Ishant Sharma : ఇషాంత్ శర్మ 4, 6.. జడేజాకి ధోనీ చివాట్లు – csk skipper ms dhoni abused jadeja after i hit him for a 6 and 4 says ishant sharma


మైదానంలో సాధారణంగా ధోనీ ఎవరిపైనా స్లెడ్జింగ్‌కి దిగడు. కానీ.. ఐపీఎల్ 2019 సీజన్‌లో భారత ఫాస్ట్ బౌలర్ ఇషాంత్ శర్మ బ్యాటింగ్ గురించి ధోనీ నోరుజారినట్లు తాజాగా వెలుగులోకి వచ్చింది. ఢిల్లీ క్యాపిటల్స్ టీమ్ తరఫున ఇషాంత్ శర్మ ఆడుతున్న సమయంలో వికెట్ల వెనుక నుంచి ధోనీ.. నీకు సిక్స్ కొట్టే పవర్‌ లేదంటూ స్లెడ్జింగ్‌కి దిగాడట. ఈ విషయాన్ని ఓ యూట్యూబ్ ఛానల్‌తో మాట్లాడుతూ ఇషాంత్ శర్మ వెల్లడించాడు.


Read More:
ధోనీ హేళనతోనే ఆ రేసు మొదలైంది: బ్రావో

‘‘చెన్నై సూపర్ కింగ్స్, ఢిల్లీ క్యాపిటల్స్ మధ్య జరిగిన ఐపీఎల్ మ్యాచ్‌లో ధోనీ నాతో కామెడీ చేసే ప్రయత్నం చేశాడు. నీకు సిక్స్ కొట్టే సామర్థ్యం లేదంటూ వికెట్ల వెనుక నుంచి ఎద్దేవా చేశాడు. అదే సమయంలో స్పిన్నర్ రవీంద్ర జడేజా బౌలింగ్‌కి‌రాగా.. నేను వరుసగా 4, 6 కొట్టేశాను. సిక్స్ బాదిన తర్వాత ధోనీ వైపు చూడగా.. అతను రవీంద్ర జడేజాకి చివాట్లు పెడుతూ కనిపించాడు’’ అని ఇషాంత్ శర్మ వెల్లడించాడు. మార్చి 29 నుంచి ప్రారంభంకావాల్సిన ఐపీఎల్ 2020 సీజన్.. కరోనా వైరస్ కారణంగా నిరవధికంగా వాయిదాపడింది.

Read More:
జీవాతో బైక్‌పై ధోనీ చక్కర్లు.. వీడియో వైరల్

భారత టెస్టు జట్టులో అగ్రశ్రేణి బౌలర్‌గా కొనసాగుతున్న ఇషాంత్ శర్మ.. వన్డే, టీ20ల్లో మాత్రం ఆశించిన మేర రాణించలేకపోతున్నాడు. దీంతో ఐపీఎల్‌లోనూ అతని ప్రదర్శనపై గత ఏడాది ఐపీఎల్‌లో పెద్దగా అంచనాల్లేవు. అయితే.. వేగంతో పాటు కచ్చితత్వంతో ఆకట్టుకున్న ఇషాంత్.. ఢిల్లీ క్యాపిటల్స్ టీమ్‌లో రెగ్యులర్‌ బౌలర్‌గా కొనసాగాడు.





Source link

Leave a Reply

Your email address will not be published. Required fields are marked *