాజ్ ప్రశ్నలు

భారత్‌లో కరోనా వైరస్ కేసుల సంఖ్య శుక్రవారం 11.30 గంటలకి 6,820కి చేరుకోగా.. 229 మంది చనిపోయారు. దీంతో.. లాక్‌డౌన్‌ని కొనసాగించడంతో పాటు పర్యాటక వీసాల రద్దు గడువుని కూడా కేంద్ర ప్రభుత్వం కొనసాగించే అవకాశం ఉంది. అదే జరిగితే..? విదేశీ క్రికెటర్లు ఇప్పట్లో భారత్‌కి వచ్చే ఛాన్స్‌ లేదు. విదేశీ క్రికెటర్లు లేకుండా ఐపీఎల్ వద్దంటూ ఇప్పటికే టోర్నీలోని అన్ని ఫ్రాంఛైజీలు బీసీసీఐకి స్పష్టం చేసిన విషయం తెలిసిందే.



Source link

Leave a Reply

Your email address will not be published. Required fields are marked *