jagga reddy letter to kcr: జగ్గారెడ్డి కొత్త డిమాండ్లతో కేసీఆర్‌కు లేఖ.. నెరవేర్చకపోతే నిరాహార దీక్ష – jagga reddy writes letter to cm kcr on his new demands due to lockdown


సంగారెడ్డి ఎమ్మెల్యే జగ్గారెడ్డి పలు డిమాండ్లతో ముఖ్యమంత్రి కేసీఆర్‌కు లేఖ రాశారు. లాక్‌ డౌన్ వల్ల పేద, మధ్య తరగతి వర్గాల వారు అనేక ఇబ్బందులు పడుతున్నారని, వాళ్లందరికీ ప్రభుత్వం అండగా నిలవాలని డిమాండ్ చేశారు. లాక్ డౌన్‌తో కొన్ని పరిశ్రమలు కూడా మూసేయడం వల్ల కార్మికులు, యాజమాన్యాలు ఇబ్బందుల్లో ఉన్నట్లు గుర్తు చేశారు. తన డిమాండ్లపై ప్రభుత్వం ఈ నెల 9లోపు స్పందించకపోతే తన ఇంట్లో ఒక రోజు నిరాహార దీక్ష చేస్తానని లేఖలో పేర్కొన్నారు. కేసీఆర్‌కు బీజేపీతో రహస్య ఒప్పందం ఉందని అందుకే కేసీఆర్ కేంద్రాన్ని ప్రశ్నించడం లేదని విమర్శించారు.

జగ్గారెడ్డి డిమాండ్లివీ..
‘‘గ్రామీణ, పట్టణ ప్రాంతాల్లో ఇంటి పన్నును ఏడాది పాటు రద్దు చేయాలి. ప్రజలు కరెంటు బిల్లులు కట్టకుండా ఆరు నెలలపాటు రద్దు చేయాలి. నీటి బిల్లులను కూడా ఏడాది పాటు ప్రభుత్వం వసూలు చేయొద్దు. పట్టణాల్లో అద్దె ఇళ్లలో ఉంటున్న వారికి కనీసం 6 నెలల వరకు కిరాయి డబ్బు చెల్లించాలి. బ్యాంకు లోన్లకు సంబంధించి ప్రజలు ఈఎంఐ కట్టుకోలేని పరిస్థితుల్లో ఉన్నందున.. ఆరు నెలల పాటు ఆ ఈఎంఐలను ప్రభుత్వమే చెల్లించాలి. పరిశ్రమలకు కూడా కూడా 6 నెలల వరకు కరెంట్ బిల్లులను రద్దు చేయాలి’’ అని జగ్గారెడ్డి తాను సీఎం కేసీఆర్‌కు రాసిన లేఖలో పేర్కొ్న్నారు.



Source link

Leave a Reply

Your email address will not be published. Required fields are marked *