Jamuna Dance : 84 ఏళ్ల వయసులో ‘బాలను రా మదనా’ అంటూ జమన నృత్యం.. వారెవ్వా ‘మిస్సమ్మ’ – veteran actress jamuna imitating her dance in missamma movie


పసి పిల్లల్ని దేవుడితో పోల్చుతుంటారు.. వృద్దాప్యంలోకి వచ్చిన వాళ్లు కూడా చిన్న పిల్లల మాదిరే స్వేచ్ఛగా జీవిస్తుంటారు. ఆనందం వచ్చినా బాధ వచ్చినా వారు స్పందించే తీరు చిన్న పిల్లల్ని గుర్తు చేస్తుంటుంది. మనవడితో ఆడుకుంటూనే.. మనవరాలితో ముచ్చట్లు చెప్తూనే వాళ్లలాగే మారిపోతుంటారు. కొన్ని సందర్భాలో వాళ్ల చిన్ననాటి మధుర స్మృతులు, తీయని జ్ఞాపకాలు కదలాడే సరికి పరవశించిపోతుంటారు.. అలాంటి పరవశంతో నృత్యం చేస్తూ ఔరా అనిపిస్తోంది 84 ఏళ్ల సీనియర్ నటి జమున.


తాను నటించిన ఎవగ్రీన్ సినిమాలోని పాట వచ్చేసరికి చిన్న పిల్లగా మారిపోయింది జమున. ఎన్టీఆర్, నాగేశ్వరరావు, సావిత్రి, జమున కలిసి నటించిన ‘మిస్సమ్మ’ చిత్రం తాజాగా ఈటీవీలో ప్రసారం చేశారు. ఈ సినిమాను చూస్తున్న జమున.. ‘బాలను రా మదనా’ అంటూ నడుముపై చేతులు పెట్టుకుని అప్పట్లో తాను ఎలాగైతే నాట్యం చేసిందో అలాగే చేస్తూ అబ్బురపరిచారు. ఈ సినిమా వచ్చి దాదాపు 65 ఏళ్లు అయినప్పటికీ నాటి నాట్యాన్ని మళ్లీ గుర్తు చేసుకుని అనుకరించింది జమున. అప్పట్లోని తన డాన్స్‌పై తానే జోక్‌లు వేసుకుంటూ తెగ నవ్వించారు జమున. ఈ వీడియోను జమున కూతురు స్రవంతి సోషల్ మీడియలో పోస్ట్ చేయడంతో వైరల్ అవుతోంది.





Source link

Leave a Reply

Your email address will not be published. Required fields are marked *