job loss data collate : లాక్‌డౌన్‌‌తో జాబ్ పోయిందా? శాలరీలో కోత పడిందా?: కేంద్రం ఆరా.. ఎలాగంటే? – labour ministry asks epfo and esic to collate data on job losses, salary cuts and delayed payment


కరోనా కట్టడి కోసం దేశవ్యాప్తంగా లాక్‌డౌన్ విధించగా.. దాని ప్రభావం ఉద్యోగాల మీద పడుతోంది. చాలా సంస్థలు ఉద్యోగుల జీతాల్లో కోత పెడుతున్నాయి. కొన్ని సంస్థలు జీతాలు ఇవ్వకుండా సెలవు మీద పంపిస్తుంటే.. మరి కొన్ని ఏకంగా ఉద్యోగులకు ఉద్వాసన పలుకుతున్నాయి. లాక్‌డౌన్‌ను మే 3 వరకు పొడిగిస్తున్నట్లు ప్రకటించిన సందర్భంగా.. ఉద్యోగులను తొలగించొద్దని ప్రధాని మోదీ సంస్థలు, పరిశ్రమలను కోరారు.


దీంతో రంగంలోకి దిగిన కార్మిక శాఖ ఉద్యోగాలు కోల్పోయిన, వేతనాల్లో కోత పడిన, ఆలస్యంగా జీతాలు అందుకున్న వారి వివరాలను సేకరించాలని ఎపీఎఫ్‌వో (ఎంప్లాయిస్ ప్రావిడెంట్ ఫండ్ ఆర్గనైజేషన్), ఈఎస్ఐ‌సీ (ఎంప్లాయిస్ స్టేట్ ఇన్సూరెన్స్ కార్పొరేషన్)లను ఆదేశించింది.

సమాచారాన్ని సేకరించడం పూర్తయ్యాక ఆ వివరాలను ప్రధాని మోదీ ముందు ఉంచనున్నారు. వివరాలను సేకరించే ప్రక్రియ ఇప్పటికే పూర్తయ్యిందని నెల చివరి రోజు, 7వ తేదీల్లో జీతాలు ఎక్కువగా చెల్లిస్తారు కాబట్టి ఏప్రిల్ నెలాఖరు, మే 7వ తేదీలపై శ్రద్ధ పెట్టామని అధికారులు తెలిపారు. ఈపీఎఫ్‌వోలో పెన్షనర్లు సహా 6 కోట్ల మందికి సభ్యత్వం (సబ్‌స్క్రైబర్లు) ఉంది. ఈఎస్ఐసీలో 3 కోట్ల మందికి సభ్యత్వం ఉంది. టెలిఫోన్ కాల్స్ ద్వారా సబ్‌స్క్రైబర్లను సంప్రదించాలని ప్రాంతీయ ఈపీఎఫ్‌వో ఆపీసులకు ఆదేశాలు వెళ్లాయి.

ఉద్యోగుల జీతాల కోత, ఉద్యోగాలు కోల్పోవడం తదితర సమస్యల గురించి తెలుసుకోవడం కోసం కార్మిక శాఖ 20 కాల్ సెంటర్లను ఏర్పాటు చేసింది.ఈ విధంగా సేకరించిన వివరాల ద్వారా ఏయే రంగాలపై తీవ్ర ప్రభావం పడింది, లాక్‌డౌన్ కారణంగా ఎవరిపై ఎక్కువ ప్రభావం పడిందో తెలుసుకోవడం ప్రభుత్వాలకు తేలికవుతుంది.

భారత్‌లో పని చేసే జనాభా 50 కోట్ల మంది ఉండగా.. వీరిలో ఐదు కోట్ల మంది లేదా పది శాతానికిపైగా మాత్రమే వ్యవస్థీకృత రంగంలో ఉన్నారు. నెలకు రూ. 15 వేల కంటే తక్కువ జీతం అందుకునే వారికి 24 శాతం ఈపీఎఫ్‌ను మూడు నెలలపాటు తామే చెల్లిస్తామని ప్రభుత్వం హామీ ఇచ్చిన సంగతి తెలిసిందే.





Source link

Leave a Reply

Your email address will not be published. Required fields are marked *