IPL 2020 Postponed : ఐపీఎల్ 2020 మళ్లీ వాయిదా.. కొత్త డేట్..? – lockdown extension: ipl 2020 all set to be postponed indefinitely


ఐపీఎల్ 2020 సీజన్ మళ్లీ వాయిదా పడటం లాంఛనంగా కనిపిస్తోంది. ముందు ప్రకటించిన షెడ్యూల్ ప్రకారం మార్చి 29 నుంచి ఐపీఎల్ 2020 సీజన్ ప్రారంభంకావాల్సి ఉండగా.. కరోనా వైరస్ కారణంగా ఏప్రిల్ 15కి ఇటీవల భారత క్రికెట్ నియంత్రణ మండలి (బీసీసీఐ) వాయిదా వేసింది. కానీ.. దేశంలో పరిస్థితులు ఇంకా అదుపులోకి రాకపోవడంతో.. 21 రోజుల లాక్‌డౌన్‌ని ప్రధాని మోడీ మరో రెండు వారాలు పొడిగించే సూచనలు కనిపిస్తున్నాయి. దీంతో.. ఐపీఎల్ మళ్లీ వాయిదా పడనుంది.


Read More:
ఐపీఎల్ రద్దయితే.. ధోనీ కెరీర్ ముగిసినట్లే: క్రిస్

మార్చి నెలలో ప్రకటించిన 21 రోజుల లాక్‌డౌన్ గడువు ఏప్రిల్ 14తో ముగియనుండగా.. కరోనా వైరస్ కట్టడిపై అన్ని రాష్ట్రాల ముఖ్యమంత్రులతో శనివారం ప్రధాని నరేంద్ర మోడీ మాట్లాడారు. ఈ క్రమంలో కొందరు సీఎంలు లాక్‌డౌన్‌ని మరో 14 రోజులు పొడిగించాలని కోరారు. ఇప్పటికే పంజాబ్, మహారాష్ట్ర, కర్ణాటక, తెలంగాణ రాష్ట్ర ప్రభుత్వాలు అధికారికంగా లాక్‌డౌన్‌ని పొడిగిస్తున్నట్లు ప్రకటించాయి. ఇదే బాటలో మరికొన్ని రాష్ట్రాలు కూడా పయనించే సూచనలు కనిపిస్తున్నాయి. దీంతో.. ఏప్రిల్ నెలలో ఐపీఎల్ 2020 సీజన్ నిర్వహణ అసాధ్యమని తేలిపోయింది.

Read More:
ఐపీఎల్ వివాదం.. హర్భజన్ ఆ చెంప దెబ్బపై చింతించాడు..!


వాస్తవానికి ఏప్రిల్ 15 తర్వాత ఐపీఎల్ 2020 సీజన్ ప్రారంభంకాకపోతే.. ఈ ఏడాది టోర్నీ రద్దయ్యే అవకాశాలు ఎక్కువగా ఉన్నాయని వార్తలు వచ్చాయి. కానీ.. ఒకవేళ ఐపీఎల్ రద్దయితే.. సుమారు రూ. 3వేల కోట్లు బీసీసీఐ నష్టపోనుందని తెలుస్తోంది. దీంతో.. సెప్టెంబరు- అక్టోబరులో టోర్నీ నిర్వహణకి అనువైన మార్గాల్ని బీసీసీఐ ప్రస్తుతం పరిశీలిస్తోంది. అయితే.. కేంద్ర ప్రభుత్వం అధికారికంగా లాక్‌డౌన్ పొడిగింపు తేదీని ప్రకటించిన తర్వాతే.. ఐపీఎల్ వాయిదా తేదీని బీసీసీఐ ప్రకటించనుంది.





Source link

Leave a Reply

Your email address will not be published. Required fields are marked *