ipl 2020: వామ్మో.. అంతా..! ఐపీఎల్ ర‌ద్దుతో బీసీసీఐకి న‌ష్టం ఎంతో తెలుసా? – bcci treasurer arun dhuma says ipl cancellation could cost board to half a billion dollars


క‌రోనా వైర‌స్ విస్త‌ర‌ణ కార‌ణంగా ఈ ఏడాది ఇండియ‌న్ ప్రీమియ‌ర్ లీగ్ (ఐపీఎల్‌) 13వ ఎడిష‌న్ వాయిదా ప‌డిన సంగ‌తి తెలిసిందే. అయితే ప్ర‌పంచంలోనే అతిపెద్ద క్రికెట్ లీగ్ అయిన ఈ టోర్నీ ర‌ద్ద‌యితే బీసీసీఐకి క‌లిగే న‌ష్టం క‌ళ్ల బైర్లు క‌మ్మేంత‌గా ఉంది. వైర‌స్ కార‌ణంగా ఈ ఏడాది లీగ్ వాయిదా ప‌డితే 53 కోట్ల డాల‌ర్ల (సుమారు 40 బిలియ‌న్ రూపాయ‌లు) న‌ష్టం క‌లుగుతుంద‌ని బోర్డు కోశాధికారి అరుణ్ ధుమాల్ అంచనా వేశారు. లీగ్‌లో ఎన్ని మ్యాచ్‌లు ర‌ద్ద‌వుతాయో తెలిశాక‌, న‌ష్టంపై పూర్తి అంచ‌నా వ‌స్తుంద‌ని అభిప్రాయ‌ప‌డ్డారు.


మ‌రోవైపు లీగ్‌లోని ఆట‌గాళ్ల వేత‌నాల్లో కోత‌పై ప్రస్తుతానికి ఆలోచించ‌డం లేద‌ని ధుమాల్ పేర్కొన్నారు. ప్ర‌స్తుతం క‌రోనా వైర‌స్ వ్యాప్తిపై స‌మీక్షిస్తున్నామ‌ని తెలిపారు. టోర్నీ నిర్వ‌హ‌ణ గురించి అంచ‌నా వ‌చ్చాకే ఏ నిర్ణ‌య‌మైన తీసుకునే అవ‌కాశ‌ముంద‌ని అభిప్రాయ‌ప‌డ్డారు. మ‌రోవైపు ఐపీఎల్ బ్రాండ్ విలువ‌ను గ‌తేడాది 6.7 బిలియ‌న్ డాల‌ర్లుగా డ‌ఫ్ అండ్ ఫెల్ప్స్‌ అనే సంస్థ అంచ‌నా వేసింది.


ఇక ఈ ఏడాది టోర్నీని సెప్టెంబ‌ర్‌లో నిర్వ‌హించాల‌ని బీసీసీఐ యోచిస్తున్న‌ట్లు ఇప్ప‌టికే ఊహాగానాలు చెల‌రేగాయి. అప్ప‌టికి క‌రోనా వ్యాప్తి తగ్గ‌డంతోపాటు క‌రోనా వ్యాక్సిన్ కూడా అందుబాటులోకి వ‌చ్చే అవ‌కాశ‌ముంద‌ని అంతా భావిస్తున్నారు. ఇక ఐపీఎల్ ప్ర‌సార హ‌క్కుల‌కు భారీ డిమాండ్ నెల‌కొంది. ఐదేళ్ల కాలానికిగాను 220 మిలియ‌న్ డాల‌ర్లు చెల్లించి ఈ హ‌క్కుల‌ను స్టార్ నెట్‌వ‌ర్క్ ద‌క్కించుకున్న‌ సంగ‌తి తెలిసిందే.



Source link

Leave a Reply

Your email address will not be published. Required fields are marked *