IPL 2020 winner: ఐపీఎల్ 2020 విజేత మళ్లీ ఆ జట్టే.. CSKకి షాకిచ్చిన శ్రీశాంత్ – former india pacer s sreesanth predicts winner of ipl 2020


భారత వివాదాస్పద ఫాస్ట్ బౌలర్ శ్రీశాంత్ వరుస ఇంటర్వ్యూలతో ఈ లాక్‌డౌన్‌ వేళ బిజీగా గడుపుతున్నాడు. భారత క్రికెట్‌ గురించి గత కొన్ని రోజులుగా ఆసక్తికరమైన విషయాల్ని అభిమానులతో పంచుకుంటున్న శ్రీశాంత్.. తాజాగా ఐపీఎల్ 2020 సీజన్‌లో విజేతగా నిలిచే జట్టు ఏదో అంచనా వేశాడు. ఈ క్రమంలో ధోనీ కెప్టెన్సీలోని చెన్నై సూపర్ కింగ్స్‌కి షాకిచ్చిన ఈ వెటరన్ పేసర్.. విరాట్ కోహ్లీ నాయకత్వంలోని రాయల్ ఛాలెంజర్స్ బెంగళూరు టీమ్‌లో ఉత్సాహం నింపాడు.

Read More: ధోనీ ఇంకా ఏం సాధించాలి..? రీఎంట్రీ అవసరం లేదు: మాజీ కీపర్

హలో యాప్‌ లైవ్ సెషన్‌లో తాజాగా శ్రీశాంత్.. ఐపీఎల్ 2020 విజేత, ప్లేఆఫ్‌కి చేరే నాలుగు జట్లు ఏవో అంచనా వేశాడు. ఈ ఏడాది అక్టోబరు – నవంబరులో ఆస్ట్రేలియా వేదికగా జరగాల్సిన టీ20 వరల్డ్‌కప్ కరోనా వైరస్ కారణంగా 2022కి వాయిదాపడే సూచనలు కనిపిస్తుండగా.. ఆ విండోలో ఐపీఎల్ 2020 సీజన్‌ని నిర్వహించాలని బీసీసీఐ భావిస్తోంది. దాంతో.. ఇప్పటి నుంచే ఐపీఎల్ విజేత, ప్లేఆఫ్ గురించి చర్చలు మొదలైపోయాయి.

Read More: ఐపీఎల్‌లో రోహిత్ శర్మ ఆ తత్వంతోనే ఎదిగాడు: వీవీఎస్

2019 ఐపీఎల్ సీజన్‌లో విజేతగా నిలిచిన రోహిత్ శర్మ కెప్టెన్సీలోని ముంబయి ఇండియన్స్ టీమ్ ఈ ఏడాది కూడా టైటిల్ గెలుస్తుందని జోస్యం చెప్పిన శ్రీశాంత్.. ప్లేఆఫ్‌కి చేరే నాలుగు జట్లలో బెంగళూరు కూడా ఉంటుందని వెల్లడించాడు. వాస్తవానికి 2016లో ఆఖరిగా ప్లేఆఫ్ ఆడిన బెంగళూరు ఆ తర్వాత 2017, 2019లో పాయింట్ల పట్టికలో అట్టడుగు స్థానంలో నిలిచింది. 2018లో మాత్రం ఆరో స్థానంతో సరిపెట్టింది. అయినప్పటికీ.. ఐపీఎల్ 2020 సీజన్‌ ప్లేఆఫ్‌కి బెంగళూరు చేరుతుందని అంచనా వేసిన శ్రీశాంత్.. ముంబయి, చెన్నై, సన్‌రైజర్స్ హైదరాబాద్ మిగిలిన మూడు జట్లని వెల్లడించాడు.



Source link

Leave a Reply

Your email address will not be published. Required fields are marked *