jackfruit cutting: పనసకాయ మంచిదో కాదో ఎలా తెలుసుకోవాలి.. ఎలా కట్ చేయాలంటే.. – how to pick and open jackfruit know here tips in telugu


మీకు పనసకాయ లేదా జాక్‌ఫ్రూట్ అంటే ఇష్టమా? సాధారణంగా అన్ని కూరగాయల మార్కెట్లలో పనసకాయ లభిస్తుంది. దీనిని అనేక విధాలుగా తినొచ్చు. దీంతో అనేక రకాలైన వంటలను తయారు చేయొచ్చు. చాలామందికి దీంతో చేసే బిర్యానీ మాత్రమే రుచిగా ఉంటుంది అనుకుంటారు కానీ, కూర లేదా పచ్చడి చేసుకుని తిన్నా కూడా ఇది రుచిగానే ఉంటుంది. పచ్చి పనసకాయలో విటమిన్లు ఎ, సి, థియామిన్, రిబోఫ్లేవిన్, కాల్షియం, భాస్వరం, ఇనుము, సోడియం, జింక్ మరియు నియాసిన్ వంటి పోషకాలు ఇందులో సమృద్ధిగా ఉండటం వల్ల శరీరమంతా ఆరోగ్యంగా ఉండటానికి ఉపయోగపడుతుంది. పనసకాయలో విటమిన్ సి ఎక్కువగా ఉండటం వలన రోగ నిరోధక శక్తి పెరుగుతుంది. ఈ కాయను తినడం వలన అలసట తగ్గి మానసికఉల్లాసం కలుగుతుంది. ఇందులో పొటాషియం అధికంగా ఉంటుంది కాబట్టి ఇది తింటే అధిక రక్తపోటు తగ్గుతుంది. పనసకాయలో ఉండే యాంటీ ఆక్సిడెంట్లు మరియు ఫైటో న్యూట్రియెంట్స్‌ క్యాన్సర్ ను తగ్గించడానికి దోహదపడతాయి. పనసకాయలో ఫైబర్ మెండుగా ఉండటంతో జీర్ణశక్తిని ఇంప్రూవ్ చేస్తుంది. ఫైబర్ ఉన్నందువల్ల అల్సర్, అజీర్తి లాంటి ఆరోగ్య సమస్యలను కూడా తగ్గిస్తుంది.

Also Read : ప్రాణాయామం చేస్తే ఎన్ని ప్రయోజనాలంటే..

పనసకాయపైకి ముళ్లతో లోపల తొనలతో ఉండే పనసకాయ చాలా ఆరోగ్య ప్రయోజనాలతో నిండి ఉంటుంది. అయినప్పటికీ, చాలా మంది ఉన్నవాటిల్లో మంచి పనసకాయ ఏదో తెలుసుకోవడానికి, వండటానికి కట్ చేసేందుకు చాలా ఇబ్బంది పడతారు. మీరు పనసకాయను కొనేటప్పుడు, కత్తిరించేటప్పుడు గుర్తుంచుకోవలసిన కొన్ని టిప్స్ ఇక్కడ ఉన్నాయి.

ఎలా కొనాలి?

* పనసకాయ యొక్క చర్మాన్ని మీ చేతులతో సున్నితంగా నొక్కండి. కాయ పండినట్లయితే, దాని చర్మం మెత్తగా ఉంటుంది.

* అది పండిందో లేదో తెలుసుకోవడానికి మరో మార్గం దానిపై సున్నితంగా కొట్టడం. మీరు బోలు, తక్కువ శబ్దం వచ్చినట్లైతే, అది పండినది.

* మీరు కొన్న వెంటనే పనసకాయను వాడాలి అనుకోకపోతే ఆకుపచ్చ రంగులో ఉన్న కాయను ఎంచుకోండి. కొన్న తరువాత గది ఉష్ణోగ్రత వద్ద పనసకాయను ఉంచితే సహజంగా పండుతుంది.

Also Read : 10 నిమిషాలు 15 ఆసనాలు.. మరే ఎక్సర్‌సైజ్ అవసరం లేదట..

iStock-545117520

కట్ చేసేందుకు టిప్స్..

*పనసకాయను కట్ చేసినప్పుడు వచ్చే జిగురు కిచెన్ టేబుల్‌కి అంటుకోకుండా ఉండాలంటే ముందుగా, కిచెన్ టేబుల్ పై న్యూస్ పేపర్లను పరచాలి.

*కాయను కత్తిరించినప్పుడు వచ్చే జిగురు మన చేతులకు, చాకుకు అంటకుండా ఉండేందుకు చేతులు, చాకుకు అవ నూనెను అప్లై చేయాలి.

* మొదట పనసకాయ పైఅంచుని కత్తిరించాలి. కత్తిరించగానే వచ్చే జిగురును వెంటనే తుడిచివేయండి. అప్పుడు పండును నిలువుగా సమం చేయడానికి మరో అంచుని కత్తిరించండి.

* తరువాత పదునైన చాకును ఉపయోగించి పనసకాయ తొక్కను తొలగించండి. గోయిలా ప్రకారం, వంటగదిలో లేదా చెఫ్ వాడే చాకు కంటే బ్రెడ్ కట్ చేసే చాకు బాగా పనిచేస్తుంది.

* తొక్కంతా తీసివేసిన తరువాత మధ్యలో నుండి పనసకాయను రెండు భాగాలుగా కత్తిరించండి. తేలుపు రంగులో ఉండే జిగురును టిష్యూ తో శుభ్రం చేయండి.

* తరువాత దీన్ని మరింత చిన్న భాగాలుగా కత్తిరించండి. ఇలా కట్ చేసేటప్పుడు చేతులకు, చాకును ఆయిల్ అప్లై చేయడం మరిచిపోకండి.

* అందులోంచి ఒక ముక్కను తీసుకోండి. మృదువైన భాగాలను కట్ చేయండి. పనసకాయ లోపలి కండ తినడానికి పనికి రాదు కాబట్టి కట్ చేసి పారేయండి.

Also Read : రోజూ ఒక్కసారి ఈ జ్యూస్ తాగండి.. ఎన్ని బెనిఫిట్స్ ఉంటాయంటే..

* ఇంకా పనసకాయలో విత్తనాలను కూడా తొలగించండి.

* పెద్ద బీన్స్‌లా ఉండే విత్తనాలను ఉడికించి తినొచ్చు, వేయించుకొని తినవచ్చు.

* కట్ చేసిన పనసకాయ ముక్కలకు అన్ని వైపులా సరిపడినంత ఆయిల్ రాయాలి. ఆ తరువాత వాటిని న్యూస్ పేపర్ లో చుట్టి రిఫ్రిజిరేటర్‌లో స్టోర్ చేసుకోవచ్చు.

మీరు బాగా పండిన పనసకాయను కత్తిరిస్తుంటే, మీరు నేరుగా మృదువైన భాగాలను తీసి తినవచ్చు.



Source link

Leave a Reply

Your email address will not be published. Required fields are marked *