IPL 2020 Postponed : ఐపీఎల్‌పై ఫ్రాంఛైజీలకి బీసీసీఐ సమాచారం – bcci informs franchises about deferring ipl 2020 indefinitely


ఐపీఎల్ 2020 సీజన్ నిరవధిక వాయిదాపై ఫ్రాంఛైజీలకి భారత క్రికెట్ నియంత్రణ మండలి (బీసీసీఐ) సమాచారమిచ్చిందట. షెడ్యూల్ ప్రకారం మార్చి 29 నుంచి ఐపీఎల్ ప్రారంభంకావాల్సి ఉండగా.. కరోనా వైరస్ కారణంగా ఏప్రిల్ 15కి తొలుత వాయిదా వేసిన బీసీసీఐ.. ఇప్పుడు లాక్‌డౌన్‌ని మే 3 వరకూ ప్రధాని మోడీ పొడిగించడంతో నిరవధికంగా వాయిదా వేసేసింది. ఈ మేరకు ఇప్పటికే టోర్నీలోని ఎనిమిది ఫ్రాంఛైజీలతో పాటు.. టోర్నీ బ్రాడ్‌కాస్టర్ స్టార్‌స్పోర్ట్స్‌కి కూడా బీసీసీఐ సమాచారం ఇచ్చినట్లు తెలిసింది.


Read More:
క్రమశిక్షణ లేదు.. కర్ఫ్యూ విధించండి: హర్భజన్

ఐపీఎల్ 2020 సీజన్ ఒకవేళ రద్దయితే..? బీసీసీఐ మొత్తంగా రూ.3,269.5 కోట్లు నష్టపోనుందని ఓ అంచనా. దీంతో.. ఎలాంటి సాహసోపేత నిర్ణయం తీసుకోలేకపోతున్న బీసీసీఐ.. వాయిదాలతో సరిపెడుతూనే టోర్నీ నిర్వహణకి ఉన్న అనువైన మార్గాల్ని పరిశీలిస్తోంది. ఆస్ట్రేలియా వేదికగా ఈ ఏడాది అక్టోబరులో జరగాల్సిన టీ20 వరల్డ్‌కప్‌ని రద్దు చేయాలని ఐసీసీ యోచిస్తుండటంతో.. అక్టోబరు- నవంబరు మధ్యకాలంలో ఐపీఎల్ 2020 సీజన్‌ని నిర్వహించడంపైనా బీసీసీఐ చర్చలు జరుపుతోంది.

Read More:

టీ20 వరల్డ్‌కప్ రద్దు..? పాకిస్థాన్‌లో గుబులు

ఐపీఎల్ 2020 నిర్వహణపై మార్చి నుంచే ఫ్రాంఛైజీలతో బీసీసీఐ చర్చలు జరుపుతోంది. ఈ క్రమంలో స్టేడియంలోకి ప్రేక్షకుల్ని అనుమతించకుండా టోర్నీ నిర్వహణకి ఓకే చెప్పిన ఫ్రాంఛైజీలు.. విదేశీ క్రికెటర్లు లేకుండా మాత్రం ఐపీఎల్ వద్దని స్పష్టం చేశాయి. కానీ.. కరోనా వైరస్ వ్యాప్తిని అడ్డుకునేందుకు మార్చి రెండో వారం నుంచే పర్యాటక వీసాల్ని రద్దు చేసిన కేంద్ర ప్రభుత్వం ఇప్పట్లో ఆంక్షలు సడలించే సూచనలు కనిపించడం లేదు. దీంతో.. టోర్నీని మరోసారి వాయిదా వేయడం మినహా మరో ప్రత్యామ్నాయం బీసీసీఐ ముందు లేకపోయింది.





Source link

Leave a Reply

Your email address will not be published. Required fields are marked *