jubilee hills society donation : సీఎం స‌హాయ‌నిధికి జూబిలీహిల్స్ సొసైటీ భారీ విరాళం.. కేసీఆర్‌కు చెక్కు అంద‌జేత‌ – cm kcr receives rs.1.50 cr cheque from jubilee hills society


కరోనా వైరస్ మహామారి దేశవ్యాప్తంగా విస్తరిస్తున్న వేళ‌.. దానిపై పోరాటం చేసేందుకు అనేక మంది ముందుకు వస్తున్నారు. ప్రభుత్వానికి మద్దతుగా నిలిచే క్రమంలో విరాళాలను ప్రకటించడంతో పాటు నిరుపేదలకు సహాయం చేస్తూ తన మంచి మనసు చాటుకున్నారు. తాజాగా ఈ జాబితాలో జూబిలీహిల్స్ కో ఆపరేటివ్ హౌజ్ బిల్డింగ్ సొసైటీ, జూబిలీహిల్స్ ఇంటర్నేషనల్ సెంటర్ నిర్వాహ‌కులు నిలిచారు. కరోనా వైరస్‌పై పోరాటానికి మ‌ద్ద‌తుగా తెలంగాణ సీఎం కే చంద్రశేఖర్ రావును విరాళానికి సంబంధించిన చెక్కును సొసైటీ అధ్యక్షుడు న‌రేంద్ర చౌద‌రి అందించారు.


క‌రోనాపై పోరులో ప్రభుత్వానికి మద్దతుగా నిలిచేందుకు ప్రజలు అందరూ ముందుకు రావాలని ప్రధానమంత్రి నరేంద్ర మోదీ గ‌తంలో పిలుపునిచ్చిన సంగతి తెలిసిందే. కరోనా వ్యాప్తి నిరోధానికి జరుగుతున్న ప్రయత్నాలకు సహాయంగా కోటిన్నర రూపాయల విరాళాన్ని సొసైటీ నిర్వాహకులు ముఖ్యమంత్రి సహాయ నిధికి అందించారు.

ఇందులో జూబిలిహిల్స్ సొసైటీ కోటి రూపాయలు, జూబిలీహిల్స్ ఇంటర్నేషనల్ సెంటర్ రూ.50 లక్షల విరాళం ప్ర‌క‌టించింది. ప్రగతిభవన్ లో సోమవారం ముఖ్యమంత్రి కేసీఆర్ కు అందించారు. ఈ కార్య‌క్ర‌మంలో టి.నరేంద్ర చౌదరితోపాటు కార్యదర్శి టి. హనుమంతరావు, కోశాధికారి ఎ.సురేశ్ రెడ్డి పాల్గొన్నారు. ముఖ్యమంత్రి కేసీఆర్‌ వారికి ధన్యవాదాలు తెలిపారు.





Source link

Leave a Reply

Your email address will not be published. Required fields are marked *