IPL Points Table: కోల్‌కతాకు షాకిచ్చిన పంజాబ్



కోల్‌కతా నైట్ రైడర్స్‌పై విజయం సాధించిన కింగ్స్ ఎలెవన్ పంజాబ్.. పాయింట్ల పట్టికలో నాలుగో స్థానానికి చేరుకుంది. ఇరు జట్లు 12 మ్యాచ్‌లు ఆడి ఆరు విజయాలు సాధించినప్పటికీ.. నెట్ రన్ రేట్ అంతరంతో కోల్‌కతాను పంజాబ్ ఐదో స్థానానికి నెట్టింది. ఈ సీజన్లో ఓ దశలో పాయింట్ల పట్టికలో అట్టడుగున నిలిచిన పంజాబ్.. వరుసగా ఐదు మ్యాచ్‌ల్లో గెలుపొంది తొలిసారిగా పాయింట్ల పట్టికలో నాలుగో స్థానానికి చేరుకుంది.

ప్లేఆఫ్ రేసులో నాలుగో స్థానం కోసం జరుగుతున్న పోరులో ఇప్పటి వరకూ కోల్‌కతా ముందుండగా.. సోమవారం షార్జాలో జరిగిన మ్యాచ్‌లో గెలుపొందడం ద్వారా పంజాబ్ ప్లేఆఫ్ రేసులో ముందుకెళ్లింది.

పాయింట్ల పట్టికలో ముంబై ఇండియన్స్ అగ్రస్థానంలో ఉండగా.. ఢిల్లీ క్యాపిటల్స్, రాయల్ ఛాలెంజర్స్ బెంగళూరు వరుసగా రెండు, మూడు స్థానాల్లో ఉన్నాయి. పది పాయింట్లతో రాజస్థాన్ రాయల్స్ ఆరో స్థానంలో ఉండగా.. సన్‌రైజర్స్ ఏడో స్థానంలో, చెన్నై సూపర్ కింగ్స్ 8వ స్థానంలో ఉన్నాయి.

ఇక ఆటగాళ్ల వ్యక్తిగత ప్రదర్శన విషయానికి వస్తే.. 12 మ్యాచ్‌ల్లో 595 రన్స్ చేసిన కేఎల్ రాహుల్ ఆరెంజ్ క్యాప్ హోల్డర్‌గా ఉండగా.. శిఖర్ ధావన్ (471), విరాట్ కోహ్లి (415) తర్వాతి స్థానాల్లో ఉన్నారు.

11 మ్యాచ్‌ల్లో 23 వికెట్లు తీసిన ఢిల్లీ పేసర్ కగిసో రబాడ పర్పుల్ క్యాప్ హోల్డర్‌గా ఉండగా.. 12 మ్యాచ్‌‌ల్లో 20 వికెట్లు తీసిన షమీ రెండో స్థానానికి ఎగబాకాడు. 17 వికెట్లతో ఆర్చర్, బుమ్రా తర్వాతి స్థానాల్లో ఉన్నారు.



Source link

Leave a Reply

Your email address will not be published. Required fields are marked *