Jayanthi Health: అలనాటి నటి జయంతికి అస్వస్థత.. వెంటిలేటర్‌పై చికిత్స – veteran actress jayanthi hospitalized in bengaluru


అలనాటి నటి జయంతి అస్వస్థతకు గురయ్యారు. ఆమెకు శ్వాస సంబంధిత ఇబ్బందులు రావడంతో కుటుంబ సభ్యులు మంగళవారం బెంగూళూరులోని ఓ ప్రైవేటు హాస్పిటల్‌లో చేర్పించారు. ఆమె ఆస్తమాతో బాధపడుతున్నట్టు ఆమెకు చికిత్స అందిస్తోన్న డాక్టర్ సతీష్ వెల్లడించారు. ప్రస్తుతం జయంతి ఆరోగ్య పరిస్థితి నిలకడగా ఉన్నట్టు ఆమె కుమారుడు కృష్ణ కుమార్ వెల్లడించారు. చికిత్సకు ఆమె స్పందిస్తున్నారని అన్నారు. తన తల్లికి కరోనా పరీక్ష కూడా చేయించామని, రిపోర్ట్ నెగిటివ్ వచ్చిందని చెప్పారు. అయితే, జయంతికి ప్రస్తుతం వెంటిలేటర్‌పై చికిత్స అందిస్తున్నట్టు సమాచారం.

జయంతి 2018లో కూడా ఇలానే అస్వస్థతకు గురై హాస్పిటల్‌లో చేరారు. అప్పట్లో జయంతి ఆరోగ్యంపై రకరకాల పుకార్లు వచ్చాయి. కానీ, రెండేళ్ల పాటు ఆమె ఆరోగ్యవంతమైన జీవితాన్ని గడిపారు. అయితే, మార్చిలో తన కుటుంబ సభ్యులతో కలిసి స్వస్థలం బళ్లారి జిల్లాలోని హంపి వెళ్లిన జయంతి.. లాక్‌డౌన్ కారణంగా అక్కడే ఇరుక్కుపోయారు. అయితే, ఏప్రిల్‌లో ఆమె పోలీసుల అనుమతితో బెంగళూరు చేరుకున్నారు. లాక్‌డౌన్ సమయంలో ఆమె తన పాత మిత్రులు బి.సరోజాదేవి, తార, హేమా చౌదరి తదితరులు కలుసుకున్నారు.

Also Read:హాస్పిటల్‌లో చేరిన నిర్మాత రాక్‌లైన్ వెంకటేష్.. కరోనా సోకిందా?

కాగా, ప్రస్తుతం జయంతి వయసు 75 సంవత్సరాలు. తెలుగు, తమిళం, కన్నడ, మలయాళం, హిందీ, మరాఠీ భాషల్లో 500కు పైగా చిత్రాల్లో జయంతి నటించారు. తెలుగులో హీరోయిన్‌గా, క్యారెక్టర్ ఆర్టిస్టుగా తనకంటూ ప్రత్యేక గుర్తింపు సంపాదించుకున్నారు. ‘పెదరాయుడు’ సినిమాలో రజినీకాంత్‌కు చెల్లెలుగా, మోహన్‌బాబుకు అత్తయ్యగా జయంతి నటించారు. ఈ సినిమాలో ఆమె పాత్రను తెలుగు ప్రేక్షకులు మరిచిపోలేరు. జయంతి కన్నడలో అత్యధిక సినిమాలు చేశారు. కన్నడ సూపర్ స్టార్ డాక్టర్ రాజ్‌కుమార్‌తో సుమారు 30 సినిమాల్లో ఆమె నటించారు. కన్నడ చిత్ర పరిశ్రమ జయంతిని ‘అభినయ శారద’ బిరుదుతో సత్కరించింది.



Source link

Leave a Reply

Your email address will not be published. Required fields are marked *