ipl 2020 playoffs: IPL playoffs 2020: ఐపీఎల్ 2020 సీజన్‌ ప్లేఆఫ్‌కి చేరేది ఈ 4 జట్లే..! – ipl 2020: battle for playoff spots intensifies


ఐపీఎల్ 2020 సీజన్ లీగ్ దశ సరిగ్గా మరో వారం రోజుల్లో ముగియనుంది. టోర్నీలోని 8 జట్లూ ఇప్పటికే కనీసం 11 మ్యాచ్‌లు ఆడినా.. ఒక్క జట్టు కూడా ప్లేఆఫ్‌‌‌కి అర్హత సాధించలేదు. అలా అని ప్లేఆఫ్ రేసు నిష్క్రమించిన జట్ల జాబితా కూడా ఏమీ పెద్దగా లేదు. ఒక్క చెన్నై సూపర్ కింగ్స్ మినహా అన్ని జట్లూ పోటీలో ఉన్నాయి. దాంతో.. గత సీజన్లతో పోలిస్తే ఈసారి ప్లేఆఫ్‌ రేసు మరింత ఆసక్తికరంగా ఉండబోతోంది. టోర్నీలోని ప్రతి జట్టూ లీగ్ దశలో 14 మ్యాచ్‌లను ఆడనుండగా.. లీగ్ స్టేజ్ ముగిసే సమయానికి పాయింట్ల పట్టికలో టాప్-4లో నిలిచిన జట్లు ప్లేఆఫ్‌కి అర్హత సాధించనున్నాయి.


ఐపీఎల్ 2020 సీజన్‌ ప్లేఆఫ్‌కి చేరే అవకాశాలున్న జట్ల జాబితాని ఓసారి పరిశీలిస్తే..? 11 మ్యాచ్‌లాడిన ముంబయి ఇండియన్స్ ఏడింట్లో గెలుపొంది 14 పాయింట్లతో పట్టికలో నెం.1 స్థానంలో కొనసాగుతుండగా.. ఆ తర్వాత వరుసగా ఢిల్లీ క్యాపిటల్స్ (14 పాయింట్లు), రాయల్ ఛాలెంజర్స్ బెంగళూరు (14), కింగ్స్ ఎలెవన్ పంజాబ్ (12) టాప్-4లో కొనసాగుతున్నాయి. ఇక 5, 6, 7 స్థానాల్లో ఉన్న కోల్‌కతా నైట్‌రైడర్స్ (12), రాజస్థాన్ రాయల్స్ (10), సన్‌రైజర్స్ హైదరాబాద్ (8) ఇప్పటికీ ప్లేఆఫ్ రేసులో ఉన్నప్పటికీ.. ఇందులో ఒక జట్టుకి మాత్రమే ప్లేఆఫ్‌కి చేరే అవకాశం ఉంది.

పాయింట్ల పట్టికలో టాప్-3లో ఉన్న ముంబయి, ఢిల్లీ, బెంగళూరు జట్లలో ఒక జట్టుకి మాత్రమే 20 పాయింట్లు సాధించే అవకాశం ఉంది. మూడింటిలో ఒక జట్టు ఆ 20 పాయింట్ల మార్క్‌ని అందుకున్నా.. మిగిలిన రెండు జట్లకీ ఆ అవకాశం ఉండదు. ఎందుకంటే..? ముంబయి vs బెంగళూరు (28న), ఢిల్లీ vs ముంబయి (31న), ఢిల్లీ vs బెంగళూరు (నవంబరు 2న) లీగ్ దశ ఆఖర్లో తలపడబోతున్నాయి. అయినప్పటికీ.. ఈ మూడు జట్లు మిగిలిన మూడు మ్యాచ్‌ల్లో కనీసం ఒక్కదాంట్లో గెలిచినా ప్లేఆఫ్‌లోకి అడుగుపెడతాయి. కాబట్టి.. ఈ టీమ్స్‌కి వచ్చిన ఢోకా ఏమీ లేదు.

ప్లేఆఫ్ ఆఖరి బెర్తు కోసం ఇప్పుడు అసలు పోటీ ఆరంభంకానుంది. పంజాబ్, కోల్‌కతా జట్లకి ప్రస్తుతం 16 పాయింట్లు సాధించే అవకాశం ఉండగా.. రేసులో మిగిలిన రాజస్థాన్, హైదరాబాద్‌‌ గరిష్ఠంగా 14 పాయింట్లు మాత్రమే సాధించే ఛాన్స్ ఉంది. ఇందులో రాజస్థాన్ మిగిలిన రెండు మ్యాచ్‌ల్లో గెలిచినా..? ఆ జట్టు ప్లేఆఫ్‌కి అర్హత సాధించే అవకాశాలు కేవలం 3% మాత్రమే. నెట్ రన్‌రేట్ -0.505గా ఉండటం కూడా ఆ జట్టుని దెబ్బతీసే సూచనలు కనిపిస్తున్నాయి. ఇక హైదరాబాద్ మిగిలిన మూడు మ్యాచ్‌ల్లో గెలిచినా..? ఆ జట్టు ప్లేఆఫ్ చేరే అవకాశాలు కేవలం 7% మాత్రమే. అది కూడా నెట్ రన్‌రేట్ +0.029గా ఉండటంతో ఆ ఛాన్స్ ఉంది. కాబట్టి.. ప్లేఆఫ్‌కి ముంబయి, ఢిల్లీ, బెంగళూరు అర్హత సాధించడం దాదాపు ఖాయమవగా.. చివరి బెర్తుని పంజాబ్ లేదా కోల్‌కతా దక్కించుకునే అవకాశం ఉంది.



Source link

Leave a Reply

Your email address will not be published. Required fields are marked *