jio mart in telangana: తెలుగు రాష్ట్రాల్లో జియో మార్ట్ సేవలు.. 30 నగరాల్లో ప్రయోగాత్మకంగా.. – jio mart services starts in 30 cities of telangana and ap


దిగ్గజ టెలీకామ్ సంస్థ రిలయన్స్ జియోజియో మార్ట్’ పేరుతో నిర్వహించే సేవలను తెలుగు రాష్ట్రాల్లోనూ ప్రవేశపెట్టింది. దీంతో తెలంగాణ, ఆంధ్రప్రదేశ్‌ రాష్ట్రాల్లోని ప్రజలు కిరాణా వస్తువులను ఆన్‌లైన్‌లో సులువుగా కొనుగోలు చేసే సౌకర్యం అందుబాటులోకి వచ్చినట్లయింది. ఇరు రాష్ట్రాల్లోని మొత్తం 30 పట్టణాలు, నగరాల్లో ప్రయోగాత్మకంగా ఈ సేవలను ప్రవేశపెట్టినట్లుగా రిలయన్స్‌ రిటైల్‌ సంస్థ ఓ ప్రకటన విడుదల చేసింది. వినియోగదారులు జియోమార్ట్‌ వెబ్‌సైట్‌ ద్వారా తమకు కావసిన వస్తువులను ఆర్డర్‌ చేయవచ్చు. అన్ని రకాల నిత్యావసరాలు సహా పళ్లు, కూరగాయలు, కూల్ డ్రింకులు ఇతర సామగ్రిని మార్ట్‌లో అందుబాటులో ఉంచినట్లు సంస్థ వెల్లడించింది. ఎంఆర్పీ కంటే తాము కనీసం 5 శాతం రాయితీ కూడా ఇస్తామని తెలియజేసింది.

Don’t Miss: కేటీఆర్ లగ్జరీ ఫాంహౌస్! చూస్తే మైండ్ బ్లాంక్ కావాల్సిందే.. డ్రోన్ విజువల్స్

జియో మార్ట్ ఏర్పాటు చేసిన ఈ-కార్నర్ స్టోర్ వ్యవస్థ ద్వారా ప్రజలకు తమకు అవసరమైన ఆహార, ఆహారేతర వస్తువులను పొందవచ్చు. పండ్లు, కూరగాయలు, నూనెలు, పప్పులు లాంటి బ్రాండెడ్ ప్యాకేజ్డ్ ఫుడ్స్, పానీయాలు, అంట్లు శుభ్రం చేసుకునేవి లాంటి మరింకెన్నో విభాగాలకు చెందిన వాటిని వినియోగదారులు పొందవచ్చు.

రెండు రోజుల్లో డెలివరీకి జియో వాగ్దానం చేసినప్పటికీ, ఎన్నో ఆర్డర్లు చెప్పిన సమయం కన్నా ముందే డెలివరీ చేస్తున్నట్లుగా తెలుస్తోంది. జియో మార్ట్ సేవల ద్వారా చిరు వ్యాపారులు, కిరాణా స్టోర్స్‌ను వినియోగదారులను అనుసంధానం చేస్తారు. ఇంటికి దగ్గర్లోనే ఉండే అతి చిన్న కిరాణా దుకాణాలను సైతం భవిష్యత్తులో డిజిటైజ్డ్ స్టోర్లుగా మార్చడంలో ఇది తోడ్పడనుంది. దేశవ్యాప్తంగా 200 నగరాలు, పట్టణాల్లో జియోమార్ట్ సేవలు ప్రస్తుతం ప్రయోగాత్మకంగా అందుబాటులో ఉన్నాయి. మరిన్ని నగరాలు, పట్టణాలను క్రమంగా జోడిస్తున్నారు.

Don’t Miss: కేటీఆర్ లగ్జరీ ఫాంహౌస్! చూస్తే మైండ్ బ్లాంక్ కావాల్సిందే.. డ్రోన్ విజువల్స్



Source link

Leave a Reply

Your email address will not be published. Required fields are marked *