jammu kashmir encounter: 13 మంది ఉగ్రవాదుల హతం.. పాక్ బోర్డర్‌లో ఆర్మీ కీలక విజయం – 13 terrorists killed along loc at mendhar-poonch sector in jammu kashmir


మ్మూ కశ్మీర్‌లో భారత భద్రతా దళాలు కీలక విజయం సాధించాయి. భారత్‌లోకి చొచ్చుకు రావడానికి ప్రయత్నించిన 13 మంది ఉగ్రవాదులను మట్టుబెట్టాయి. ఉగ్రవాదులకు, భారత సైన్యానికి మధ్య భీకర పోరు కొనసాగుతున్నట్లు అధికారులు వెల్లడించారు. సోమవారం (జూన్ 1) నియంత్రణ రేఖ వెంబడి నౌషేరా సెక్టార్‌లో భారత్‌లోకి చొరబడేందుకు ప్రయత్నించిన ముగ్గురు ఉగ్రవాదులను హతమార్చిన భారత సైన్యం.. సాయంత్రానికి పూంచ్ సెక్టార్ వద్ద మరో 10 మందిని హతమార్చింది. దీంతో భద్రతా దళాల కాల్పుల్లో హతమైన ఉగ్రవాదుల సంఖ్య 13కు చేరింది.

ఉగ్రవాదులతో జరిగిన ఎదురుకాల్పుల్లో పలువురు భారత జవాన్లు కూడా గాయపడినట్లు అధికారులు తెలిపారు. వారిని సమీపంలోని ఆస్పత్రికి తరలించి చికిత్స అందిస్తున్నట్లు తెలిపారు.

పాక్ ఆక్రమిత కశ్మీర్‌ నుంచి ఉగ్రవాదులు భారత్‌లోకి ప్రవేశించే అవకాశం ఉందని ఇంటెలిజెన్స్ హెచ్చరించింది. దీంతో భద్రతా అధికారులు సరిహద్దు వెంట సెర్చ్‌ ఆపరేషన్‌ ముమ్మరం చేశారు. మే 28 నుంచి గాలింపు చర్యలు కొనసాగుతున్నాయని అధికారులు తెలిపారు. ఈ క్రమంలో సోమవారం ఉదయం కశ్మీర్‌లోకి అక్రమంగా చొరబడేందుకు ప్రయత్నిస్తున్న ఉగ్రవాదులపై సైన్యం తూటాల వర్షం కురిపించింది.

తాజాగా మెంధార్ – పూంచ్‌ సెక్టార్‌లో భద్రతా దళాలు సెర్చ్‌ ఆపరేషన్‌ నిర్వహిస్తుండగా.. ఉగ్రవాదులు తారసపడ్డారు. భద్రతా దళాలపైకి ఒక్కసారిగా కాల్పులకు దిగారు. భద్రతా బలగాల ఎదురుకాల్పుల్లో 10 మంది ముష్కరులు హతమయ్యారు. హతమైన ఉగ్రవాదుల వద్ద నుంచి అత్యాధునిక ఆయుధాలు స్వాధీనం చేసుకున్నట్లు సీనియర్ అధికారి ఒకరు తెలిపారు.

Watch:అమెరికా చరిత్రలో కనీవిని ఎరుగని నిరసన.. రహస్య బంకర్‌లోకి ట్రంప్



Source link

Leave a Reply

Your email address will not be published. Required fields are marked *