kadapa bike accident: కడపలో విషాదం.. బైక్ టైర్లో చున్నీ చిక్కుకొని మహిళ మృతి – woman dies as dupatta gets stuck in bike at ysr kadapa district


భర్త పిల్లలతో కలిసి బైక్‌పై వెళ్తున్న మహిళకు చున్నీయే యమపాశం అయ్యింది. చున్నీ రూపంలో వచ్చిన మృత్యువు ఆమె ప్రాణాల్ని కబళించింది. ఈ విషాదకరమైన ఘటన కడప జిల్లాలో జరిగింది. గోపవరం మండలం పెద్దపోలుకుంట గ్రామానికి చెందిన మునగల లక్ష్మీదేవి భర్త మునగల సుబ్రహ్మణ్యం ముగ్గురు పిల్లలతో కలిసి 15 రోజుల క్రితం ప్రకాశం జిల్లా పామూరు మండలంలోని చీమకుర్తికి వెళ్లారు. అక్కడ కూలీ పనులు చేసుకునేందుకు బంధువుల ఇంటికి వెళ్లారు. ఎన్ని రోజులు ఉన్నా పనులు దొరక్కపోవడంతో ఆదివారం బైక్ పై తిరిగి స్వగ్రామమైన పెదపోలుగుంట గ్రామానికి బయలుదేరారు.

బాగా ఎండ కాయడంతో వేడిగాలి తగలకుండా లక్ష్మీదేవి చున్నీని ముఖానికి కట్టుకుంది. మార్గంమధ్యలోని భూమిరెడ్డిపల్లె వద్ద జాతీయ రహదారిపై బైక్‌ వెనుక చక్రానికి ముఖానికి చుట్టుకున్న చున్నీ చిక్కుకుంది. దీంతో ఆమె ఒక్కసారిగా బైక్ పై నుంచి కిందపడింది. దీంతో ఆమె తలకు, ఛాతికి తీవ్ర గాయాలు కావడంతో అక్కడికక్కడే మృతి చెందింది. కళ్ల ముందే చనిపోవడంతో భర్త, పిల్లలు కన్నీరు మున్నీరుగా విలపించారు. స్థానికులు 108 సిబ్బందికి సమాచారం అందించారు. లక్షీదేవి మృతదేహాన్ని పోస్టుమార్టం నిమిత్తం కనిగిరి ఆస్పత్రికి తరలించారు.

ప్రమాదం జరిగిన స్థలాన్ని ఎస్సై అంబటి చంద్రశేఖర్‌ పరిశీలించారు. అనంతరం కనిగిరి వైద్యశాలకు వెళ్లి ప్రమాద ఘటనపై వివరాలు తెలుసుకున్నారు. మృతురాలి సోదరుడు పొదిలి నరసింహులు ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నారు.
మృతురాలు లక్ష్మీదేవికి ఒక అబ్బాయి, ఇద్దరు అమ్మాయిలు. కళ్ల ముందే అమ్మ రక్తపు మడుగుల్లో విగతజీవిలా పడి ఉండటంతో ముగ్గురు చిన్నారులు ఏమైందో తెలియక కన్నీరుమున్నీరుగా రోధించారు. దీంతో ఆ చిన్నారుల్ని చూసిన స్థానికుల సైతం కంటతడి పెట్టుకున్నారు.



Source link

Leave a Reply

Your email address will not be published. Required fields are marked *