ipl 2020 suspended: భారత్ వెలుపల ఐపీఎల్ 2020.. RCB హ్యాపీ – royal challengers bangalore happy if ipl 2020 is held in south africa or australia says rcb coach


భారత్‌లో కరోనా వైరస్ వ్యాప్తి కారణంగా ఐపీఎల్ 2020 సీజన్‌ని బీసీసీఐ నిరవధికంగా వాయిదా వేసేసింది. షెడ్యూల్ ప్రకారం మార్చి 29 నుంచి ఈ ఏడాది ఐపీఎల్ మ్యాచ్‌లు జరగాల్సి ఉండగా.. తొలుత ఏప్రిల్ 15కి వాయిదా వేసిన బీసీసీఐ.. దేశంలో లాక్‌డౌన్‌ని మే 3 వరకూ ప్రధాని మోడీ పొడిగించడంతో మరోసారి వాయిదా వేయక తప్పలేదు.

Read More: శ్రీలంకలో ఐపీఎల్ 2020 సీజన్..? ఆప్షన్స్ షురూ

ఇప్పటికే దేశంలో కరోనా వైరస్ వ్యాప్తి పతాక స్థాయికి చేరుకోగా.. పరిస్థితులు ఎప్పటికి అదుపులోకి వస్తాయి..? అనేదానిపై ఎవరూ ఓ క్లారిటీకి రాలేకపోతున్నారు. దీంతో.. భారత్ వెలుపల ఐపీఎల్ 2020 సీజన్ నిర్వహణ‌కి ఉన్న అనువైన మార్గాల్ని బీసీసీఐ అన్వేసిస్తోంది. ఒకవేళ ఆస్ట్రేలియా, దక్షిణాఫ్రికాలో ఐపీఎల్ నిర్వహిస్తే.. రాయల్ ఛాలెంజర్స్ బెంగళూరు టీమ్‌కి అది కలిసిరానుందని ఆ జట్టు హెడ్ కోచ్ సైమన్ కటిచ్ అభిప్రాయపడ్డాడు.

Read More: ఐపీఎల్ 2020 సీజన్‌పై బీసీసీఐ కీలక ప్రకటన

ఐపీఎల్ 2020 సీజన్‌కి ఆతిథ్యమిచ్చేందుకు తాము సిద్ధమని ఇప్పటికే శ్రీలంక క్రికెట్ బోర్డు ప్రకటించగా.. కనక వర్షం కురిపించే ఐపీఎల్‌ ఆతిథ్యాన్ని ఏ దేశ క్రికెట్ బోర్డు కూడా వ్యతిరేకించదు. ఈ క్రమంలో దక్షిణాఫ్రికా, ఆస్ట్రేలియా కూడా ఆతిథ్య రేసులో ఉన్నట్లు వార్తలు వస్తున్నాయి. 2009లో భారత్‌లో సార్వత్రిక ఎన్నికల కారణంగా దక్షిణాఫ్రికాలో ఐపీఎల్ జరిగింది. ఆ తర్వాత 2014లోనూ కొన్ని మ్యాచ్‌‌లకి యూఏఈ ఆతిథ్యమిచ్చిన విషయం తెలిసిందే.

Read More: భారత్ దెబ్బకి పాక్ క్రికెట్ బోర్డు నష్టం రూ. 691 కోట్లు

ఐపీఎల్ 2020 ఆతిథ్యంపై కటిచ్ మాట్లాడుతూ ‘‘ఐపీఎల్‌కి ఒకవేళ దక్షిణాఫ్రికా లేదా ఆస్ట్రేలియా ఆతిథ్యమిస్తే..? టోర్నీలోని కొన్ని టీమ్స్ చాలా హ్యాపీగా ఫీలవుతాయి. ఈ జాబితాలో రాయల్ ఛాలెంజర్స్ బెంగళూరు కూడా ఒకటి. ఎందుకంటే.. మా టీమ్‌లోని విదేశీ ఆటగాళ్లు ఎక్కువ మంది ఆ రెండు దేశాలకి చెందిన వారే ఉన్నారు. వారు తమ సొంతగడ్డపై చెలరేగే అవకాశం ఉంటుంది’’ అని వెల్లడించాడు. బెంగళూరు టీమ్‌లో ఏబీ డివిలియర్స్ (దక్షిణాఫ్రికా), అరోన్ ఫించ్ (ఆస్ట్రేలియా), క్రిస్ మోరీస్ (దక్షిణాఫ్రికా), కేన్ రిచర్డ్‌సన్ (ఆస్ట్రేలియా), డేల్ స్టెయిన్ (దక్షిణాఫ్రికా) రూపంలో మెయిన్ విదేశీ క్రికెటర్లు ఉన్నారు.



Source link

Leave a Reply

Your email address will not be published. Required fields are marked *