ipl 2020: కరోనా దెబ్బకి ఐపీఎల్ 2020 సీజన్ రద్దు – coronavirus pandemic: bcci announces no ipl this year


కరోనా వైరస్ కారణంగా ఐపీఎల్ 2020 సీజన్ రద్దయింది. షెడ్యూల్ ప్రకారం మార్చి 29 నుంచి ఐపీఎల్ 2020 సీజన్ ప్రారంభంకావాల్సి ఉండగా.. దేశంలో కరోనా వైరస్ వ్యాప్తి నేపథ్యంలో టోర్నీని ఏప్రిల్ 15 వరకూ ఇటీవల భారత క్రికెట్ నియంత్రణ మండలి (బీసీసీఐ) వాయిదా వేసింది. కానీ.. దేశంలో ఇప్పటికీ పరిస్థితులు అదుపులోకి రాకపోవడం, లాక్‌డౌన్ గడువుని మరో 19 రోజులు అంటే మే 3 వరకూ కేంద్ర ప్రభుత్వం పొడిగించడంతో టోర్నీని రద్దు చేయడం మినహా మరో ప్రత్యామ్నాయ మార్గం బీసీసీఐ ముందు లేకపోయింది. దేశంలో కరోనా వైరస్ కట్టడి కోసం పీఎం-కేర్స్ ఫండ్‌కి బీసీసీఐ రూ. 51 కోట్లు విరాళం ప్రకటించిన విషయం తెలిసిందే.

Read More: కరోనా వైరస్‌తో పాక్ క్రికెటర్ సర్ఫరాజ్ మృతి

ఐపీఎల్ 2020 సీజన్ రద్దు కారణంగా బీసీసీఐ సుమారు రూ. 3 వేల కోట్లు నష్టపోనుందని ఓ అంచనా. అలానే టోర్నీలోని ఎనిమిది ఫ్రాంఛైజీలు కూడా రూ. కోట్లలో నష్టపోనున్నాయి. దీంతో.. టోర్నీని రద్దు చేయకుండా నిర్వహించేందుకు ఉన్న అనువైన మార్గాలన్నింటినీ బీసీసీఐ అన్వేషించింది. ఈ క్రమంలో ఆగస్టు- సెప్టెంబరులో మధ్యకాలంలో ఐపీఎల్‌ని నిర్వహిస్తారని కూడా ప్రచారం జరిగింది. అలానే అక్టోబరులో ఆస్ట్రేలియా వేదికగా జరగాల్సిన టీ20 వరల్డ్‌కప్‌ వాయిదాపడితే.. ఆ టైమ్‌లో ఐపీఎల్ నిర్వహించే దిశగానూ బీసీసీఐ పెద్దలు చర్చలు జరిపారు. కానీ.. ప్రపంచ వ్యాప్తంగా విస్తరించిన కరోనా వైరస్ ఎప్పుడు తగ్గుముఖం పడుతుందో..? స్పష్టత లేకపోవడంతో బీసీసీఐ ఎలాంటి సాహసోపేత నిర్ణయం తీసుకోలేకపోయింది.

Read More: ఒక్క ఫోన్‌ కాల్ దూరంలో ధోనీ రీఎంట్రీ: చోప్రా

పర్యాటక వీసాల్ని మార్చి నెల నుంచి రద్దు చేసిన కేంద్ర ప్రభుత్వం ఇప్పట్లో ఆంక్షల్ని సడలించే సూచనలు కనిపించడం లేదు. దీంతో.. విదేశీ క్రికెటర్లు లేకుండా ఐపీఎల్ 2020 సీజన్‌ని నిర్వహిస్తే..? టోర్నీ కళ తప్పుతుందని స్పష్టం చేసిన ఫ్రాంఛైజీలు విముఖత వ్యక్తం చేశాయి. మొత్తంగా.. స్టేడియాల్లోకి ప్రేక్షకుల్ని అనుమతించకుండా ఐపీఎల్ నిర్వహణకి తొలుత మొగ్గుచూపిన బీసీసీఐ.. విదేశీ క్రికెటర్ల విషయంలో ఫ్రాంఛైజీల నిర్ణయంతో వెనకడుగు వేయక తప్పలేదు. భారత్‌లో మంగళవారం మధ్యాహ్నానికి కరోనా వైరస్ పాజిటివ్ కేసుల సంఖ్య 11వేలుకి చేరువకాగా.. 360 మంది ఇప్పటికే చనిపోయారు.



Source link

Leave a Reply

Your email address will not be published. Required fields are marked *