karnataka woman rape: ప్రత్యేక ప్రార్థనల పేరుతో యువతిపై అత్యాాచారం.. పరారీలో కీచక మత గురువు – moulvi raped young woman in mysore district karnataka


ఆధ్యాత్మిక బోధనలు చెప్పాల్సిన మతగురువు కీచకుడిగా మారాడు. మంచి అబ్బాయి భర్తగా వచ్చేలా చేస్తానని, కరోనా వైరస్ సోకకుండా ప్రార్థనలు చేస్తానంటూ మాయమాటలు చెప్పాడు. అతడి మాటలు నమ్మిన అమాయకురాలిపై మసీదులోనే అత్యాచారం చేశాడు. అయినప్పటికీ ఆగకుండా కోరిక తీర్చాలంటూ ఆమెను లైంగికంగా వేధించసాగాడు. ఆ కామాంధుడి వేధింపులు తాళలేక యువతి పోలీసులను ఆశ్రయించడంతో విషయం వెలుగులోకి వచ్చింది.

Also Read: కీచక పోలీస్.. అర్ధరాత్రి ఒంటరి మహిళపై కానిస్టేబుల్‌ అఘాయిత్యం

కర్ణాటకలోని మైసూరు జిల్లా హణసూరు సమీపంలోని చిల్కుంద గ్రామానికి చెందిన దంపతులకు ఓ కూతురు ఉంది. వారికి హణసూరు పట్టణంలోని లాల్ బన్ వీధికి చెందిన జబీవుల్లా అనే మత గురువు(మౌల్వీ)తో పరిచయమైంది. అప్పుడప్పుడు జబీవుల్లా వారింటికి వచ్చి వెళ్తుండేవాడు. ఈ క్రమంలో దంపతుల కుమార్తెపై అతడి కన్ను పడింది. లాక్‌డౌన్ సమయంలోనూ అనేకసార్లు వారింటికి వచ్చి యువతిని లొంగదీసుకునేందుకు ప్రయత్నించి విఫలమయ్యాడు. దీంతో ప్రత్యేక ప్రార్థనల పేరుతో ప్లాన్ వేశాడు. మీ అమ్మాయికి మంచి భర్త వచ్చేలా దేవుడికి ప్రత్యేక ప్రార్థనలు చేస్తానని నమ్మించాడు. అప్పుడప్పుడు ఆమెను మసీదుకు ఒంటరిగా రప్పిస్తూ ప్రార్థనలు చేసేవాడు. నీకు మంచి భర్త రావాలన్నా, కరోనా వైరస్ సోకకుండా ఉండాలన్నా తాను చెప్పినట్లు వినాలని నమ్మించి ఆమెపై మసీదులోనే అత్యాచారానికి పాల్పడ్డాడు. ఈ విషయం చెబితే ఎవరికైనా చెబితే దేవుడు శపిస్తాడని చెప్పడంతో ఆమె ఎవరికీ చెప్పలేదు.

Also Read: ఉద్యోగం పేరుతో పైశాచికం… యువతిని నిర్బంధించి 2 నెలలుగా గ్యాంగ్ రేప్

అయితే ఆమెను రోజూ మసీదుకు రప్పించి కోరిక తీర్చాలంటూ వేధిస్తుండటంతో చివరికి తన తండ్రికి అసలు విషయం చెప్పింది. తన కూతురిపై ఇంత నీచానికి పాల్పడిన జబీవుల్లాపై యువతి తండ్రి హణనూరు పోలీసులకు ఫిర్యాదు చేశాడు. దీంతో ఆ కీచకుడు పరారయ్యాడు. జబీవుల్లాపై కేసు నమోదు చేసిన పోలీసులు అతడి గతంలో ఎవరి మీదైనా అఘాయిత్యానికి పాల్పడ్డాడా? అన్న కోణంలో దర్యాప్తు చేస్తున్నారు.

Also Read: స్నానం చేస్తుండగా వీడియో తీసి బాలికపై రేప్.. గర్భం దాల్చిన బాధితురాలు



Source link

Leave a Reply

Your email address will not be published. Required fields are marked *