job interview: రిసెప్షనిస్ట్ అనుకున్నాడు, కానీ ఆమె హైరింగ్ మేనేజర్.. 5 నిమిషాల్లో ఉద్యోగం ఫట్! – job seeker gets rejected in interview within 5 minutes after failing trick test, reddit post goes viral


దువు పూర్తయిన వెంటనే మంచి ఉద్యోగం సంపాదించాలనేది సగటు పౌరుని కల. ఆ కల కోసం తీవ్రంగా శ్రమిస్తారు. అయితే.. ఆయా ఉద్యోగాల్లోకి మంచి వ్యక్తులను తీసుకోవాలని కంపెనీలు కూడా అదే స్థాయిలో కసరత్తు చేస్తాయి. మారుతున్న పోటీ ప్రపంచంలో నియామక ప్రక్రియలోనూ సరికొత్త మార్పులు వస్తున్నాయి. కొన్ని సంస్థలైలు నైపుణ్యాల కంటే అభ్యర్థి ప్రవర్తనా విధానానికే ప్రాధాన్యం ఇస్తున్నాయి. ఉద్యోగార్థుల సామర్థ్యాలను, ప్రవర్తను తెలుసుకోవడానికి కొత్త కొత్త టెస్టులు చేస్తున్నాయి.

సోషల్ మీడియా ప్లాట్‌ఫామ్ Reddit లో ఇటీవల ఓ యూజర్ ఓ పోస్టు పెట్టారు. ఉద్యోగం కోసం వచ్చిన ఓ వ్యక్తి కేవలం 5 నిమిషాల్లోనే ఆ అవకాశాన్ని ఎలా కోల్పోయాడో ఆ పోస్టులో వివరించాడు. ప్రస్తుతం ఆ పోస్టు వైరల్‌గా మారింది. ఎందుకంటే.. ఉద్యోగాల కోసం ప్రయత్నించే వారికి అది విలువైన పాఠం చెబుతోంది.

ఇంటర్వ్యూలో ఏం జరిగింది?
ఓ కంపెనీ ఇచ్చిన జాబ్ ఇంటర్వ్యూ కాల్ అందుకొని ఓ వ్యక్తి ఆ కంపెనీ కార్యాలయం ఉన్న బిల్డింగ్‌కు వచ్చాడు. వచ్చీ రాగానే రిసెప్షన్ చైర్‌లో ఉన్న ఓ మహిళ అతడిని నవ్వుతూ పలకరించింది. అతడికి ఏదైనా సాయం కావాలా అని కనుక్కునే ప్రయత్నం చేసింది. కానీ, ఇంటర్వ్యూ కోసం వచ్చిన వ్యక్తి అవేమీ పట్టించుకోకుండా నేరుగా వెళ్లి రిసెప్షన్ హాల్‌లోని ఓ కుర్చీలో కూర్చొన్నాడు. తన సమయం కోసం వేచి చూస్తూ అక్కడే ఉన్నాడు.

ఇంతలో రిసెప్షనిస్ట్ మరోసారి అతడి వైపు చూసింది. చిరునవ్వుతోనే పలకరించింది. ఎలాంటి సాయం కావాలన్నా.. అతడు తనతో నిర్మొహమాటంగా మాట్లాడవచ్చని కళ్లతోనే స్పష్టం చేసింది. కానీ, అతడు అవేమీ పట్టించుకోలేదు. ఉన్నత ఉద్యోగం కోసం వచ్చిన తనకు ఆ రిసెప్షనిస్ట్‌తో పనేంటీ అన్నట్లు అతడు బిహేవ్ చేశాడు. ఒకింత గర్వం ప్రదర్శించాడు.

ఇంతలో అతడికి హైరింగ్ మేజేజర్ నుంచి పిలుపు వచ్చింది. నేరుగా హెచ్‌ఆర్ ఇంటర్వ్యూకు పిలుపు రావడంతో ఒకింత సంతోషంతో ఆ గది వైపు అడుగులు వేశాడు. చాలా మర్యాదపూర్వకంగా ఆ గది తలుపు తట్టాడు. లోపలికెళ్లి చూసి షాక్ తిన్నాడు. ఎందుకంటే.. ఇందాక రిసెప్షనిస్ట్‌ చైర్‌లో కూర్చున్న మహిళే ఆ హైరింగ్ మేనేజర్ సీట్లో ఉన్నారు.

ఆమె హైరింగ్ మేనేజర్ అని తెలియగానే సదరు వ్యక్తి ప్రవర్తనా తీరు ఒక్కసారిగా మారిపోయింది. ఆమెతో ఎక్కడా లేని మర్యాద, వినయం ప్రదర్శించాడు. అతడు మనసులో ఆందోళన పడుతుండగానే ఆమె మాట్లాడటం ప్రారంభించారు.

interview tips

ఇంటర్వ్యూలో ఎలా ప్రవర్తించాలి?

