Jasprit Bumrah Vs Yuvraj Singh: యువీ కొంటే ప్ర‌శ్న‌ల‌కు బుమ్రా అద్దిరిపోయే రిప్లై – inidan pacer jasprit bumrah says choosing between yuvraj singh, ms dhoni is like picking between one’s parents


సోష‌ల్ మీడియా వేదిక ఇన్‌స్టాగ్రామ్‌లో త‌న‌ను క‌వ్వించే ప్ర‌శ్న‌లు అడిగిన మాజీ క్రికెట‌ర్ యువ‌రాజ్ సింగ్‌కు భార‌త పేస‌ర్ జ‌స్‌ప్రీత్ బుమ్రా ఆస‌క్తిక‌ర స‌మాధానాలిచ్చాడు. మాజీ కెప్టెన్ ఎంఎస్ ధోనీతో త‌న‌ను పోల్చి ఎవ‌రూ బెస్ట్ ఫినిష‌రో చెప్పాల‌ని క‌ఠిన‌మైన ప్ర‌శ్నను బుమ్రాకు యువీ సంధించాడు. దీనికి స‌మాధానంగా వీరిద్ద‌రిని పోల్చ‌డం త‌ల్లిదండ్రుల్లో ఎవరో ఒకరినే ఎంచుకోవాలని అ‌న్న‌ట్లుగా ఉంటుంద‌ని బుమ్రా స్మార్ట్ ఆన్స‌ర్ ఇచ్చాడు. ఇక భార‌త కెప్టెన్ విరాట్ కోహ్లీ, లెజెండ్ స‌చిన్ టెండూల్క‌ర్‌లలో ఎవ‌రూ బెస్ట్ బ్యాట్స్‌మ‌న్ అని యువీ మ‌రోసారి బుమ్రాను క‌వ్వించేలా ప్ర‌శ్నించాడు.


దానికి బుమ్రా అదిరిపోయే రిప్లై ఇచ్చాడు. ఈ ప్ర‌శ్న‌కు స‌మాధానం చెప్పేంత అనుభ‌వం లేద‌ని త‌ప్పించుకున్నాడు. ఇక త‌న విల‌క్ష‌ణ‌మైన బౌలింగ్ శైలి కారణంగా క్రికెట్‌లో ఎక్కువ‌కాలం కొన‌సాగ‌లేవ‌ని చాలామంది అనేవార‌ని గుర్తు చేసుకున్నాడు. మ‌రోవైపు ఒక‌ట్రెండు రంజీల‌కు మించి ఆడ‌లేవని త‌న‌ను నిరాశ‌ప‌ర్చేవార‌ని పేర్కొన్నాడు. ఈక్ర‌మంలో టీమిండియాకు ఎంపిక‌య్యే స‌వాలే లేద‌ని అనేవారని గుర్తు చేసుకున్నాడు.


మ‌రోవైపు బుమ్రాపై యువీ ప్ర‌శంస‌లు కురిపించాడు. ఎవ‌రేమ‌నుకున్నా మూడు ఫార్మాట్ల‌లో వ‌ర‌ల్డ్ నెం.1 అయ్యే సామ‌ర్థ్యం బుమ్రాలో ఉంద‌ని కితాబిచ్చాడు. ఇత‌రుల మాట‌ల‌ను ప‌ట్టించుకోకుండా, ల‌క్ష్యంపై దృష్టి పెడితే రెండేళ్ల‌లోనే బుమ్రా ఈ ఘ‌న‌త‌ను సాధించే అవ‌కాశ‌ముంద‌ని యువీ వ్యాఖ్యానించాడు. చివ‌రిసారిగా బుమ్రా.. న్యూజిలాండ్ టూర్‌లో భార‌త్ త‌ర‌పున బ‌రిలోకి దిగాడు. ‌



Source link

Leave a Reply

Your email address will not be published. Required fields are marked *