ipl updated points table: IPL Points Table: అగ్రస్థానంలో ఢిల్లీ.. ఆశల పల్లకిలో సన్‌రైజర్స్! – ipl 2020 updated points table, orange cap and purple cap holders after dc vs csk match


ఐపీఎల్ 2020 పాయింట్ల పట్టికలో ఢిల్లీ క్యాపిటల్స్ మళ్లీ అగ్రస్థానానికి చేరుకుంది. 9 మ్యాచ్‌ల్లో ఏడు విజయాలు సాధించిన ఢిల్లీ.. 14 పాయింట్లతో తొలి స్థానానికి చేరుకుంది. చెన్నైతో జరిగిన మ్యాచ్‌లో 5 వికెట్ల తేడాతో గెలుపొందిన క్యాపిటల్స్.. ముంబైను వెనక్కి నెట్టింది. 10 పది పాయింట్లతో రెండోస్థానంలో ఉన్న ముంబై ఇండియన్స్ ఆదివారం సాయంత్రం కింగ్స్ ఎలెవన్ పంజాబ్‌తో తలపడనుంది. రాజస్థాన్ రాయల్స్‌పై థ్రిల్లింగ్ విక్టరీ సొంతం చేసుకున్న బెంగళూరు 12 పాయింట్లతో మూడోస్థానంలో నిలిచింది.

8 మ్యాచ్‌ల్లో 4 విజయాలతో 8 పాయింట్లు సాధించిన కోల్‌కతా నైట్ రైడర్స్ నాలుగో స్థానంలో ఉండగా.. ఆరు పాయింట్లతో సన్‌రైజర్స్, చెన్నై సూపర్ కింగ్స్, రాజస్థాన్ రాయల్స్ వరుసగా ఐదు, ఆరు, ఏడు స్థానాల్లో ఉన్నాయి. కింగ్స్ ఎలెవన్ పంజాబ్ 4 పాయింట్లతో చివరి స్థానంలో ఉంది.

నేటి మధ్యాహ్నం (అక్టోబర్ 18) సన్‌రైజర్స్ హైదరాద్, కోల్‌కతా నైట్ రైడర్స్ మధ్య కీలక మ్యాచ్ జరగనుంది. ఈ మ్యాచ్‌లో గెలిస్తే.. సన్‌రైజర్స్ పాయింట్ల పట్టికలో నాలుగో స్థానానికి చేరుకుంటుంది. కోల్‌కతా గెలిస్తే పాయింట్ల పట్టికలో పెద్ద మార్పేమీ ఉండదు.

ఇక నేటి రాత్రి ముంబై, పంజాబ్ మధ్య జరిగే మ్యాచ్‌లో ముంబై గెలిస్తే.. పాయింట్ల పట్టికలో అగ్రస్థానం మళ్లీ చేతులు మారుతుంది. ఒకవేళ పంజాబ్ గెలిస్తే మాత్రం.. రాజస్థాన్ 8వ స్థానానికి పడిపోతుంది.

8 మ్యాచ్‌ల్లో 448 రన్స్ చేసిన కేఎల్ రాహుల్ ఆరెంజ్ క్యాప్ హోల్డర్‌గా ఉండగా.. మయాంక్ అగర్వాల్ (382 రన్స్), డుప్లెసిస్ (365), శిఖర్ ధావన్ (359), విరాట్ కోహ్లి (347) తర్వాతి స్థానాల్లో ఉన్నారు.

9 మ్యాచ్‌ల్లో 19 వికెట్లు తీసిన కగిసో రబాడ.. పర్పుల్ క్యాప్ హోల్డర్‌గా ఉన్నాడు. యుజువేంద్ర చాహల్ (13) రెండో స్థానంలో ఉన్నాడు. ఆర్చర్, బుమ్రా, నోర్జే, బౌల్ట్, షమీ 12 వికెట్ల చొప్పున పడగొట్టారు.



Source link

Leave a Reply

Your email address will not be published. Required fields are marked *