Jasprit Bumrah: వరల్డ్‌‌లో అతనే బెస్ట్ యార్కర్ బౌలర్: జస్‌ప్రీత్ బుమ్రా కితాబు – sri lanka pacer lasith malinga is the best yorker bowler in the world: jasprit bumrah


బ్యాట్స్‌మెన్ పాదాల వద్ద కచ్చితమైన యార్కర్లని సంధించడంలో భారత ఫాస్ట్ బౌలర్ జస్‌ప్రీత్ బుమ్రాకి తిరుగులేదు. కానీ.. క్రికెట్ ప్రపంచంలోనే అత్యుత్తమ యార్కర్ బౌలర్ శ్రీలంక పేసర్ లసిత్ మలింగా అని బుమ్రా తాజాగా కితాబిచ్చాడు. ఐపీఎల్‌లో ముంబయి ఇండియన్స్ తరఫున మలింగ, బుమ్రా కలిసి ఆడుతుండగా.. తన బౌలింగ్‌ మెరుగుకి మలింగ సాయపడ్డాడని ఇప్పటికే బుమ్రా చాలా సార్లు చెప్పుకొచ్చాడు.

ఐసీసీకి ఇచ్చిన ఇంటర్వ్యూలో యార్కర్ల గురించి జస్‌ప్రీత్ బుమ్రా మాట్లాడుతూ ‘‘ప్రపంచంలో అత్యుత్తమంగా యార్కర్లని సంధించగలిగే బౌలర్ లసిత్ మలింగ. సుదీర్ఘకాలంగా అతను యార్కర్ల విషయంలో సక్సెస్ అవుతున్నాడు’’ అని బుమ్రా వెల్లడించాడు. ఇక కరోనా వైరస్ కారణంగా ఐసీసీ నిబంధనల్ని మార్చడంపైనా బుమ్రా స్పందించాడు. ఇప్పటికే రూల్స్‌ బ్యాట్స్‌మెన్‌‌కి అనుకూలంగా ఉన్నాయని చెప్పుకొచ్చిన బుమ్రా.. బంతి మెరుపు కోసం చెమట లేదా లాలాజలాన్ని రుద్దకూడదనే కొత్త నిబంధనని వ్యతిరేకించాడు. కరోనా వైరస్ వ్యాప్తి నేపథ్యంలో.. మైదానంలో ఆటగాళ్లు కరచాలనం, హైఫైకి దూరంగా ఉండాలని వెల్లడించిన ఐసీసీ.. కనీసం 1.5 మీటర్లు దూరం మెయింటెన్ చేయాలని సూచించింది.

‘‘మైదానంలో హగ్, హైఫైకి నేను ఫస్ట్ నుంచి కాస్త దూరం. కాబట్టి.. ఆ నిబంధన మార్పుతో నాకేమీ ఇబ్బంది లేదు. కానీ.. బంతిపై లాలాజలాన్ని రుద్దకూడదనేది ఫాస్ట్ బౌలర్లపై ప్రభావం చూపుతుంది. స్టేడియాలు చిన్నవవుతున్నాయి.. వికెట్లు కూడా ఫ్లాట్‌గా మారిపోయాయి. దాంతో.. బౌలర్ వద్ద ఉన్న ఆయుధాలు స్వింగ్ లేదా రివర్స్ స్వింగ్. కానీ.. బంతిపై లాలాజలం రుద్దకపోతే.. మెరుపు కోల్పోయిన బంతి నుంచి బౌలర్ ఎలాంటి స్వింగ్ రాబట్టలేడు’’ అని బుమ్రా వెల్లడించాడు.



Source link

Leave a Reply

Your email address will not be published. Required fields are marked *