kamareddy corona patient: కామారెడ్డిలో ఒకరికి కరోనా.. 1,400 ఇళ్లల్లో అధికారుల స‌ర్వే – another corona case found in kamareddy, official surveys in 1440 houses


కామారెడ్డి జిల్లాలో కరోనా వైరస్ కలకలం రేపుతోంది. కామారెడ్డి నగరంలోని పంచముఖి హనుమాన్ కాలనీలో నివాసం ఉండే ఓ వృద్ధుడి(60)కి కరోనా వైరస్ పాజిటివ్ అని తేలింది. దీంతో జిల్లా వైద్యాధికారులు గురువారం అతణ్ని హైదరాబాద్‌లోని గాంధీ ఆస్పత్రికి త‌ర‌లించారు. అదే సమయంలో అత‌ని కుటుంబ సభ్యులు మరో 13 మందిని హోం క్వారంటైన్‌లో ఉంచారు. ఈ క్రమంలో గత 14 రోజలు వ్యవధిలో ఆ వృద్ధుడు తిరిగిన ప్రాంతాలపై వైద్యాధికారులు ఆరా తీశారు. దీంతో పంచముఖి హనుమాన్ కాలనీలోనే దాదాపు 1440 ఇళ్లలోని వ్యక్తులకు కరోనా పాజిటివ్ వ్యక్తికి ప్రైమరీ కాంటాక్ట్ ఉన్నట్లుగా గుర్తించారు.

దీంతో ఆరోగ్య అధికారులు 18 టీమ్‌లుగా ఏర్పడి శుక్రవారం కామారెడ్డిలోని పంచముఖి హనుమాన్ కాలనీలో 1,440 ఇళ్లలో సర్వే చేపట్టనున్నారు. అయితే, ఈ వ్యక్తి గాంధీ ఆస్పత్రి నుంచి మాయం కావడం ఆందోళన కలిగిస్తోంది. దీంతో అప్రమత్తమైన వైద్యారోగ్య శాఖ అధికారులు అతడి కోసం వెతుకులాట ప్రారంభించారు. అతడు కామారెడ్డి వెళ్లాడా లేదంటే మరెక్కడికైనా వెళ్లాడా అనే విషయంపై ఆరా తీస్తున్నారు.

మరో కేసులో ఇదే జిల్లా బీబీపేట మండలంలోని తుజాల్పూర్, మల్కాపూర్ గ్రామాలలోనూ 11 కుటుంబాలను అధికారులు హోం క్వారంటైన్ చేశారు. తుజాల్పూర్ గ్రామానికి చెందిన ఓ వ్యక్తి గత కొన్నేళ్లుగా హైదరాబాద్‌లో నివసిస్తున్నాడు.

మే 30న సొంతూరికి వచ్చి రెండు రోజులు అక్కడే ఉండగా.. అతను అస్వస్థతకు గురి కావడంతో స్థానిక వైద్యుడి వద్ద చికిత్స తీసుకొని మరుసటి రోజు మళ్లీ హైదరాబాద్ వెళ్లాడు. అక్కడికి వెళ్లాక పరీక్షలు చేయించుకుంటే బుధవారం ‌కరోనా పాజిటివ్ అని తేలింది. దీంతో ఆ గ్రామానికి వచ్చినప్పుడు కలిసిన వారిని కూడా అధికారులు హోం క్వారంటైన్ చేశారు.



Source link

Leave a Reply

Your email address will not be published. Required fields are marked *