karthi: Rashmika Mandanna: అద్భుతమైన వ్యక్తులతో అరుదైన అవకాశం.. క్రేజీ బ్యూటీ రష్మిక ఎమోషనల్ మెసేజ్ – rashmika mandanna emotional tweet with shares sulthan first look


‘ఛలో’ అంటూ టాలీవుడ్ గడపతొక్కిన రష్మిక మందన అతి తక్కువ కాలంలోనే స్టార్ స్టేటస్ పట్టేసింది. యూత్ ఆడియన్స్‌లో క్రేజీ బ్యూటీగా గుర్తింపు తెచ్చుకున్న ఈ అమ్మడు ప్రస్తుతం సౌత్ ఇండియన్ సినిమాల్లో వరుస ఆఫర్స్‌ దక్కించుకుంటోంది. ముఖ్యంగా స్టార్ హీరోలకు బెటర్ ఛాయిస్‌గా మారిన ఈ ముద్దుగుమ్మ తెలుగు, కన్నడ భాషా చిత్రాల్లో సత్తా చాటుతోంది. ఇక అతి త్వరలో తమిళ తెరపై కూడా మెరవనుంది రష్మిక. రీసెంట్‌గా హీరో కార్తి సరసన ‘సుల్తాన్‘ మూవీలో ఛాన్స్ పట్టేసి షూటింగ్ కంప్లీట్ చేసింది. ఈ నేపథ్యంలోనే తాజాగా తన తొలి తమిళ సినిమా గురించి స్పందిస్తూ ఎమోషనల్ పోస్ట్ పెట్టింది రష్మిక మందన.

ఇటీవలే విడుదలైన ‘సుల్తాన్’ ఫస్ట్‌లుక్ పోస్టర్ షేర్ చేస్తూ తన ఫీలింగ్స్ బయటపెట్టింది రష్మిక. ”చిన్నప్పటి నుంచి నాన్న, నేను కలిసి చాలా తమిళ సినిమాలు చూసేవాళ్లం. ఇప్పుడు ఇంత పెద్ద తమిళ సినిమాలో నేను నటించడం నమ్మలేకపోతున్నా. అద్భుతమైన వ్యక్తులతో కలిసి పనిచేసే అరుదైన అవకాశం దక్కింది. ఇందుకు నేను కృతజ్ఞురాలిని” అని తెలిపింది రష్మిక మందన. ఈ ట్వీట్ చూసిన నెటిజన్లు ఆమెకు పెద్ద ఎత్తున ఆల్ ది బెస్ట్ చెబుతున్నారు.

Also Read: ‘సుల్తాన్’ ఫస్ట్ లుక్: కొరడాతో దుమ్ములేపుతున్న కార్తి

ఫ్యామిలీ అండ్ యాక్షన్ ఎంటర్‌టైనర్‌ సినిమాగా ‘సుల్తాన్’ ప్రేక్షకుల ముందుకు రానుంది. ఈ సినిమాలో కార్తి సరసన రష్మిక మందన హీరోయిన్‌గా నటించింది. ‘రెమో’ ఫేమ్ బక్కియరాజ్ కన్నన్ దర్శకత్వం వహించారు. డ్రీమ్ వారియర్స్ పిక్చర్స్ బ్యానర్‌పై ఎస్.ఆర్. ప్రకాష్ బాబు, ఎస్.ఆర్. ప్రభు నిర్మిస్తున్నారు. వివేక్ మెర్విన్ సంగీతం సమకూరుస్తున్న ఈ సినిమాకి సత్యన్ సూర్యన్ సినిమాటోగ్రఫీ అందిస్తున్నారు. ఇటీవలే షూటింగ్ ఫినిష్ చేసుకున్న ఈ సినిమా ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది.



Source link

Leave a Reply

Your email address will not be published. Required fields are marked *