Kapil Dev : ‘ఇండో-పాక్’ కరోనా సిరీస్.. అక్తర్‌పై క‌పిల్ ఫైర్‌ – indian legendary kapil dev fires on pakistan former pacer shoaib akhtar


ప్ర‌మాద‌క‌ర క‌రోనా వైర‌స్‌పై పోరాటానికి నిధుల‌ను సేక‌రించ‌డానికి భార‌త్‌-పాకిస్థాన్ జ‌ట్ల మ‌ధ్య మూడు వ‌న్డేల సిరీస్ నిర్వ‌హించాల‌ని తాజాగా మాజీ పేస‌ర్ షోయ‌బ్ అక్త‌ర్ ప్ర‌తిపాదించిన సంగ‌తి తెలిసిందే. అయితే దీనిపై భార‌త మాజీ కెప్టెన్ క‌పిల్ దేవ్ ఫైర‌య్యాడు. భార‌త్ వ‌ద్ద డ‌బ్బుల‌కేమీ కొదువ లేద‌ని, పైస‌ల కోసం క్రికెట‌ర్ల జీవితాల‌ను రిస్క్‌లో పెట్ట‌లేమ‌ని స్ప‌ష్టం చేశాడు. ప్ర‌స్తుత ప‌రిస్థితుల్లో మ‌రో ఐదారు నెల‌ల‌పాటు క్రికెట్ మ్యాచ్‌లు నిర్వ‌హించ‌కూడద‌ని కపిల్ అభిప్రాయ‌ప‌డ్డాడు.


Read Also: ఆ సమ‌యం న‌ర‌కంలాగా అన్పించింది: పృథ్వీ షా


క‌రోనాపై పోరుకు భార‌త్ వ‌ద్ద కావాల్సిన‌న్ని డ‌బ్బులున్నాయ‌ని స్ప‌ష్టం చేసిన క‌పిల్‌.. బీసీసీఐ ఇప్ప‌టికే రూ.51 కోట్ల‌ను ప్ర‌భుత్వానికి విరాళంగా అందించిన విష‌యాన్ని గుర్తు చేశాడు. కావాల‌నుకుంటే మ‌రిన్ని నిధుల‌ను ఇవ్వడానికి బోర్డు సిద్ధంగా ఉంద‌ని తెలిపాడు. మ‌రోవైపు దేశం కంటే ఆట ఎప్ప‌టికీ గొప్ప‌ది కాబోద‌ని వ్యాఖ్యానించాడు.

Read Also: వెల్‌డన్ స‌న్‌రైజ‌ర్స్.. భారీ విరాళంపై వార్నర్


మ‌రోవైపు క‌రోనా విస్త‌రిస్తున్న వేళ ప్ర‌జ‌లంతా ఇళ్ల‌ల్లోనే ఉండాల‌ని క‌పిల్ సూచించాడు. ద‌క్షిణాఫ్రికా మాజీ అధ్య‌క్షుడు నెల్స‌న్ మండేలా ఒక చిన్న గ‌దిలో 27 ఏళ్ల పాటు నిర్బంధానికి గుర‌య్యార‌ని, అయితే అనేక సౌక‌ర్యాల మ‌ధ్య ఇళ్ల‌ల్లోనే మ‌నం గ‌డ‌ప‌డం చాలా చిన్న విష‌య‌మ‌ని క‌పిల్ అభిప్రాయ‌ప‌డ్డాడు. జీవితం కంటే గొప్ప‌దేమీ లేద‌ని, ప్ర‌స్తుత ప‌రిస్థితుల్లో దాన్ని కాపాడుకోవాల్సిన అవ‌స‌ర‌ముంద‌ని క‌పిల్ సూచించాడు.





Source link

Leave a Reply

Your email address will not be published. Required fields are marked *