karthika deepam serial: ఈ సంతోషాన్ని నేను మాటల్లో చెప్పలేకపోతున్నాను డాక్టర్ బాబు! వైరల్ అవుతున్న వీడియో – karthika deepam serial emotional scene goes viral


కార్తీకదీపం సీరియల్‌లో ఎవరు విలన్ అంటే మౌనిత అని టక్కున చెప్పేస్తారు కానీ.. దీప, కార్తీక్‌ల్లో ఎవరిది తప్పు, ఎవరు మంచివాళ్లు అంటే ఎవ్వరి దగ్గర సరైన సమాధానం ఉండదు. ఎందుకంటే ఇద్దరూ మంచివాళ్లే. ఇద్దరివీ తప్పు చెయ్యని వ్యక్తిత్వాలే. నిజానికి ఈ సీరియల్ ఇద్దరి మంచివాళ్ల మధ్య సంఘర్షణలా సాగుతుంది. అయితే దీప, కార్తీక్ విడిపోవడానికి బలమైన కారణం.. దీప తప్పు చేసిందనే అనుమానం. దానికి కూడా బలమైన కారణం ఉంది. కార్తీక్‌కి పిల్లలు పుట్టరని ఇప్పటికే రెండు సార్లు నిరూపితమైంది. అందులో మౌనిత కుట్ర ఉందన్న విషయం కార్తీక్‌కి తెలియదు.

ఏదేమైనా.. కథ రసవత్తరంగా సాగుతున్న సమయంలో బ్రేక్స్ పడినా.. చాలా మందికి మొదట కథ ఎలా మొదలైంది?, కార్తీక్ వ్యక్తిత్వం ఏంటి? సౌందర్య ఎలా ఉండేది? ఇలా చాలా విషయాలు తెలుసుకోవడానికి రీవిజిట్ చాలా బాగా ఉపయోగపడింది. రీవిజిట్‌లో దీపని కార్తీక్ ఆరాధించడం, అభిమానించడం, ప్రేమించడం అంతా తెలిసిందే. అయితే కార్తీక్ దీపని ఆరాధిస్తున్న సమయంలో.. ఆదిత్య, శ్రావ్యల పెళ్లి కోసం షాపింగ్ వెళ్లినప్పుడు.. దీప ఓ చీర మీద మనసు పడుతుంది. అది చూసిన కార్తీక్.. ఆ చీరను కొని, దీపకు కొరియర్ చేస్తే… అది చూసిన భాగ్యం, నీలాద్రి, శ్రావ్యలు.. ‘ఆ చీర నీకు ఎవడు పంపించాడే..’ అని అవమానిస్తే.. ఆ చీరని బయటికి విసిరేస్తుంది, అది చూసిన కార్తీక్ ఆ చీరని పట్టుకుని వెళ్లిపోతాడు.. ఆ సీన్ గుర్తుంది కదా? అయితే ఆ చీరనే పెళ్లి అయిన తర్వాత దీప ముందు పెడతారు కార్తీక్. ఆ వీడియోనే ప్రస్తుతం వైరల్ అవుతోంది.

ఆ వీడియోలో దీప చాలా ఎమోషనల్ అవుతుంది. దీపతో కార్తీక్ చాలా ప్రేమగా మాట్లాడటం, కళ్లనిండా ఆనందభాష్పాలతో.. ‘ఈ సంతోషాన్ని నేను మాటల్లో చెప్పలేకపోతున్నాను డాక్టర్ బాబు!’ అనడం, ‘బాధపడింది చాలు.. వెళ్లి చీర కట్టుకుని రా.. లేదంటే చెప్పు నేనే కట్టేస్తాను’ అంటూ కార్తీక్ చిలిపిగా మాట్లాడటం.. చాలా ఆసక్తిగా ఉందీ వీడియో. మీరు కూడా ఓ లుక్ వేయండి.



Source link

Leave a Reply

Your email address will not be published. Required fields are marked *