Jan Dhan account : ఉచితంగానే బ్యాంక్ ఖాతా.. అకౌంట్ ఉన్నవారికి ఫ్రీగా రూ.1,500! – pradhan mantri jan dhan yojana: all you need to know about pmjdy


బ్యాంక్‌కు వెళ్లి సేవింగ్స్ ఖాతా తెరవాలంటే డబ్బులు చెల్లించాలి. అలాగే ఆ అకౌంట్‌లో మినిమమ్ బ్యాలెన్స్ కలిగి ఉండకపోవే చార్జీలు చెల్లించుకోవాలి. ఉద్యోగుల శాలరీ అకౌంట్‌కు మాత్రం ఇలాంటి షరతులు ఉండవు. శాలరీ అకౌంట్‌తోపాటు మరికొన్ని ఖాతాలకు కూడా ఇలాంటి బెనిఫిట్స్ ఉన్నాయి. ప్రధాన్ మంత్రి జన్ ధన్ యోజన (PMJDY) స్కీమ్ కింద తెరిచే జన్ ధన్ అకౌంట్‌కు కూడా మినిమమ్ బ్యాలెన్స్ రూల్స్ వర్తించవు.


అంతేకాకుండా జన్ ధన్ అకౌంట్ వల్ల పలు ప్రయోజనాలు కూడా పొందొచ్చు. ఈ అకౌంట్ జీరో బ్యాలెన్స్ అకౌంట్. అంటే ఉచితంగానే ఖాతా తెరవొచ్చు. ఇంకా ఈ అకౌంట్‌‌పై యాక్సిడెంట్ ఇన్సూరెన్స్, ఓవర్‌డ్రాఫ్ట్ ఫెసిలిటీ, చెక్ బుక్ వంటి ప్రయోజనాలు కూడా పొందొచ్చు.

Also Read: EPFO కొత్త రూల్స్.. ఇలా చేస్తే 3 రోజుల్లోనే అకౌంట్‌లోకి పీఎఫ్ డబ్బులు!

ఇంతటితో అయిపోలేదు. ఇప్పుడు కేంద్ర ప్రభుత్వం జన్ ధన్ అకౌంట్ కలిగిన వారికి మరో తీపికబురు అందించింది. నెలకు రూ.500 చొప్పున మూడు నెలలపాటు రూ.1,500 అందిస్తామని కేంద్ర ఆర్థిక మంత్రి నిర్మలా సీతారామన్ తెలిపారు. కాగా దేశంలోని జన్ ధన్ అకౌంట్లలో 53 శాతం ఖాతాలు మహిళల పేరుపైనే ఉన్నాయి.

Also Read: సుకన్య సమృద్ధి స్కీమ్: రోజుకు రూ.200తో చేతికి రూ.33 లక్షలు!

దేశంలోని ప్రతి ఒక్కరికీ బ్యాంకింగ్ సేవలను అందుబాటులోకి తీసుకురావాలనే లక్ష్యంతో మోదీ సర్కార్ ఈ జన్ ధన్ స్కీమ్‌ను ఆవిష్కరించింది. ఆధార్ కార్డ్, డ్రైవింగ్ లైసెన్స్, పాన్ కార్డు వంటి వాటితో బ్యాంక్‌కు వెళ్లి అకౌంట్ తెరవొచ్చు. జన్ ధన్ ఖాతా తెరిస్తే.. అకౌంట్ కలిగిన వారికి రూ.2 లక్షల ఉచిత ప్రమాదపు బీమా కవరేజ్ (యాక్సిడెంటల్ ఇన్సూరెన్స్ కవర్) లభిస్తుంది. అకౌంట్‌దారులు ప్రమాదవశాత్తు మరణిస్తే ఈ డబ్బులు నామినీకి వస్తాయి. అంతేకాకుండా ఖాతాదారులకు రూ.30,000 జీవిత బీమా కవరేజ్ (లైఫ్ కవర్) కూడా అందుతుంది.

Also Read: Bank కస్టమర్లకు హెచ్చరిక: ఏప్రిల్ 1 నుంచి ఆంధ్రా బ్యాంక్ సహా ఆ 5 బ్యాంకులు కనుమరుగు!

ఇంకా అకౌంట్‌దారులకు రూ.10,000 వరకు ఓవర్‌డ్రాఫ్ట్ ఫెసిలిటీ కూడా లభిస్తుంది. అయితే ఈ సౌకర్యం అందరికీ అందుబాటులో ఉండకపోవచ్చు. అకౌంట్ ప్రారంభించిన తర్వాత ఆరు నెలల వరకు అకౌంట్‌ను సక్రమంగా నిర్వహిస్తూ రావాలి. అంటే ట్రాన్సాక్షన్లు జరుపుతూ ఉండాలి. ఇలాంటి వారికే బ్యాంక్ ఓవర్ డ్రాఫ్ట్ ఫెసిలిటీ అందించే అవకాశముంది. ఒక ఇంట్లో ఒక అకౌంట్‌కు మాత్రమే ఈ సౌకర్యం లభిస్తుంది.





Source link

Leave a Reply

Your email address will not be published. Required fields are marked *