Jacinda Ardern: జెసిండాకు జై కొట్టిన న్యూజిలాండ్: కరోనా కట్టడిలో సక్సెస్.. ఎన్నికల్లో బ్రహ్మరథం – new zealand elections: jacinda ardern landslide victory second time as prime minister after crushing covid 19


న్యూజిలాండ్ ప్రధాన మంత్రి జెసిండా ఆర్డెర్న్ (40) రెండోసారి విజయ దుందుభి ఎగుర వేశారు. న్యూజిలాండ్ సార్వత్రిక ఎన్నికలలో ఆమె ఘన విజయం సాధించారు. కరోనాను విజయవంతంగా అరికట్టడంలో ఆమె చేసిన కృషి, సమర్ధవంతమైన పాలన ఆమెకు అఖండ విజయాన్ని సాధించి పెట్టినట్లు తెలుస్తోంది. ఈ నెల 17న జరిగిన ఎన్నికల్లో ప్రస్తుతం న్యూజిలాండ్‌లో అధికారంలో ఉన్న లేబర్ పార్టీ ఘన విజయం సాధించింది. దేశవ్యాప్తంగా 83.7 శాతం ఓట్లు పోలవగా.. 49 శాతం ఓట్లను దక్కించుకుని ఎన్నికల్లో లేబర్ పార్టీ విజయ ఢంకా మోగించింది. ప్రతిపక్ష నేషనల్ పార్టీ కేవలం 27 శాతం ఓట్లను మాత్రమే పొందింది.

దేశంలోని ఏకసభ్య పార్లమెంటులో 120 స్థానాల్లో అధికార లేబర్ పార్టీ మెజారిటీ స్థానాల్లో దూసుకుపోతోంది. సగానికి పైగా సీట్లు గెలిస్తే, లేబర్ పార్టీ తొలి సింగిల్ పార్టీ ప్రభుత్వాన్ని ఏర్పాటు చేసిన చరిత్ర సృష్టించబోతోంది. ఈ తరుణంలో ప్రధాన ప్రతిపక్ష నేత జుడిత్ కాలిన్స్ తన ఓటమిని అంగీకరించారు. అలాగే రెండోసారి ప్రధాన మంత్రి కాబోతున్న ఆర్డెర్న్‌ను అభినందించారు.

విజయం అనంతరం ఆక్లాండ్‌లో తన మద్దతుదారులతో కలిసి జెసిండా మాట్లాడుతూ.. రాబోయే మూడేళ్లలో తాను చేయాల్సిన పని చాలా ఉందని వ్యాఖ్యానించారు. కరోనా మహమ్మారితో దెబ్బతిన్న ఆర్థిక వ్యవస్థ పునర్నిర్మాణం, సామాజిక అసమానతల పరిష్కారం తనముందున్న సవాళ్లని ఆమె పేర్కొన్నారు. గతంకంటే మరింత ఎక్కువ శ్రమించాల్సి ఉంటుందని, అయితే కరోనా సంక్షోభం నుంచి చాలా వేగంగా బయటపడతామన్న ధీమా వ్యక్తం చేశారు. కరోనా కట్టడిలో తమ ప్రభుత్వానికి ప్రజాభిప్రాయ సేకరణలాంటిదంటూ లేబర్ పార్టీ ఘన విజయంపై ఆర్థిక మంత్రి గ్రాంట్ రాబర్ట్‌సన్ సంతోషం వ్యక్తం చేశారు.

ఆర్డెర్న్ లేబర్ పార్టీ 49 శాతానికి పైగా ఓట్ షేర్ ను దక్కించుకుంది.1930 తరువాత ఇదే అతిపెద్ద ఓట్ షేర్ అని భావిస్తున్నారు. మరోవైపు ప్రతిపక్ష నేషనల్ పార్టీ 27 శాతానికి పరిమితమైంది. జెసిండా ప్రజాదరణ, మానియాకు ఇది నిదర్శనమని పొలిటికల్ వెబ్‌సైట్ డెమోక్రసీ ప్రాజెక్ట్ విశ్లేషకుడు జెఫ్రీ మిల్లెర్ వ్యాఖ్యానించారు. ఆమె సూపర్ స్టార్ బ్రాండ్‌కు లభించిన వ్యక్తిగత విజయమని పేర్కొన్నారు. వెల్లింగ్టన్ విక్టోరియా విశ్వవిద్యాలయానికి చెందిన రాజకీయ వ్యాఖ్యాత బ్రైస్ ఎడ్వర్డ్స్ మాట్లాడుతూ, 80 సంవత్సరాలలో న్యూజిలాండ్ ఎన్నికల చరిత్రలో ఇదే అతిపెద్ద విజయమని వ్యాఖ్యానించారు.



Source link

Leave a Reply

Your email address will not be published. Required fields are marked *