karnataka man murder : రేషన్ కోసం వచ్చిన వ్యక్తిని రాడ్లతో కొట్టి చంపేశారు.. దారుణం – man brutally killed by opponent in tumkur of karnataka


రేషన్ తెచ్చుకునేందుకు వెళ్లిన వ్యక్తిని ఐరన్ రాడ్లతో దాడి చేసి దారుణంగా హత్య చేసిన ఘటన ఆలస్యంగా వెలుగులోకి వచ్చింది. ఎప్పుడో జరిగిన గొడవని మనసులో పెట్టుకుని రేషన్ కోసం ఊళ్లోకి వచ్చిన వ్యక్తిని చుట్టుముట్టారు దుండగులు. కట్టెలు, రాడ్లతో అమానుషంగా దాడి చేసి అంతమొందించారు. ఈ దారుణ ఘటన ఆంధ్రప్రదేశ్ – కర్ణాటక సరిహద్దు గ్రామంలో చోటుచేసుకుంది.


తుమకూరు జిల్లా పాగడ తాలూకాలోని బీకే హళ్లిలో దారుణ హత్య జరిగింది. పాతకక్షల నేపథ్యంలోనే ఈ హత్య జరిగినట్లు పోలీసులు తెలిపారు. తిరుమణి పోలీస్ స్టేషన్ పరిధిలోని వడ్రేవు గ్రామానికి చెందిన గంగాధరప్పకి.. అదే గ్రామానికి చెందిన సతీష్‌ ఆరు నెలల కిందట ఘర్షణ పడ్డారు. అప్పటికి అది సర్దుమణిగినా వివాదాన్ని మనసులో పెట్టుకున్న సతీష్ ప్రతీకారం కోసం ఎదురుచూస్తున్నాడు.

Also Read:
ప్రకాశం జిల్లాలో ఘోర రోడ్డు ప్రమాదం.. డీసీఎంలో నలిగిపోయి ఇద్దరు..

ఉగాది పండుగ సందర్భంగా గత నెలలో బెంగళూరు నుంచి గ్రామానికి వచ్చిన సతీష్ అనుచరులతో కలసి గంగాధరప్ప హత్యకు ప్లాన్ చేశాడు. రేషన్ బియ్యం తెచ్చుకునేందుకు గంగాధరప్ప సమీపంలోని బీకే హళ్లి గ్రామానికి వెళ్తున్న సమాచారం అందుకున్న సతీష్.. ఇదే అదనుగా అనుచరులతో కలసి ముందుగానే బీకే హళ్లి చేరుకున్నాడు. గంగాధరప్ప రేషన్ కోసం రాగానే ఒక్కసారిగా అతనిపై కర్రలే రాడ్లతో దాడి చేశారు.

Read Also: కామపిశాచిగా మారిన కన్నతండ్రి.. కూతురిపై నెల రోజులుగా దారుణం

దాడిలో తీవ్రగాయాలపాలైన గంగాధర్ అక్కడికక్కడే ప్రాణాలు కోల్పోయాడు. సమాచారం అందుకున్న పోలీసులు ఘటనా స్థలానికి చేరుకున్నారు. పాతకక్షల కారణంగా హత్య జరిగినట్లు ప్రాథమిక నిర్ధారణకు వచ్చిన పోలీసులు.. సతీష్, అతని ఐదుగురు అనుచరులను అరెస్టు చేశారు. అయితే గతంలో బీకే హళ్లి, సమీప గ్రామాలు నక్సల్ ప్రభావిత గ్రామాలు కావడంతో ఒక్కసారిగా ఉలిక్కిపడ్డాయి.


Also Read:

కడసారి తండ్రిని చూసుకోలేక మనస్థాపంతో కొడుకు.. అనంతపురంలో విషాదం





Source link

Leave a Reply

Your email address will not be published. Required fields are marked *