‘మా సంస్థలో ప్రతి స్థానంలో పనిచేసే వారు ఎంతో విలువైన వ్యక్తులు. గౌరవించడానికి తగినవారు. ఈ భవనంలో ఉన్నవారందరితో మంచిగా ప్రవర్తించడానికి ప్రయత్నించండి. ఈ ఇంటర్వ్యూ కోసం సమయం వెచ్చించినందుకు మీకు ధన్యవాదాలు. మీ ఇంటర్వ్యూ ఇక ముగిసింది’ అని ఆ మహిళా ఉద్యోగి చెప్పారు. రిసెప్షనిస్ట్ చైర్‌లో కూర్చున్నప్పుడు ఎంత హుందాగా, గౌరవంగా మాట్లాడారో.. అంతే గౌరవంగా ఆ మాటలు చెప్పారు. అది వినగానే మనోడికి విషయం పూర్తిగా అర్థమైంది.

ఉద్యోగం కాదు, వ్యక్తిత్వం కోల్పోయాడు..
ఉద్యోగాన్వేషణలో తాను కోల్పోయిన వ్యక్తిత్వాన్ని వెతుక్కుంటూ ఆ అభ్యర్థి మెల్లిగా అక్కడ నుంచి వెళ్లిపోయాడు. ఆ భవనంలో అడుగుపెట్టిన 5 నిమిషాల్లోనే అతడి ఇంటర్వ్యూ ముగిసింది. ఇంటర్వ్యూ ఫెయిలైనా.. ఉద్యోగానికి, జీవితానికి కావాల్సిన విలువైన పాఠాలను నేర్పింది.

u/sawta2112 అనే పేరుతో ఉన్న రెడిట్ యూజర్ తాను ఇంటర్వ్యూ కోసం వెళ్లిన చోట ఓ వ్యక్తికి ఎదురైన అనుభవాన్ని పైవిధంగా చెప్పుకొచ్చారు. దీన్ని చదివిన నెటిజన్లు ఆసక్తికర కామెంట్లు పెడుతున్నారు. ఇంటర్వ్యూలో తమకు ఎదురైన అనుభవాలను కొంత మంది పంచుకున్నారు.

ఏమిటీ ట్రిక్ టెస్ట్ (Trick Test)? ఈ ఇంటర్వ్యూ ఏం నేర్పుతోంది?
ఇక్కడ హైరింగ్ మేనేజర్ స్థానంలో ఉన్న ఉద్యోగి ఓ రిసెప్షనిస్ట్‌గా వ్యవహరించారు. ఉద్యోగ ఎంపిక ప్రక్రియలో ప్రస్తుతం అనుసరిస్తున్న విధానాల్లో ఇదొక ఒక చిన్న పరీక్ష. దీన్ని ట్రిక్ టెస్టుగా వ్యవహరిస్తున్నారు. ఆ ట్రిక్‌ టెస్టులో విఫలం కావడం వల్లే సదరు నిరుద్యోగి కేవలం 5 నిమిషాల్లో తన ఉద్యోగావకాశం కోల్పోయాడు.

రిసెప్షన్‌ వేషధారణలో ఉన్న ఆమెతో మాట్లాడానికి అతను ఇష్టపడలేదు. ఆమె గౌరవంగా పలకరించినా, పలుమార్లు మాట్లాడటానికి ప్రయత్నించినా లైట్‌ తీసుకున్నాడు. ‘నీతో నాకు పనిలేదు’ అన్నట్లు ఆమె వైపు చూశాడు. తనే డెసిషన్ మేకర్ అన్నట్లుగా ప్రవర్తించాడు. ఈ ప్రవర్తనే అతడు తన ఉద్యోగ అవకాశాన్ని కోల్పోవడానికి కారణమైంది. కాబట్టి ఉద్యోగం కోసం వెళ్లినప్పుడు అక్కడ పని చేసే ప్రతి వ్యక్తినీ గౌరవించడం ఎంతో ముఖ్యం.

Also Read:IAS టాపర్ల ప్రేమ బంధానికి బీటలు.. కలిసి బతకలేకపోయారు!

Don’t Miss:10 నిమిషాల్లోనే రూ.12 కోట్లు మాయం..!

Must Read:నా తండ్రి మధ్యాహ్న భోజనం కాజేస్తున్నాడు.. కలెక్టర్‌కు బాలిక ఫిర్యాదు, కంటతడి పెట్టిస్తోంది!



Source link

Leave a Reply

Your email address will not be published. Required fields are marked *