june 30 deadline: ఈ నెలాఖరులోగా మీరు కచ్చితంగా పూర్తి చేయాల్సిన 7 పనులు ఇవే.. లేదంటే.. – complete these 7 money related tasks before june 30, otherwise you will have to bear the loss


ప్రధానాంశాలు:

  • జూన్ 30 చాలా అంశాలకు డెడ్‌లైన్
  • ఈలోపు చాలా పనులు పూర్తి చేయాల్సిందే
  • లేదంటే ఇబ్బందులు ఎదుర్కోవాలి

కరోనా వైరస్ లాక్ డౌన్ కారణంగా కేంద్ర ప్రభుత్వం ఆర్థిక వ్యవస్థను ఆదుకోవడానికి, ప్రజలకు ఇబ్బంది లేకుండా చూసుకోవడానికి పలు నిర్ణయాలు తీసుకుంది. అంతేకాకుండా కోవిడ్ 19 ప్రతికూల పరిస్థితుల్లో మోదీ సర్కార్ ఇటీవల పలు ఆర్థిక అంశాలకు సంబంధించిన గడువును కూడా పొడిగించింది. వీటిల్లో జూన్ నెల చివరకు కచ్చితంగా పూర్తి చేయాల్సిన ఆర్థిక అంశాలు కొన్ని ఉన్నాయి. అవి ఏంటివో చూద్దాం..

1. కేంద్ర ప్రభుత్వం పాన్ ఆధార్ లింక్ గడువును మార్చి 31 నుచి జూన్ 30కు పొడిగించింది. మీరు ఈలోగా రెండింటినీ లింక్ చేసుకోవలసి ఉంటుంది. లేదంటే పాన్ కార్డు పని చేయకపోవచ్చు.

2. 2019-20 ఆర్థిక సంవత్సరానికి సంబంధించిన ట్యాక్స్ సేవింగ్స్‌ గడువు కూడా కేంద్రం జూన్ 30కి పొడిగించింది. మీరు ఇప్పటికీ ట్యాక్స్ సేవింగ్ ఇన్వెస్ట్‌మెంట్ సాధనాల్లో ఇన్వెస్ట్ చేయకపోతే వెంటనే ఆ పని పూర్తి చేయండి. పన్ను మినహాయింపు పొందండి.

Also Read: రుణ గ్రహీతలకు శుభవార్త.. రుణాలపై వడ్డీ రేట్లు తగ్గించిన బ్యాంక్!

3. 2018-19 ఆర్థిక సంవత్సరానికి సంబంధించిన రివైజ్డ్ ఐటీఆర్ ఫైలింగ్ దాఖలుకు గడువు కూడా జూన్ 30గా ఉంది. మీరు ఇప్పటికీ ఈ పని చేయకపోతే వెంటనే రివైజ్డ్ ఐటీఆర్ దాఖలు చేయొచ్చు.

4. కేంద్ర ప్రభుత్వం ఫామ్ 16 జారీ చేయడానికి కంపెనీలకు గడువును పొడిగించింది. జూన్ 30 వరకు దీనికి సమయం ఉంది. ఫామ్ 16లో ట్యాక్స్ డిడక్షన్‌కు సంబంధించిన అన్ని వివరాలు ఉంటాయి.

Also Read: శుభవార్త.. భారీగా పడిపోయిన బంగారం ధర.. వెండి ఢమాల్.. లేటెస్ట్ రేట్లు ఇలా!

5. పబ్లిక్ ప్రావిడెంట్ ఫండ్ (PPF), లేదా ఇతర స్మాల్ సేవింగ్ స్కీమ్స్ అకౌంట్ తెరిచిన వారు గడువులోగా మినిమమ్ బ్యాలెన్స్ చెల్లించకపోతే పెనాల్టీలు ఎదుర్కోవలసి వస్తుంది. పోస్టల్ డిపార్ట్‌మెంట్ మినిమమ్ డిపాజిట్ గడువును జూన్ 30 వరకు పొడిగించింది. ఈలోపు మీరు స్మాల్ సేవింగ్ అకౌంట్లలో డబ్బులు డిపాజిట్ చేయండి.

6. పీపీఎఫ్ అకౌంట్ మెచ్యూరిటీ 15 ఏళ్లు. ఈ మెచ్యూరిటీ కాలం దాటిన తర్వాత కూడా పీపీఎఫ్ ఖాతాదారులు వారి అకౌంట్‌ను కొనసాగించుకోవచ్చు. ఈ విషయాన్ని బ్యాంక్ లేదా పోస్టల్ డిపార్ట్‌మెంట్‌కు తెలియజేయాల్సి ఉంటుంది. పోస్టల్ డిపార్ట్‌మెంట్ జూన్ 30 వరకు ఇందుకు గడువు ఇచ్చింది.

7. ప్రభుత్వ ఉద్యోగులకు కేంద్ర ప్రభుత్వం ఊరట కలిగించే నిర్ణయం తీసుకుంది. 2020 ఫిబ్రవరి నుంచి ఏప్రిల్ రిటైర్డ్ అయ్యే ఉద్యోగులు సీనియర్ సిటిజన్స్ సేవింగ్ స్కీమ్‌లో చేరేందుకు జూన్ 30 వరకు గడువు ఇచ్చింది. దీంతో55-60 ఏళ్ల వయసులో ఉన్న రిటైర్డ్ ఉద్యోగులు ఎస్‌సీఎస్ఎస్ స్కీమ్‌లో చేరొచ్చు.



Source link

Leave a Reply

Your email address will not be published. Required fields are marked *